Навіны на тэму: дапамога
21.04.2011 Лідэра бабруйскіх сацыял-дэмакратаў дапыталі ў КДБ
20 красавіка на працягу трох годзін дапытвалі лідэра бабруйскіх сацыял-дэмакратаў Юрыя Грынявецкага. Допыт вёў старэйшы лейтэнант КДБ Сілкоў. На допыт у якасці грамадскага прадстаўніка не быў дапушчаны сябра БСДП (Грамады) Уладзімір Чабан.
20.04.2011 Папярэджанне рэдактару “Бабруйскага кур’ера” даслалі поштай
Пасля няўдалай спробы намесніка пракурора Ленінскага раёна Анатоля Каберніка асабіста вынесці папярэджанне галоўнаму рэдактару “Бабруйскага кур’ера” ён вырашыў зрабіць гэта праз пошту. Вечарам 18 красавіка Анатоль Санценка атрымаў заказны ліст, у якім знаходзілася “Афіцыйнае папярэджанне аб недапушчальнасці парушэнняў заканадаўства, якое рэгулюе адносіны ў сферы парадку кіравання”.
20.04.2011 “Intex-press” праводзіць апытанне наконт расследавання выбуху ў метро
На 20 красавіка 68% наведвальнікаў сайта незалежнай газеты адказалі, што не вераць афіцыйным дадзеным аб расследаванні выбуху на станцыі метро “Кастрычніцкая”. 16% ад удзельнікаў апытання адказалі, што вераць ў афіцыйныя дадзеныя раследавання, а яшчэ 16% – не вызначыліся ў сваім рашэнні.
20.04.2011 Рэдактар газеты “Вольны горад” абскардзіць папярэджанне пракуратуры
У папярэджанні адзначаецца, што ў артыкуле “Чорныя дні”, аўтарам якога з’яўляецца Сяргей Няроўны, утрымліваецца крытыка дзеянняў вышэйшых службовых асобаў дзяржавы, а таксама службовых асобаў праваахоўных органаў і ходу расследвання па крымінальнай справе па факце здзяйснення тэрарыстычнага акта на станцыі метро “Кастрычніцкая” 11 красавіка.
20.04.2011 Віцебскіх дворнікаў прымусілі вычышчаць“лабараторыі з выбухоўкай”
“Удакладняем адразу: ніякай лабараторыі ў падвалах “пяціпавярховак”, дзе жылі затрыманыя за тэракт у метро віцебскія хлопцы, мы не бачылі”, - кажуць супрацоўнікі ЖКГ Першамайскага раёну Віцебска. Насуперак таму, што гаварылася па дзяржаўным тэлебачанні, ні выбухоўкі, ні іншых падазроных прадметаў у старых падвалах не было – толькі друз і смецце.
20.04.2011 Журналіст Уладзімір Лапцэвіч абскарджвае дзеянні суддзі і адказ старшыні Ленінскага раённага суда
Журналіст “БелаПАН” Уладзімір Лапцэвіч 19 красавіка накіраваў скаргу начальніку галоўнага ўпраўлення юстыцыі Магілёўскага аблвыканкама Аляксандру Маймусаву з нагоды дзеянняў суддзі Ленінскага раённага суда г.Магілёва спадарыні Ланчавай, а таксама ў сувязі з адказам старшыні гэтага суда спадарыні Кужалевай.
20.04.2011 “Чарнобыль-Фукусіма-Астравец: ці нам гэта трэба?”
Грамадска-палітычныя актывісты з Варнянаў на чале з Мікалаем Уласевічам падалі заяўку ў Астравецкі райвыканкам на правядзенне інфармацыйнага пікету, прысвечанага дваццаць пятым угодкам чарнобыльскай трагедыі. Мерапрыемства заяўлена пад лозунгам “Чарнобыль-Фукусіма-Астравец: ці нам гэта трэба?”. Адказ ад уладаў пакуль не атрыманы.
20.04.2011 У Магілёве з дэмактывістамі спрабуюць сустрэцца міліцыянты і невядомыя ў гальштуках
19 красавіка невядомы чалавек, які назваўся супрацоўнікам міліцыі, спрабаваў сустрэцца з грамадскім актывістам Паўлам Варашылавым. А з Алесем Паплыкам спрабавалі сустрэцца невядомыя асобы ў строях з гальштукамі. Дэмакратычны актывіст лічыць, што зноўку патрапіў у поле зроку спецслужбаў у сувязі са сваёй грамадска-палітычнай актыўнасцю.
