Барысаў: Выканкамаўская газета ўтойвае факт забастоўкі

Сённяшні нумар газеты "Адзiнства", заснавальнікам якой з'яўляецца Барысаўскі раённы выканкам, не даў інфармацыю пра страйк камунальнікаў, які доўжыўся амаль два дні.

Нумар выканкамаўскай газеты "Адзiнства" (№ 67 (13822), які выйшаў 26 кастрычніка, расчараваў жыхароў горада і раёна: у ім ні словам не згадваецца пра страйк работнікаў спецаўтагаспадаркі і "Зелянбуда" УП "Жыллё". Па ўсёй бачнасці, інфармацыя стала "сакрэтнай" па адной прычыне: у Барысаве і ў Барысаўскім раёне дастаткова прадпрыемстваў, дзе работнікам выплачваюць нізкую зарплату.

Страйкоўцы дамагліся свайго: ужо ўчора ім выплацілі павышаную зарплату. Такі прыклад можа быць пераняты і іншымі незадаволенымі работнікамі.