Навіны на тэму: пенітэнцыярная сістэма
08.09.2009 У гомельскай жаночай калоніі аб'явіла бестэрміновую галадоўку наваполацкі прадпрымальнік Яўгенія Бочурная
Паводле неафіцыйнай інфармацыі, 4 верасня ў гомельскай жаночай папраўчай калоніі № 4 аб'явіла бестэрміновую галадоўку наваполацкі прадпрымальнік, дырэктар ТАА "Віторжжа" Яўгенія Бочурная. Пра гэта БелаПАН паведаміў муж асуджанай Уладзімір Журба.
08.09.2009 Прадстаўнікі дзевяці краін абмяркуюць праблемы пенітэнцыярнай медыцыны
IV Міжнародная навукова-практычная канферэнцыя "Актуальныя праблемы пенітэнцыярнай медыцыны. Туберкулёз і іншыя сацыяльна значныя захворванні ў месцах пазбаўлення волі" адбудзецца 9-10 верасня ў Нацыянальнай бібліятэцы Беларусі.
15.08.2009 Алесь Стральцоў не можа дамагчыся амністыі
Менскі гарадскі суд не задаволіў скаргу фігуранта “справы 14-ці” Алеся Стральцова на пастанову суду Цэнтральнага раёну ад 15 чэрвеня 2009 году. Дадзеная судовая пастанова змякчае пакаранне, ад якога малады чалавек ужо павінен быў быць вызвалены ў адпаведнасці з законам “Аб амністыі”.
14.08.2009 Амніставаны Аляксандр Баразенка
Фігурант «справы чатырнаццаці» Аляксандр Баразенка амніставаны.
11.08.2009 Сьледзтва ў справе Аўтуховіча плянуюць завяршыць да 8 кастрычніка
Мікалаю Аўтуховічу, Уладзімеру Асіпенку і Юрыю Лявонаву падоўжылі тэрмін сьледзтва яшчэ на два месяцы.
07.08.2009 Скаргу Дубскага разгледзяць 20 жніўня
20 жніўня ў Магілёўскім абласным судзе адбудзецца разгляд касацыйнай скаргі на прысуд Арцёму Дубскаму. Днямі Арцём пагражаў новай галадоўкай. Адміністрацыя калёніі прымушала яго расьпісацца ў тым, што ён азнаёміўся з пратаколамі судовай справы. Аднак дакумэнтаў яму не паказвалі.
31.07.2009 МУС: Амаль 2,5 тыс. чалавек вызваленыя з месцаў пазбаўлення волі па амністыі
Амаль 2,5 тыс. чалавек ужо вызвалены з месц пазбаўлення волі па амністыі, прымеркаванай да 65-годдзя вызвалення Беларусі ад нямецка-фашысцкіх захопнікаў, і завяршыць амністыю плануецца восенню, паведамляе БЕЛТА.
30.07.2009 Асуджаны чакае амністыю так, як салдат дэмбель
Каб даведацца, з якiмi думкамi вяртаюцца на волю амнiставаныя, карэспандэнт "Звязды" накiравалася ў папраўчую калонiю № 14, што пад Барысавам
28.07.2009 Алесю Стральцову суд змякчыў пакаранне, ад якога ён ужо павінен быў быць вызвалены
Фігурант “справы 14-ці” Алесь Стральцоў накіраваў у Менскі гарадскі суд скаргу на пастанову суду Цэнтральнага раёну ад 15 чэрвеня 2009 году пра замену неадбытай часткі пакарання ў выглядзе абмежавання волі без накіравання ў папраўчую ўстанову на больш мяккае. Дадзеная судовая пастанова замяняе пакаранне, ад якога малады чалавек ужо павінен быў быць вызвалены ў адпаведнасці з законам “Аб амністыі”.
24.07.2009 Гары Паганяйла: «Амністыя пухавіцкіх забойцаў - гэта проста здзек з права»
Праваабаронцы заяўляюць, што амністыя забойцаў пухавіцкага падпальшчыка можа стварыць ілюзію беспакаранасці за здзяйсненне асабліва цяжкіх злачынстваў.
23.07.2009 Арцём Дубскі спыніў галадоўку
Маладафронтавец Арцём Дубскі спыніў галадоўку супраць дзеяньняў супрацоўнікаў бабруйскага сьледчага ізалятара.
20.07.2009 Арцём Дубскі абвясьціў галадоўку пратэсту
Актывіст “Маладога фронту” Арцём Дубскі, якога 7 ліпеня Асіповіцкі суд пакараў годам зьняволеньня, абвясьціў галадоўку пратэсту ў Бабруйскім сьледчым ізалятары. Пра гэта паведаміла маці Арцёма Алена Дубская пасьля сёньняшняга спатканьня з сынам.
16.07.2009 Праваабаронцы перадалі Аўтуховічу прадукты для выхаду з галадоўкі
Сёння прадстаўнікі ПЦ “Вясна” наведаліся ў следчы ізалятар № 1 Менска, каб перадаць Мікалаю Аўтуховічу прадукты, неабходныя для паступовага выхаду з працяглай галадоўкі.
16.07.2009 З 16 ліпеня Мікалай Аўтуховіч спыняе галадоўку
Ваўкавыскі прадпрымальнік Мікалай Аўтуховіч з 16 ліпеня спыняе галадоўку. Аб гэтым БелаПАН паведаміў яго адвакат Павел Сапелка, які 15 ліпеня наведаў свайго падабароннага ў следчым ізалятары № 1 Менска. Галадоўка доўжылася тры месяцы, з 16 красавіка. За гэты час зняволены пахудзеў на 35 кг.
15.07.2009 Па амністыі на волю выйшлі ўжо 1400 чалавек
Паводле звестак Дэпартамента выканання пакаранняў МУС, амністыя тым ці іншым чынам закране амаль 30 тысяч чалавек: хтосьці таксама будзе вызвалены, а ў кагосьці знізяць тэрмін зняволення.
