Баранавічы: Колькасць пікетаў у падтрымку Някляева павялічылася ўдвая

У суботу і нядзелю 4-5 снежня ў Баранавічах колькасць пастаянных пікетаў за Уладзіміра Някляева павялічылася ў два разы. Гэтаму, безумоўна, паспрыяла значнае паляпшэнне надвор’я і жаданне грамадскіх актывістаў даць людзям як мага болей інфармацыі пра альтэрнатыўных кандыдатаў у прэзідэнты. Пікетоўшчыкі сканцэнтраваліся ў самых шматлюдных месцах горада Баранавічы. Найперш, гэта гарадскі цэнтральны рынак (вул. Чарнышэўскага 11) і гандлёвая плошча “Палескі” (вул. Фралянкова 22). Грамадскія актывісты свабодна раздаюць інфармацыйную і агітацыйную прадукцыю ў падтрымку Уладзіміра Някляева. Процідзеянняў з боку праваахоўных органаў пакуль не было.

“Праваабаронцы за свабодныя выбары”

Фота: Агітацыйны пікет у падтрымку Уладзіміра Някляева.