Навіны на тэму: выбары-2014
30.06.2014 Дэпутатам сельсавету ў Бярозаўскім раёне дагэтуль не выдалі пасведчанні
Валерый Білібуха, які з’яўляецца сябрам аргкамітэту па стварэнні партыі “Беларуская Хрысціянская Дэмакратыя”, ёсць адзіным з дэмакратычных актывістаў, што здолеў стаць дэпутатам мясцовага савету.
25.06.2014 Аляксей Паўлоўскі дабіваецца адказнасці для хуліганаў, якія пабілі яго падчас выбараў
Экс-кандыдат у дэпутаты мясцовых Саветаў кажа, што міліцыя спрабуе замяць гэты інцыдэнт усімі магчымымі спосабамі. Паўлоўскі падрыхтаваў скаргу ў Магілёўскую абласную пракуратуру.
22.06.2014 Хоцімск: грамадскі актывіст накіраваў паўторную скаргу ў пракуратуру Магілёўскай вобласці
“У сваім паўторным адказе на маю скаргу пракурор Хоцімскага раёна Ірына Хучава незаконна праігнаравала факты, якія маюць істотнае значэнне для разбіральніцтва па маёй скарзе, - кажа Валерый Каранкевіч. – Яна чамусьці абыйшла маўчаннем месца майго затрымання і мой статус кандыдата ў дэпутаты раённага і абласнога Савета на момант затрымання".
19.06.2014 Пракуратура Хоцімскага раёна зноў прыйшла да высновы, што затрымліваць кандыдата ў дэпутаты на выбарчым участку правільна
"Нават памочнік пракурора Хоцімскага раёна малодшы саветнік юстыцыі Белавусаў М. М., які мяне апытваў па маёй скарзе, у прыватнай гутарцы здзіўляўся такім дзеянням супрацоўнікаў Хоцімскай міліцыі, зараз жа ў адказе пракурор піша зусім іншае. Гэта і зразумела, яны прыкрываюць “гонар мундзіра”.
06.06.2014 Хоцімск: Валерый Каранкевіч патлумачыў пракуратуры абставіны затрымання ў дзень выбараў
Грамадскага актывіста з Хоцімска Валерыя Каранкевіча 4 чэрвеня выклікалі ў пракуратуру Хоцімскага раёна для дачы тлумачэнняў. Падставай для выкліку паслужыла правядзенне апытання для высвятлення абставін затрымання Валерыя Каранкевіча супрацоўнікамі Хоцімскага РАУС у дзень выбараў.
25.05.2014 Баранавічы: экс-кандыдат дамагаецца прыцягнення да адказнасці старшыні камісіі
Мікалай Чарнавус просіць старшыню абласнога суда адмяніць рашэнні судоў першай і другой інстанцый і прыцягнуць да адказнасці былую старшыню камісіі Баранавіцкай-Заходняй выбарчай акругі № 21 Ларысу Антонаву за парушэнне выбарчага заканадаўства і перадузятаць ў адносінах да незалежных кандыдатаў у дэпутаты.
06.05.2014 Брэсцкі абласны суд разгледзеў касацыйную скаргу Мікалая Чарнавуса за тры хвіліны
Усяго тры хвіліны спатрэбілася суддзі Андрэю Алешчанку, каб падцвердзіць рашэнне суда ніжэйшай інстанцыі ў справе Мікалая Чарнавуса. Суддзя абвясціў, што яго справа непадведамасная суду.
02.05.2014 Экс-кандыдат спрабуе дабіцца ад пракуратуры адэкватнай ацэнкі свайго затрымання
Валерый Каранкевіч звярнуўся са скаргай на дзеянні службовых асоб пракуратуры Хоцімскага раёна ў пракуратуру Магілёўскай вобласці. Пракурор Хоцімскага раёна І. Савасцееў напісаў былому кандыдату ў дэпутату, што “дзеянні супрацоўнікаў Хоцімскага РАУС з’яўляюцца правамоцнымі і не супярэчаць дзеючаму заканадаўству”.
28.04.2014 Хоцімская пракуратура лічыць, што кандыдата у дэпутаты міліцыя затрымлівала законна
Валерый Каранкевіч прасіў пракуратуру правесці праверку абставін свайго затрымання без складання пратакола супрацоўнікамі хоцімскай міліцыі непасрэдна на выбарчым участку, правесці расследванне ўказаных парушэнняў і прыцягнуць вінаватых да адказнасці.
27.04.2014 Брэст: актывістка “Справядлівага свету” скардзіцца ў пракуратуру на мясцовыя выбаркамы
Кіраўнік гарадской арганізацыі Беларускай партыі левых “Справядлівы свет” Людміла Дзенісенка, якая была кандыдатам ў дэпутаты Брэсцкага гарсавета па выбарчай акрузе №13, дамагаецца атрымання спісаў тых, хто прагаласаваў па месцы свайго жыхарства падчас нядаўніх выбараў.
24.04.2014 Брэсцкі абласны суд разгледзіць скаргу Мікалая Чарнавуса
Мікалай Чарнавус: "Я звярнуўся са скаргай ў гарадскі суд на незаконныя дзеянні старшыні Баранавіцкай-Заходняй выбарчай акругі № 21 Ларысы Антонавай, якая зрабіла ўсё, каб не дапусціць мой выступ на баранавіцкім радыё".
22.04.2014 Крычаўская раёнка піша, што старшыняў мясцовых Саветаў не выбіраюць, а прызначаюць
Крычаўская раённая газета “Крычаўская жыццё” у нумары ад 16 красавіка на першай старонцы ў рубыцы “У райвыканкаме” змясціла інфармацыйны матэрыял “Два прызначэнні”, у якім распавяла пра прызначэнні старшынь мясцовых Саветаў.
22.04.2014 Звольнены яшчэ адзін кандыдат у дэпутаты
У Мікашэвічах вымушаны быў звольніцца па ўзгадненні бакоў экс-кандыдат у дэпутаты Віталь Каліноўскі. Ён працаваў слесарам механа-зборачных работ у прыватнай фірме “Нарбуд+”. Па словах Віталя, яшчэ перад выбарамі да яго дырэктара наведаўся старшыня Мікашэвіцкага гарвыканкама Анатоль Давыдовіч.
22.04.2014 У Брэсце міліцыя ладзіць праверку законнасці агітацыйнага пікету апазіцыйнага кандыдата
Гаворка ідзе пра мерапрыемства, арганізаванае падчас выбарчай кампаніі кіраўніком гарадской арганізацыі Беларускай партыі левых “Справядлівы свет” Людмілай Дзенісенка. Пра правядзенне праверкі яна даведалася ад участковага інспектара міліцыі.
21.04.2014 Брэст: працягваецца ціск на актывістаў АГП, што бралі ўдзел у выбарчай кампаніі
Сябра Аб’яднанай грамадзянскай партыі Ірына Сіняпкіна атрымала ад супрацоўнікаў міліцыі позву, у якой не пазначана дата і час выкліку, а таксама ў якасці каго і з якой нагоды яе запрашаюць у міліцыю.
