Навіны на тэму: дапамога
15.05.2011 Шарамета “абліла брудам” і салігорская афіцыйная прэса
Аналіз матэрыялу, а таксама аналагічных істэрычных артыкулаў у іншых рэгіянальных выданнях, дае падставы сцвярджаць аб дзяржаўным загадзе па дыскрэдытацыі вядомага беларуска-расійскага журналіста і створанага ім незалежнага інфармацыйнага рэсурсу.
15.05.2011 Гомельскай журналістцы Ларысе Шчыраковай КДБ вярнуў рэчы
У прыватнай хаце журналісткі прайшоў вобшук 11 студзеня, у межах якога спецслужбы канфіскавалі два камп'ютары, ноутбук, дыктафон, нанатнікі, каля 150 дыскаў. Забралі нават камп'ютарныя мышкі.
15.05.2011 Вілейскі актывіст атрымаў штраф за адмову ад дактыласкапіі
13 мая ў Вілейцы адбыўся суд над мясцовым актывістам Валянцінам Суслам. Хлопцу прысудзілі трыццаць базавых велічыняў штрафу за адмову здаць адбіткі пальцаў. Суд адбываўся хутка і па словах “правапарушальніка”, вынік быў прадказальны спачатку.
14.05.2011 Дэмактывіст скардзіцца на неправамернасць ператрусу ў яго кватэры
Барысаўскі дэмактывіст, член Аб'яднанай грамадзянскай партыі Міхаіл Васільеў, які падчас прэзідэнцкіх выбараў 2010 года з'яўляўся даверанай асобай кандыдата Ўладзіміра Някляева, падаў скаргу на неправамернасць праведзенага ў яго кватэры ператрусу.
14.05.2011 Суд не задаволіў скаргу на адмову ў правядзенні акцыі салідарнасці
У акцыі было адмоўлена на падставе таго, што заяўнікі ў мэтах правядзення акцыі напісалі аб выказванні салідарнасці з палітвязнямі. Вячаслаў Дурноў прычынай адмовы назваў тое, мінская акцыя 19 снежня была "антыканстытуцыйнай".
14.05.2011 Супрацоўнікі «Дняпроўскай праўды»дамагліся змены рэдактара
Рэдкі па цяперашніх часах выпадак адбыўся ў Дубровенскім раёне Віцебскай вобласці. Тут супраць рэдактара мясцовай раёнкі «Дняпроўская праўда» паўстаў уласны працоўны калектыў. І дамогся-ткі яго, дакладней яе адстаўкі.
14.05.2011 Сайт Knihi.net зноў узялі ў распрацоўку
12 траўня салігорскага дэмакратычнага актывіста Паўла Батуева выклікалі на допыт у дэпартамент фінансавых расследаванняў Камітэта дзяржкантролю па справе сайту Knihi.net. Гутаркі аб дадзенай справе пачаліся яшчэ на пачатку 2010 году.
14.05.2011 Аршанцы абараняюць кляштар базылянаў
Група жыхароў Оршы распачала кампанію па збору подпісаў пад зваротам да кіраўніцтва горада. Іх непакоіць разбурэнне помніку архітэктуры канца 18-га стагоддзя - кляштара базылянаў. Гэта адзін з нямногіх гістарычных аб’ектаў, якім пашчасціла перажыць войны і шчыраванне вандалаў.
14.05.2011 КДБ вяртае камп'ютары, канфіскаваныя падчас вобшуку ў гомельскіх апазіцыянераў
Гаспадыні дома, ў якім арэндуе памяшканне офіс Гомельскай абласной арганізацыі АГП, патэлефанавалі з КДБ і запрасілі 16 мая з'явіцца ва ўпраўленне, каб забраць камп'ютары. 11 камп'ютараў і ноўтбукаў былі канфісканы падчас вобшукаў 6 і 26 студзеня.
13.05.2011 Уладзімір Няпомняшчых затрыманы за майку з «няправільным» надпісам
У Гомелі 13 мая супрацоўнікі міліцыі затрымалі актывіста дэмакратычнага руху Уладзіміра Няпомняшчых. Прычынай затрымання сталі надпісы на майцы «За Беларусь без Лукашэнка», і «Хватит, достал», а таксама значак з надпісам «Купю нестабільную валюту».
13.05.2011 У Гродне бацькоў заклікаюць аддаваць дзяцей у беларускамоўныя класы
Аднак, ці ўдасца стварыць хоць адзін такі клас у горадзе – вялікае пытанне. Нагадаем, што летась адпаведных заяваў было пададзена толькі дзве – іх напісалі прафесар Алесь Астроўскі і журналіст Уладзімір Хільмановіч.
13.05.2011 За зрывам жодзінскага семінара стаіць намеснік старшыні Барысаўскага райвыканкама
Семінар па рэгіянальным развіцці, удзельнікаў якога 28 красавіка жодзінскія міліцыянтыадвозілі для дачы пісьмовых тлумачэнняў у мясцовы, як аказваецца, вельмі «перашкаджаў» намесніку старшыні Барысаўскага райвыканкама Валянціне Шутко.
13.05.2011 Абласная пракуратура адмяніла папярэджанне рэдактару газеты “Вольны горад”
Магілёўская абласная пракуратура адмяніла папярэджанне, якое было вынесена Крычаўскай раённай пракуратурай рэдактару незалежнай газеты “Вольны горад” Сяргею Няроўнаму. Нагодай для стаў артыкул “Чорныя дні”, які быў прысвечаны тэракту ў мінскім метро 11 красавіка.
13.05.2011 Жыхары Віцебшчыны не задаволеныя працай міліцыі
Толькі 10% адсоткаў удзельнікаў галасавання (109 галасоў) лічаць, што віцебская міліцыя працуе “выдатна”; 13% наведнікаў (131 голас) згодныя з адзнакай “добра”; 24% прагаласаваўшых (249 галасоў) назвалі дзейнасць супрацоўнікаў міліцыі здавальняючай.
13.05.2011 Толькі 5% чытачоў “Intex-press” лічаць, што ў Беларусі дастаткова свабоды слова
Толькі 5% чытачоў папулярнай гарадской газеты “Intex-press” лічаць, што ў Беларусі дастаткова свабоды слова, а 55% – прытрымліваюцца супрацьлеглай думкі. 23% наведвалькаў сайту www.intex-press.by адказалі, што свабоды слова няма нідзе.
