У лепшых савецкіх традыцыях - праца задарма
З 7 па 17 лістапада ў Полацку пройдзе дэкаднік па санітарнай ачыстцы і добраўпарадкаванні горада - такое рашэнне прынята Полацкім гарвыканкамам і Полацкім гарадскім саветам дэпутатаў. У суботу, 12 лістапада, у рамках дэкадніка пройдзе агульнагарадскі суботнік.
«Падчас дэкадніка плануецца зрабіць уборку замацаваных і прылеглых тэрыторый прадпрыемстваў, прыдамавых тэрыторый, сквераў, дваровых пляцовак. Асаблівая ўвага будзе нададзена ачыстцы тэрыторый і двароў у жылым сектары ад гаручых адходаў, смецця, лісця, сухой травы, - паведамляе рэгіянальная газета «Полацкі веснік». У перакладзе на звычайную мову вышэйпрыведзеная фраза азначае, што ўсе працаўнікі прадпрыемстваў і ўстаноў Полацка будуць у прымусовым парадку адпраўленыя на ўборку «прылеглых тэрыторый». Практычнае адбіранне ў людзей выходнай суботы ніяк не кампенсуецца, а вось няяўка можа паслужыць падставай для пазбаўлення прэміі за прыдуманыя правіннасці.
