Навіны на тэму: пенітэнцыярная сістэма
31.10.2016 Міхаіл Жамчужны – злосны парушальнік рэжыму ўтрымання
Палітвязень і заснавальнік “Платформ інавэйшн” Міхаіл Жамчужны атрымаў статус злоснага парушальніка рэжыму ўтрымання ў калоніі.
21.10.2016 Фельчар СІЗА асуджаны на тры гады за смерць Ігара Пцічкіна
Суд Маскоўскага раёна Мінска паставіў кропку ў крымінальнай справе па факце гібелі ў СІЗА №1 Мінска Ігара Пцічкіна.
20.10.2016 Магілёўскі суд не задаволіў скаргу Андрэя Бандарэнкі на спагнанне ў бабруйскай калоніі
Згодна з матэрыяламі справы, у студзені 2015 года адміністрацыя бабруйскай папраўчай калоніі №2, дзе Андрэй Бандарэнка сядзеў на той момант, аб’явіла яму вымову за адмову наведаць сталовую падчас абеду.
19.10.2016 СК узбудзіў крымінальную справу па факце смерці ў Жодзінскай турме Алега Багданава
Амаль восем месяцаў спатрэбілася жыхарцы Мінска Марыне Багданавай, каб дамагчыся ўзбуджэння крымінальнай справы па факце смерці яе сына Алега ў Жодзінскай турме №8. Раніцай 29 студзеня 2016 года, знаходзячыся ў ізалятары турэмнай бальніцы, Алег Багданаў памёр ад вострай сардэчнай недастатковасці.
14.10.2016 У Гомелі СК зноў адмовіў ва ўзбуджэнні справы ў сувязі з сэксуальнымі дамаганнямі да непаўнагадовага ў СІЗА-3
Тое, што 17-гадовы Віталь Г. мае асаблівасці псіхафізічнага развіцця, не прымусіла следчую Людмілу Панамарышкіну, якая праводзіла праверку, распачаць неабходныя дзеянні для забеспячэння яго законных правоў і інтарэсаў.
06.10.2016 Прыёмная маці не можа дамагчыся якаснай праверкі па факце гвалту над сынам у СІЗА
Прыёмная маці Марына К. звярнулася са скаргай да начальніка Гомельскага гарадскога Следчага камітэта Аркадзя Траццякова, у якой указала на наўмыснае зацягванне следчай Людмілай Панамарышкінай праверкі па факце гвалтоўных дзеянняў сэксуальнага характара ў СІЗА-3 у дачыненні да яе непаўнагадовага сына Віталя Г., а таксама паведаміла, што следчая аказвае на яе ціск.
03.10.2016 Жанна Пцічкіна: “Што адкажа Крылоў на меркаванні іншых дактароў?”
У сераду, 5 кастрычніка ў судзе Маскоўскага раёна працягнецца разгляд крымінальнай справы, узбуджанай па ч. 2 арт 162 Крымінальнага кодэкса за неналежнае выкананне прафесійных абавязкаў фельчарам медчасткі СІЗА Аляксандрам Крыловым, якое пацягнула па неасцярожнасці смерць пацыента - жыхара Мінска Ігара Пцічкіна.
30.09.2016 Маці Ігара Барбашынскага хоча даведацца, хто вінаваты ў смерці яе сына
У Праваабарончы цэнтр “Вясна” звярнулася па дапамогу маці Ігара Барбашынскага, які раптоўна памёр 20 верасня ў Жодзінскай турме №8.
20.09.2016 «Міліцыянты і турма з’елі майго сына»
У Жодзінскай турме №8 20 верасня раптоўна памёр случчанін Ігар Барбашынскі, справу якога аб злосным непадпарадкаванні міліцыянтам пры выкананні службовых абавязкаў, у супраціве і збіцці супрацоўнікаў РАУС другі месяц разглядае суд Слуцкага раёна.
20.09.2016 Ці ўзбудзяць крымінальную справу па факце смерці ў турме Алега Багданава?
Пракуратура па Мінскай вобласці паведаміла, што абласны Следчы камітэт ужо адмяніў пастанову аб адмове ва ўзбуджэнні крымінальнай справы па факце смерці ў ізалятары турэмнай бальніцы Алега Багданава і накіраваў матэрыялы на дадатковую праверку.
20.09.2016 Міхаіл Жамчужны атрымаў адказ ад Вярхоўнага суда на наглядную скаргу
У адказе на скаргу палітвязня намеснік старшыні Вярхоўнага суда Руслан Аніскевіч адзначыў, што прысуд Міхаілу Жамчужнаму вынесены ў адпаведнасці з заканадаўствам.
16.09.2016 ДВП ухіліўся ад адказу наконт суіцыдаў у калоніі ў Навасадах. На чарзе пракуратура
Асуджаныя, якія адбываюць пакаранне ў ПК-14, сцвярджаюць аб учыненых за кароткі прамежак часу чатырох самагубствах і дзвюх спробах самагубства ў атрадзе 18 калоніі. Праваабаронцы "Вясны" патрабуюць праверкі гэтай інфармацыі.
16.09.2016 Суд па справе загінулага ў СІЗА Ігара Пцічкіна пачаўся ў Мінску
16 верасня ў судзе Маскоўскага раёна пачаўся разгляд крымінальнай справы, узбуджанай супраць фельчара медчасткі СІЗА Аляксандра Крылова за неналежнае выкананне прафесійных абавязкаў, што пацягнула смерць пацыента Ігара Пцічкіна.
05.09.2016 Жана Пцічкіна дамагаецца ўзбуджэння яшчэ адной крымінальнай справы супраць супрацоўнікаў СІЗА №1
Пракуратура Маскоўскага раёна Мінска адмяніла пастанову аб адмове ва ўзбуджэнні крымінальнай справы па факце нанясення жыхару Мінска Ігару Пцічкіну цялесных пашкоджанняў ў СІЗА №1, якія маглі паслужыць прычынай ягонай смерці.
05.09.2016 Адвакат Мілюкова: Пра ўхіленне ад адбыцця пакарання гаворкі быць не можа
1 верасня ў Наваполацку працягнуўся суд над Аляксеем Мілюковым (Жалновым) па абвінавачванню ва ўхіленні ад адбывання пакарання ў выглядзе абмежавання волі (арт. 415 КК РБ).
