21.04.2010 Сяргей Вазняк: Па бюлетэнях выразна відаць, як здзяйсняюцца маніпуляцыі

Распачатае датэрміновае галасаванне на выбарах у мясцовыя Саветы дэпутатаў 26-га склікання, па меркаванні экспертаў, - зусім недэмакратычная працэдура, паколькі ў беларускіх умовах яна прадугледжвае не cтолькі наяўнасць магчымасці прагаласаваць тым, хто сапраўды не можа з'явіцца на галасаванне ў дзень выбараў, колькі прымусовую яўку мноства грамадзян.

21.04.2010 Бабруйск: Участковыя камісіі атрымалі негалосны загад “рабіць 80 працэнтаў”

"Нягледзячы на адменены парог яўкі нам сказалі “рабіць” 80 працэнтаў”, - распавёў сябра камісіі. – Але акарамя гэтага прагучалі і канкрэтныя прозвішчы, якім трэба зладзіць “правал” на гэтых выбарах".

21.04.2010 Праўладны кандыдат у Гомельскі абласны савет нічога не абяцае, але выслухае ўсіх

Праўладныя кандыдаты ва ўсю выкарыстоўваюць для рэкламы саміх сябе дзяржаўныя газеты. Прынамсі, ва ўсіх раенках Гомельскай вобласці былі надрукаваны змястоўныя інтэрв'ю і артыкулы, прысвечаныя «дзяржаўным» кандыдатам у абласны і раенныя саветы. Праўда, не было публікацый пра дэмакратычных кандыдатаў — пра якія роўныя ўмовы можна казаць?

20.04.2010 Пікет кандыдата Фінкевіча не застаўся без увагі ўладаў

Артур Фінкевіч, які балатуецца кандыдатам ў дэпутаты Менгарсавета па Убарэвіцкай выбарчай акрузе №7, лічыць, што дзеянні ўладаў, зарганізаваныя падчас яго пікету – не іначай як спроба сарваць агітацыйнае мерапрыемства кандыдата.

20.04.2010 Полацк: Сутрэчы – толькі з кандыдатамі ад улады

Выбарча падыходзіць да размяшчэння абвестак пра сустрэчы кандыдатаў з выбаршчыкамі газета “Полацкі веснік”. У тым выпадку, калі на выбарчай акрузе балатуюцца два кандыдаты (а такіх акругаў у Полацку 9 з 32 наяўных), у абвестцы пра сустрэчу ідзе размова толькі пра кандыдата ад улады.

20.04.2010 Віцебск: Галасаванне праходзіць без ажыятажу

Выбаршчыкі ў першы дзень галасавання не выявілі ажыятажнага жадання прагаласаваць датэрмінова. На працягу першай паловы дня прагаласавалі на выбарчым участку №18 толькі два выбаршчыкі. Калі ўлады не “ўключаць” адміністрацыйны рэсурс, то яўка на гэтых выбарах у Віцебску будзе вельмі нізкай.

20.04.2010 Бабруйск: Агітацыйныя ўлёткі за праўладнага кандыдата з’явіліся ў крамах

Уладзімір Стэльмак, дырэктар бабруйскага аўтобуснага парка балатуецца ў абласны Савет дэпутатаў па Жукаўскай выбарчай акрузе №8. Агітацыйныя ўлёткі за гэтага кандыдата з’явіліся ў крамах па вуліцы Пушкіна. Так, напрыклад, “агіткі” ёсць у краме “Кольцо” і раённым прадуктовым аддзяленні - ляжаць стосамі на сталах для пакупнікоў. Па правілах, знаходжанне агітацыйных друкаваных матэрыялаў у пунктах гандлю забаронена, але, як паведаміў сакратар гарадской выбарчай камісіі Яўген Кушнароў, можна развесіць плакаты з дазволу начальства гандлёвай кропкі.

20.04.2010 Крычаў: Звесткі аб даходах праўладных кандыдатаў у дэпутаты па-ранейшаму адсутнічаюць

Галоўны рэдактар газеты “Вольны горад” і адначасова кандыдат у дэпутаты ў раённы і абласны Саветы дэпутатаў Сяргей Няроўны адзначае, што звестак аб даходах няма ні ў агульных інфармацыйных плакатах кандыдатаў у дэпутаты ў раённы Савет, ні ў раённай дзяржаўнай газеце “Крычаўскае жыццё”.

20.04.2010 Магілёў: Улётка кандыдата Аляксея Паўлоўскага прайшла цэнзуру

“У Магілёўскай абласной друкарні пагадзіліся надрукаваць мае ўлёткі, - гаворыць Аляксей Паўлоўскі, - але потым узніклі пэўныя праблемы. Дырэктар друкарні пагаджаўся іх надрукаваць толькі пры ўмове, што я змяню тэкст. Я прынцыпова адмовіўся, бо нічога супрацьзаконнага ў ёй няма і за кожнае слова і прыведзены ў ёй факт я цалкам нясу адказнасць, бо маю доказы, якія пацвярджаюць гэтыя факты. Тады яны самастойна ўнеслі змены”.

20.04.2010 Праўладныя кандыдаты актыўна скарыстоўваюць дзяржаўныя СМІ

Пра выкарыстанне рэсурсу афіцыйных СМІ кандыдатамі ад улады сведчаць вынікі маніторынгу некаторых выданняў, заснаваных мясцовымі органамі ўлады.

20.04.2010 Кандыдаты Грамады ў сталіцы абіраюць нестандартныя хады

Трое кандыдатаў у дэпутаты на выбарах у мясцовыя Саветы 26-га склікання ад Беларускай сацыял-дэмакратычнай партыі (Грамада), па іх словах, з-за вялікай загружанасці на асноўным месцы працы не паспяваюць арганізоўваць большасць задуманых у сталіцы агітацыйных мерапрыемстваў.

20.04.2010 Брэст: Савет "народных" дэпутатаў пераўтварыўся у Савет дырэктароў

У Брэсце на 40 гарадскіх выбарчых акругах за дэпутацкія мандаты змагаецца 14 дырэктароў і намеснікаў дырэктароў буйных прадпрыемстваў, 9 дырэктароў і намеснікаў дырэктароў навучальных устаноў, 5 глаўурачоў, 4 камандзіры вайсковых частак, 5 работнікаў выканаўчай улады, старшыня гарсавету, прадстаўнік дзяржкантролю, па адным - ад БРСМ і Ветэранаў вайны ў Афганістане.

У 2007 годзе кіраўнікоў і камандзіраў у складзе гарсавету было 39 на 40 месцаў.

20.04.2010 Перадвыбарчую сустрэчу з удзелам Мілінкевіча не дазволілі

Намесьніца старшыні Гарадзенскага гарвыканкаму Ірына Сенчанкава не задаволіла заяву з просьбай дазволіць правесьці сустрэчу з выбарцамі.

20.04.2010 Гомель: Агітацыя сіламі падначаленых у працоўны час

У Гомелі некаторыя праўладныя кандыдаты праводзяць перадвыбарчую агітацыю сіламі падначаленых, у працоўны час, на дзяржаўных машынах і паліве.

20.04.2010 Салігорск: Умовы для агітацыі -- розныя

Улады выкарыстоўваюць розныя магчымасці стварэння перашкодаў незалежнаму кандыдату Аляксею Валабуеву. Раней ідэолагі атрымалі загад агітаваць супраць яго ў сваіх працоўных калектывах, тэндэнцыя апошняга тыдня – барацьба з інфармацыйнымі плакатамі кандыдата.