Навіны на тэму: выбары-2010
20.04.2010 У кандыдатаў ад БХД Віцебшчыны праблемы: ва ўсіх розныя
У Глыбокім на агульным кандыдацкім плакаце біяграфічныя дадзеныя кандыдата ў дэпутаты ад БХД Яўгенія Самсонава надрукаваныя састарэлыя, аналагічныя тым, якія былі ў 2007 годзе, калі ён балатаваўся ў райсавет.
19.04.2010 Гарадзеншчына: Кандыдаты ад БСДГ “адказалі” за развал Савецкага Саюзу
На мінулыя выходныя кандыдаты ў дэпутаты ад БСДГ па Гарадзенскай вобласці праводзілі сустрэчы з выбаршчыкамі. Каб падтрымаць сваіх аднапартыйцаў, на гэтыя сустрэчы прыехаў кіраўнік партыі Станіслаў Шушкевіч.
19.04.2010 Журналісты газеты Барысаўскай вертыкалі апярэджваюць падзеі
“Пачалося датэрміновае галасаванне” -- пад такім загалоўкам сёння, 19 красавіка, з'явілася інфармацыя на сайце газеты барысаўскага райвыканкама “Адзінства”.
19.04.2010 Віцебск: Апазіцыянеры не так агітавалі
Віцебская абласная камісія разгледзела скаргу кандыдата ў дэпутаты Бешанковіцкага раённага Савета Георгія Станкевіча, якая тычылася зняцця з радыёэфіру запісу яго выступу. Аблвыбаркам пакінуў у сіле гэта рашэнне ніжэйстаячай камісіі.
19.04.2010 Орша: Паштальёны працуюць на кандыдатаў ад улады
У агітацыйную кампанію ў падтрымку кандыдатаў у дэпутаты на маючых адбыцца выбарах актыўна ўключыліся аршанскія паштальёны. Па горадзе зафіксаваны масавыя факты, калі жыхары Оршы разам са свежымі нумарамі газет даставалі з паштовых скрынь улёткі праўладных кандыдатаў. Прычым улёткі гэтыя акуратна ўкладзены ў нумары газет, што пацвярджае факт разносу іх паштальёнамі.
19.04.2010 Цэнтрвыбаркам выдае акрэдытацыйныя пасведчанні міжнародных назіральнікаў замежным дыпламатам
Паводле слоў старшыні Цэнтрвыбаркама, акрэдытацыя супрацоўнікаў пасольстваў - "гэта жэст добрай волі". "Гэта паказчык адкрытасці нашай дзяржавы. Мы зыходзім з таго, што дыпламаты здольныя данесці праўдзівую інфармацыю аб ходзе выбараў", - сказала Ярмошына.
19.04.2010 Гарадзенскім кандыдатам забараняюць праводзіць пікеты ў месцах, дзе ёсць выбаршчыкі
Кандыдаты ад АГП звярнуліся ў гарвыканкам па дазвол правесці пікеты ў тых месцах, дзе гэта мае хоць нейкі сэнс. У адпісках, падпісаных намеснікам старшыні гарвыканкама Сенчанковай І.П., было указана, што месцы для агітацыі вызначаныя, таму пікеты ў другіх месцах не дазваляюцца.
19.04.2010 На заключным этапе выбарчай кампаніі асабовы склад органаў унутраных спраў пераведзены на ўзмоцнены варыянт нясення службы
З 19 красавіка і да завяршэння кампаніі па выбарах дэпутатаў мясцовых саветаў асабовы склад органаў унутраных спраў Беларусі пераведзены на ўзмоцнены варыянт нясення службы.
19.04.2010 Віцебшчына: Буфеты да выбараў гатовыя
А вось выпіць за здароўе “свайго” кандыдата будзе на выбарчых участках праблематычна. У 14 раёнах вобласці па рашэнні мясцовых органаў улады спіртнога ў продажы на ўчастках для галасавання зусім не будзе. Ва ўсіх астатніх 7 раёнах забаронена рэалізацыя пладова-ягадных вінаў.
19.04.2010 Смалявічы: Выбаршчыкаў адпалохваюць “заробкам ад апазіцыі”
У прыватнасці, Уладзімір Лютко заявіў, што Скачкоў з'яўляецца сябрам партыі Беларускі народны фронт, атрымлівае заробак у апазіцыі і ездзіць адпачываць за мяжу за грошы апазіцыі. І таму галасаваць за кандыдатуру Скачкова на выбарах не трэба.
19.04.2010 Баранавічы: Праўладныя кандыдаты ігнаруюць рашэнне выканкаму
Кандыдаты ў дэпутаты Сяргей Наўроцкі, Юрый Грамакоўскі і Мікалай Шырко парушаюць рашэнне Баранавіцкага гарвыканкама ад 12.02.2010г. № 379 аб месцах для агітацыі.
19.04.2010 Бабруйск: На кандыдата ад БХД няправільна склалі пратакол і пагражалі паўплываць на вучобу
Малады кандыдат ад БХД, карэспандэнт газеты “Бабруйскі кур’ер” Яўген Васьковіч прысутнічаў на хакейным матчы “Беларусь-ЗША”, які праходзіў учора ў “Бабруйск-Арэне”. Пад час гульні маладзён дастаў бел-чырвона-белы сцяг і размахваў ім.
19.04.2010 Полацк: На сустрэчы з кандыдатамі выбаршчыкі не прыходзяць
Сябры гарадской камісіі заўважаюць, што такой нізкай актыўнасці выбаршчыкаў ніколі на іх памяці не было. На абвешчаныя сустрэчы прыходзяць у лепшым выпадку некалькі чалавек. Ёсць выпадкі, калі на сустрэчу з кандыдатам не прыйшоў ніхто.
19.04.2010 Глыбокае: Улёткі за праўладнага кандыдата прыходзяць па пошце
Улёткі некаторых уладных кандыдатаў выбаршчыкам дастаўляе разам з газетамі мясцовае паштовае аддзяленне. Такі факт, у прыватнасці, зарэгістраваны ў вёсцы Дзеркаўшчына (Дзеркаўшчынская выбарчая акруга № 17), дзе пошта данесла ў кожны дом улёткі аднаго з трох кандыдатаў -- спадара Леаніда Барылы.
19.04.2010 Баранавічы: Сябра Партыі БНФ выходзіць са складу ўчастковай камісіі
Адзіны ў Баранавічах сябра ўчастковай камісіі ад Партыі БНФ Алесь Грыцавец 17 красавіка напісаў заяву аб выхадзе са складу камісіі. Па ягонай акрузе, як і па абсалютнай большасці ў Баранавічах, выбары будуць безальтэрнатыўнымі і без кандыдатаў ад дэмакратычных партый і арганізацый.
