Навіны на тэму: выбары-2018
10.01.2018 У Гродна незалежнаму назіральніку дазволілі азнаёміцца з дакументамі вылучэнцаў
Назіральнік кампаніі “Праваабаронцы за свабодныя выбары” Раман Юргель паведаміў, што ўпершыню за шмат гадоў яму было дазволена азнаёміцца з дакументамі і сабранымі подпісамі вылучэнцаў у кандыдаты ў дэпутаты Гарадзенскага абласнога Савету дэпутатаў па адной з выбарчых акруг.
10.01.2018 Гомель: Заяву назіральніка аб жаданні прысутнічаць пры праверцы подпісаў камісія сустрэла насцярожана
Назіральнік з Гомеля Віктар Адзіночанкав яшчэ перад паседжаннем падаў заяву ў Пушкінскую акруговую камісію аб магчымасці прысутнічаць пры праверцы подпісаў. На пасяджэнні АВК ён яшчэ раз нагадаў камісіі аб сваім намеры, але канкрэтна высветліць, калі будуць правярацца подпісы не ўдалося.
09.01.2018 Валянцін Стэфановіч паўторна звярнуўся ў ЦВК: Праверку па маёй заяве правялі фармальна і няпоўна
“Няпоўнай і фармальнай” праваабаронца Валянцін Стэфановіч лічыць праверку, якую правяла Мінская гарадская выбарчая камісія па ягоным звароце ў ЦВК. Зварот тычыўся магчымага фінансавання з боку БРСМ удзелу студэнтаў у перадвыбарчых пікетах і прадстаўлення ім вызвалення ад заняткаў.
09.01.2018 Партыя БНФ абскардзіць неўключэнне сваёй вылучэнкі ў Бярозаўскую УВК
Тамара Шчапёткіна - адзіная прадстаўніца БНФ, якая не трапіла ў УВК у Бярозаўскім раёне.
06.01.2018 Справаздача па выніках назірання за фарміраваннем участковых выбарчых камісій
Назіранне ажыццяўляецца РПГА «Беларускі Хельсінкскі камітэт» і ПЦ «Вясна» ў межах кампаніі «Праваабаронцы за свабодныя выбары». У назіранні ўдзельнічаюць 29 доўгатэрміновых назіральнікаў у абласных цэнтрах і найбуйнейшых гарадах Беларусі.
05.01.2018 УВК Маскоўскага раёна Брэста: ад партый - толькі адзін вылучэнец ад "Справядлівага свету"
На пасяджэнні абмеркавання вылучаных асобаў не было. Прапанаваным у склад камісій асобам характарыстыкі не даваліся, месцы працы не называліся.
05.01.2018 Назіральнік з Віцебска: фармаванне ўчастковых камісій прайшло па старых лякалах
Кулуарнае абмеркаванне кандыдатур, ніводнага прадстаўніка апазіцыі ў камісіях, большасць з якіх была сфармавана на безальтэрнатыўнай аснове - вынікі пасяджэння адміністрацыі Кастрычніцкага раёна Віцебска.
04.01.2018 Фармаванне УВК у Гродна: у сябраў БНФ і Грамады знайшлі парушэнні ў дакументах, за сябраў АГП не прагаласавалі
Паводле незалежнага назіральніка Рамана Юргеля, было ўтворана 72 УВК па Кастрычніцкім раёне Гродна, і ні ў водную з іх не ўвайшлі прадстаўнікі дэмакратычнага блоку.
04.01.2018 Бяроза: тры з чатырох прадстаўнікоў БНФ уключылі ў УВК. Тамары Шчапёткінай зноў адмовілі
На выбарчым участку, дзе збіраецца балатавацца прадстаўнік АГП Аляксандар Кабанаў, прадстаўніцу апазіцыі не ўключылі ва ўчастковую выбарчую камісію.
04.01.2018 На 110 УВК Маскоўскага раёна Мінска не знайшлося ніводнага месца для апазіцыі
Трэцяга студзеня адбылося паседжанне адміністрацыі Маскоўскага раёна горада Мінска, на якім прайшло фармаванне ўчастковых выбарчых камісій. У выніку ніводнага прадстаўніка апазіцыйных партый, якіх і так вылучалася вельмі маленькая колькасць, у склад участковых камісій уключана не было.
04.01.2018 «З мэтай эканоміі часу»: фармаванне УВК у Глыбокім
На ўключэнне ва ўчастковыя камісіі прэтэндавалі 377 чалавек. Прайшлі ўсе - «годныя, неаднаразова прымалі ўдзел у выбарах». На ўсё паседжанне па фармаванні УВК прадстаўнікам Глыбоцкага райвыканкама на чале са старшынёй Алегам Морхатам хапіла 52 хвілінаў.
04.01.2018 Паседжанне па ўтварэнні УВК Баранавіцкага раёна прайшло "без сюрпрызаў"
Пачалося яно ў 10 раніцы і скончылася роўна праз гадзіну. За гэты час удзельнікі паседжання паспелі стварыць 34 УВК. Паводле назіральніка Сяргея Гоўшы, іх склад у колькасных адносінах стаў даволі розны: ад 5 да 19 чалавек.
04.01.2018 Мазыршчына: участковыя выбарчыя камісіі сфармаваныя прадказальна
Дакументы на ўключэнне ў склад участковых выбарчых камісій па выбарах дэпутатаў у Мазырскі райсавет пададзены ад 859 чалавек, а колькасць участковых выбарчых камісій – 76.
04.01.2018 Жодзіна: склад УВК зацверджаны адзінагалосна і безальтэрнатыўна
Пасля зацверджання прапановы па колькасным складзе для фармавання 24-х УВК (23 камісіі - па 11 чалавек, камісія №24- 5 чалавек, - усяго 258 чал.), колькасць вылучаных прэтэндэнтаў супала з колькасцю свабодных месцаў у складзе ўчастковых камісій.
03.01.2018 ЦВК пра бюджэты выбаркамаў: падставаў для абнародвання няма
Старшыня Цэнтрвыбаркама Лідзія Ярмошына не падтрымала прапанову назіральніка наконт апублікавання бюджэтаў ніжэйстаячых выбарчых камісій.
