Навіны на тэму: дапамога
25.03.2011 Бялыніцкія актывісты павіншавалі палітвязняў
Дэмакратычныя актывісты Бялыніцкага раёна павіншавалі палітвязняў з Днём Волі. Усяго 24-25 сакавіка палітычным вязням, якія ўтрымліваюцца СІЗА КДБ і СІЗА № 1 на вуліцы Валадарскага ў Мінску, было адаслана больш за пяцьдзесят віншавальных паштовак.
25.03.2011 У Бабруйску затрыманы Міхаіл Кавалькоў
Лідэра Свабоднага прафсаюза Беларускага Міхаіла Кавалькова затрымалі яшчэ а 8-ай раніцы. Ён садзіўся ў свой аўтамабіль, які быў прыпаркаваны ля дзіцячай бальніцы, і ў гэты час да яго пад’ехалі супрацоўнікі ДАІ. “Даішнікі” выпісалі штраф у 35 базавых і павезлі ў УУС. Прычына, па якой яго там трымаюць, дзіўная.
25.03.2011 Сяргею Каваленку ў Дзень Волі прысудзілі 7 сутак арышту
Суд Чыгуначнага раёну Віцебска прызнаў яго вінаватым у дробным хуліганстве і арганізацыі несанкцыянаванай акцыі. 24 сакавіка актывіста затрымалі з трыма бел-чырвона-белымі сцягамі.
25.03.2011 Лідэру бабруйскай суполкі АГП прабілі колы
Віктар Бузінаеў, лідэр бабруйскай суполкі АГП паведаміў, што невядомыя прабілі ўсе чатыры колы на яго машыне. Акрамя гэтага, на адным баку аўто злаўмыснікі наклеілі налепку “Малады фронт”.
25.03.2011 У Гомелі затрыманы Уладзімір Няпомняшчых
25 сакавіка раніцай у Гомелі затрыманы Уладзімір Няпомняшчых. Абставіны затрымання невядомыя. Раніцай актывіст Руху «За свабоду» выйшаў з дому, і больш яго ніхто не бачыў. Потым ягонай жонцы патэлефанавалі з ІЧУ і паведамілі, што яе муж знаходзіцца там, затыманы на двое сутак.
25.03.2011 Журналіст Алесь Асіпцоў атрымаў трое сутак арышту
24 сакавіка журналіст Алесь Асіпцоў, які акрэдытаваны ў Магілёве як супрацоўнік інфармацыйнай агенцыі навінаў “БелаПАН”, атрымаў трое сутак пазбаўлення волі за “дробнае хуліганства”. Нагодай для ягонага затрымання супрацоўнікамі міліцыі стала тое, што ён, нібыта, спраўляў сваю натуральную патрэбу недалёка ад свайго дома.
25.03.2011 Міліцыя не забылася і пра Яна Лагвіновіча
Маладэчанскі актывіст Ян Лагвіновіч у чарговы раз адчуў павышаную ўвагу да сябе з боку праваахоўных ворганаў. Увечары 23 сакавіка да яго дадому прыходзіў участковы міліцыянер, каб даведацца, што Ян збіраецца рабіць 25 сакавіка, і папярэдзіць аб адказнасці за ўдзел у несанкцыянаваных мерапрыемствах.
25.03.2011 Актывіста з Івацэвіч пракантралявалі
Начальнік участка “Водаканала” Івацэвіцкай жыллёва-камунальнай гаспадаркі яшчэ 22 сакавіка пацікавіўся ў работніка прадпрыемства Станіслава Халадовіча, ці не збіраецца той ехаць 25 сакавіка ў Менск. І напомніў Халадовічу, што 25-га ў яго начная змена. Але для перасцярогі менавіта Халадовічу сказалі выйсці і ў дзённую змену - падмяніць аднаго з работнікаў.
25.03.2011 Салігорскіх актывістаў з ранку папярэджваюць наконт акцыі ў Дзень Волі
Супрацоўнікі міліцыі не абыйшлі ўвагай маладафронтаўца Андрэя Тычыну, грамадскага актывіста Аляксея Валабуева, прадпрымальніка і грамадскага актывіста Уладзіміру Шылу.
25.03.2011 Актывіста “Гавары праўду” Леаніда Аўтухова ўсю ноч вартавала міліцыя
Леанід Аўтухоў жыве ў райцэнтры Гарадок Віцебскай вобласці. Машыну з супрацоўнікамі міліцыі насупраць свае хаты ён заўважыў яшчэ 24 сакавіка. Змяняючыся “на варце”, некалькі супрацоўнікаў міліцыі на розных машынах пільнавалі яго ўсю ноч. А 25 сакавіка да яго паабяцаў прыехаць сьледчы КДБ.
25.03.2011 Барысаўская міліцыя выклікае дэмактывістаў «на гутарку» у Дзень Волі
Барысаўчане Міхаіл Васільеў і Віктар Гарбачоў 25 сакавіка ў 14.30 абавязаны з'явіцца ў мясцовы РУУС «для размовы». Абодва яны былі даверанымі асобамі кандыдата Ўладзімера Някляева на прэзідэнцкіх выбарах 2010 года.
25.03.2011 У Дзень Волі – суд над Сяргеем Каваленкам
У Чыгуначным раённым судзе віцебскага актывіста, затрыманага 24 сакавіка з трыма бел-чырвона-белымі сцягамі, будуць судзіць за дробнае хуліганства і арганізацыю несанкцыянаванага пікету.
25.03.2011 Магілёў. Адміністрацыйны працэс над Ганнай Шкадун спынены
Камісія па справах непаўнагавых разглядала пратакол аб адміністрацыйным правапарушэнні, складзены на сямнадцацігадовую ўдзельніцу акцыі салідарнасці Ганну Шкадун, якая адбылася 16 студзеня 2011 года. З-за таго, што быў прапушчаны двух месячны тэрмін, калі паводле закона можна прыцягваць да адміністрацыйнай адказнасці, камісія не стала разглядаць пратакол. Праваабаронца Барыс Бухель мяркуе, што камісія ўвогуле не павінна была праводзіць сваё пасяджэнне.
25.03.2011 Віцебскі “Вольны шлях” пратэстуе супраць высылкі з Беларусі Андрэя Юрава
Нефармальны рух “Вольны шлях” накіраваў адкрыты ліст у Бюро па дэмакратычных інстытутах і правах чалавека (БДІПЧ), дзе напісана, што моладзь занепакоена цяперашняй сітуацыяй у краіне, дзе парушаюцца грамадзянскія правы. Адной з апошніх праяваў парушэння правоў віцебская моладзь лічыць і выправаджэнне з краіны вядомага праваабаронцы, кіраўніка Міжнароднай назіральнай місіі Андрэя Юрава.
24.03.2011 Жодзінскае ноу-хау: пра забарону пікету - праз міліцыю
24 сакавіка да жодзінскага дэмакратычнага актывіста, сябры Аб'яднанай грамадзянскай партыі Юрыя Сілкіна прыйшлі капітан і старшы лейтэнант міліцыі, каб запрасіць на размову ў мясцовы ГАЎС.
