Полацк: Перадвыбарчая інфармацыя за ўласны кошт

У крамах, цырульнях, школах і іншых установах Полацка з’явіліся афіцыйныя перадвыбарчыя плакаты з фотаздымкамі і кароткімі біяграфічнымі дадзенымі кандыдатаў у прэзідэнты. Па словах работніка адной з крамаў, размясціць дадзеныя плакаты на відных месцах было загадана зверху, аднак набываць дадзеную афіцыйную перадвыбарчую інфармацыйную прадукцыю кожнай установе прыйшлося за ўласныя грошы.

-- Скінуліся з дзяўчатамі і набылі. А куды падзенешся? Загад жа,--  гаворыць яшчэ адна гандлярка. –Дзе набывалі?  Прыйшлі і прынеслі. Хто прыйшоў? Не ведаю я іх імёны.

Такая вось дзяржаўная інфармацыя чамусьці за недзяржаўны кошт.

“Праваабаронцы за свабодныя выбары”