19.04.2011 Суд Слуцкага раёна: «Палітычных зняволеных у краіне няма»
Суд Слуцкага раёна не задаволіў скаргу праваабаронцы Віталя Амяльковіча. Случчанін заявіў грамадзянскі іск у сувязі з рашэннем Слуцкага выканкаму аб забароне правядзення пікету на гарадскім стадыёне. Мэтай мерапрыемства была падтрымка палітычных зняволеных у Беларусі.
19.04.2011 Бабруйскага актывіста выклікаюць у КДБ без позвы
Максім Рыжкевіч, бабруйскі каардынатар МХД, паведаміў праваабаронцам, што на працягу апошніх некалькіх дзён яго спрабуюць выклікаць на размову ў КДБ. Максім пацікавіўся ў аднаго з таямнічых візаві, аб чым размова, але той ухіліўся ад адказу, паведаміў толькі, што да яго ёсць шмат пытанняў.
19.04.2011 Дырэктар Цэнтра радыяцыйнай медыцыны адмяніў сустрэчу з ліквідатарамі-чарнобыльцамі
Улады Гомельскай вобласці супрацьстаяць публічным абмеркаванням вострых праблем чарнобыльскіх ліквідатараў. Такія высновы робіць ліквідатар-чарнобылец, інвалід другой групы Васіль Сіліверст з Калінкавічаў, які ўжо на працягу двух месяцаў натыкаецца на адмовы і забароны правядзення сходу ліквідатараў.
19.04.2011 Забарона пікетаў абскарджваецца ў судзе
Актывісты дэмруху мелі намер з 25 па 27 сакавіка правесці тры пікеты. Мэтамі гэтых пікетаў было патрабаванне вызвалення экс-кандыдатаў у прэзідэнты Беларусі Міколы Статкевіча і Андрэя Саннікава, а таксама спынення крымінальнага пераследу ўсіх экс-кандыдатаў у прэзідэнты і актывістаў.
19.04.2011 Дэмакратычныя сілы Магілёўшчыны рыхтуюцца адзначыць гадавіну Чарнобыля
Напярэдадні чарговай гадавіны Чарнобыльскай трагедыі актывісты дэмакратычных сіл Магілёўшчыны зробяць выезд у радыяцыйна забруджаныя раёны нашай вобласці. Яны плануюць прывесці ў парадак тэрыторыю каля памятных знакаў на месцы адселеных вёсак, ускласці кветкі.
18.04.2011 Заяўку на пікет падалі без надзеі на дазвол
Старшыня Барысаўскай гарадской арганізацыі прафсаюза работнікаў радыёэлектроннай прамысловасці (РЭП) Мікалай Пахабаў падаў заяву ў мясцовы райвыканкам на правядзенне 1 мая пікету.
18.04.2011 Тыднёвы агляд паслявыбарчай сітуацыі ў Беларусі (11-17 красавіка)
Мінулы тыдзень быў азмрочаны страшнай трагедыяй, якая адсунула ўсё астатнія падзеі на другі план: 11 красавіка на самай шматлюднай станцыі метро “Кастрычніцкая” ў цэнтры сталіцы ў гадзіну “пік” адбыўся моцны выбух самаробнай бомбы, начыненай паражаючымі элементамі. У выніку 13 чалавек загінулі, каля 200 атрымалі траўмы рознай ступені цяжкасці. 13 красавіка ў Беларусі быў абвешчаны траур. За выказванні з нагоды выбуху ў метро Генпракуратура папярэдзіла А.Мілінкевіча, А.Старыкевіча і В. Костку, а Мінінфармацыі вынесла папярэджанні «Нашай Ніве» і «Народнай волі». Папярэджанне артымала і яшчэ адно незалежнае выданне “УзГорак”. У суд накіраваны справы яшчэ некалькіх фігурантаў крымінальнай справы па падзях 19 снежня. Працягваецца збор подпісаў пад пад хадайніцтвам аб змене меры стрымання зняволенаму журналісту А. Пачобуту.
