Віцебскі абласны суд не адмяніў штраф за распаўсюд улётак
Рашэнне Кастрычніцкага райсуду спрабаваў абскардзіць сябра партыі левых «Справядлівы свет» Андрэй Андрэеў. Яго аштрафавалі на 2 мільёны рублёў за распаўсюд інфармацыйных матэрыялаў кампаніі «Гавары праўду».
Суддзя Віцебскага абласнога суду Ірына Смалякова пакінула без зменаў пастанову пра штраф , якую вынесла суддзя Кастрычніцкага райсуду Віцебску Алена Протас. Яна прызнала актывіста вінаватым паводле артыкула 22.9 Кодэксу аб адміністрацыйных правапарушэннях - за парушэнне заканадаўства аб СМІ.
13 жніўня супрацоўнікі Кастрычніцкага РАУС затрымалі Андрэя Андрэева падчас распаўсюду улётак з інфармацыяй пра «Народны рэфэрэндум» і «Грамадзянскую дамову» па паштовых скрынках жахароў адной з віцебскіх "шматпавярховак". 6 верасня ў Кастрычніцкім райсудзе яму прасудзілі штраф. Ні тады, ні цяпер у абласным судзе актывісту не ўдалося пераканаць суды, што улёткі – гэте не СМІ, і што Канстытуцыя Рэспублікі Беларусь гарантуе яму права на распаўсюд інфармацыі ў любой форме, у тым ліку і друкаванай.
