Навіны на тэму: сілавыя структуры
24.09.2019 18 дзён у шпіталі. Міліцыянта, які збіў кіроўцу, хаваюць, бо ягоны кіраўнік ідзе на павышэнне
Напаў упоцемку са спіны і біў міліцэйскімі ботамі ў твар са словамі: «Наступным разам – заб’ю». Гэтак святкаванне Вялікадня скончылася для кіроўцы паштовага аддзялення Узды, 42-гадовага Віталя Сарокі.
18.09.2019 Магілёў: Міліцыя не будзе заводзіць крыміналку на эка-актывіста Бодзілева
Магілёўскі РАУС паведаміў каардынатару кампаніі «За здаровы Магілёў», эка-актывісту Андрэю Бодзілеву, што крымінальную справу ў дачыненні да яго заводзіць не будуць.
17.09.2019 Жыццё беларускіх ромаў: праўда без прыўкрас
Журналістка "Вясны" вырашыла паглядзець, як жывуць ромы ў месцах іх кампактнага пражывання, распытаць іх аб праблемах, з якімі сутыкаюцца штодзень. І вось што з гэтага выйшла.
17.09.2019 Магілёўская міліцыя адмовілася прызнаваць, што не выканала абавязкі на пікеце супраць «закона аб адтэрміноўках»
УУС Магілёўскага аблвыканкама заявіў арганізатару мірнага сходу Аляксею Майсееву, што яго мерапрыемства ахоўвалася належным чынам.
12.09.2019 МУС не будзе абскарджваць рашэнне суда па пазову Дзмітрыя Серады
Міністэрства ўнутраных спраў не будзе абскарджваць рашэнне суда па пазове мінчука Дзмітрыя Серады на незаконныя дзеянні супрацоўнікаў міліцыі.
11.09.2019 Суд задаволіў патрабаванні Дзмітрыя Серады
Раніцай 11 верасня ў судзе Заводскага раёна г. Мінска было агалошана рашэнне па іску збітага супрацоўнікамі АМАП Дзмітрыя Серады і яго сям'і да казны дзяржавы - Міністэрства фінансаў, ГУУС Мінгарвыканкама, МУС і РУУС Заводскага раёна.
05.09.2019 У Брэсце актывістаў масава выклікаюць у міліцыю і пракуратуру
Напярэдадні візіта Аляксандра Лукашэнкі шэраг моладзевых, эка і грамадзкіх актывістаў атрымалі позвы на пятніцу шостага верасня ў міліцыю, Пракуратуру ці Следчы камітэт, паведамляе "Берасцейская Вясна".
05.09.2019 Пятрухіна і Кабанава не хочуць бачыць у Брэсце падчас візіту Лукашэнкі?
Берасцейскіх блогераў і актывістаў, якія выступаюць супраць акумулятарнага завода, Сяргея Пятрухіна і Аляксандра Кабанава выклікаюць прыехаць шостага верасня ў пінскую міліцыю і бярозаўскую пракуратуру. І ў пінскі ГУУС Пятрухіну і ў пракуратуру Бярозы Кабанаву трэба з’явіцца ў адзін час – у 11.00.
29.08.2019 Пракуратура, правер! Чаму за «збітага маці» берасцейца пацярпеў блогер Пятрухін?
Праваабаронцы "Вясны" паставілі сваёй задачай дапамагаць пракуратуры ў пошуку тых спраў, якія безумоўна патрабуюць яе ўвагі ў святле нядаўняга выступлення кіраўніка дзяржавы.
27.08.2019 Яшчэ адна справа аб збіцці міліцыянтамі накіравана на дадатковую праверку
Больш за паўтары гады цягнецца справа па факце нанясення цялесных пашкоджанняў супрацоўнікамі міліцыі жыхару Смаргоні Барысу Змітровічу падчас беспадстаўнага затрымання.
26.08.2019 Справа Серады: СК зноў адмовіўся ўзбуджаць крымінальную справу, але пасля нарады Лукашэнкі перадумаў
19 жніўня СК прыняў чарговую пастанову аб адмове ва ўзбуджэнні крымінальнай справы ў дачыненне да супрацоўнікаў органаў унутраных спраў. Аднак усяго праз два дні, 21 жніўня, гэтая пастанова адмененая для правядзення дадатковай праверкі.
22.08.2019 Няўлоўны амапавец: справа па збіццю дзяўчыны адноўлена
Справа Яны Яцыновіч, якая была жорстка затрымана амапаўцамі у сакавіку 2017 года, зрушылася з месца.
22.08.2019 Качанава, дапамажы! Сведкам па «справе прафсаюзаў» не вяртаюць канфіскаваную тэхніку
Перакладчык і актывіст РЭП Леанід Шчукін, які праходзіў сведкам па «справе прафсаюзаў», напісаў адкрыты ліст кіраўніцы адміністрацыі Прэзідэнта Наталлі Качанавай. Ён прасіў растлумачыць на якой падставе Следчы камітэт не аддае яму канфіскаваную яшчэ два гады таму тэхніку.
21.08.2019 «Прынцып адзін і той жа: ня важна, хто абгадзіўся, каровы ці сілавікі». Праваабаронца пра сакрэтны даклад
Нічога новага і «сакрэтнага» ў дакладзе пра стан спраў у праваахоўных органах няма, — кажа праваабаронца «Вясны» Валянцін Стэфановіч.
21.08.2019 Валянцін Стэфановіч: Гэтая сістэма парадзіла беспакаранасць
Па меркаванню праваабаронцы, гэтыя нарады наўрад ці дадуць нейкі плён — пакрычыць кіраўнік краіны і супакоіцца. Патрэбны сістэмныя рэформы, большая празрыстасць органаў, стварэнне нацыянальных інстытутаў па абароне правоў чалавека, у прыватнасці, офіса адмысловага ўпаўнаважанага.
