Навіны на тэму: палітыка
11.03.2009 Брусель і Мінск пачынаюць дыялог аб правах чалавека
Еўрасаюз не толькі не забывае пра сітуацыю з правамі чалавека ў Беларусі, але распачне асобны дыялог для іх абароны. Мінск ужо даў сваю згоду на ўзаемадзеянне па праваабарончай тэматыцы. Гэтае рашэнне беларускіх уладаў можа быць успрынятае як чарговы крок насустрач Бруселю, але пытанне аб эфектыўнасці асобнага праваабарончага дыялогу пакуль застаецца адкрытым. Абарона правоў і свабодаў і вяршэнства закона прапісана ва ўсіх асноватворных дакументах Еўрасаюза як прылада падтрымання міру, бяспекі і росквіту. Менавіта таму правы чалавека — неад'емная частка агульнай знешняй палітыкі краін аб'яднанай Еўропы.
11.03.2009 Беларусь - сярод самых несвабодных дзяржаваў свету
Да такой высновы прыйшлі эксперты амерыканскай праваабарончай даследчай арганізацыі “Freedom House”. Гэта адзначана і ў штогадовай справаздачы арганізацыі пра правы чалавека ў свеце.
28.02.2009 Правы чалавека — no problem?
Новая перадача сэрыі “Экспэртыза Свабоды”, эфір 27-га лютага. Удзельнікі: дактарант Эўрапейскага гуманітарнага ўнівэрсытэту Сяргей Богдан і рэдактар аналітычнага бюлетэня “Беларускі тыдзень” Аляксандар Класкоўскі.
20.02.2009 Дэлегацыя Еўрапарламента сустрэнецца з прадстаўнікамі грамадзянскай супольнасці Беларусі
20 лютага ў Беларусь прыбыла дэлегацыя Еўрапейскай народнай партыі Еўрапарламента на чале з Крыстаферам Бізлі (Вялікабрытанія). У склад дэлегацыі таксама ўваходзяць еўрадэпутаты Лайма Андрык'ене (Літва), якая выступіла ініцыятарам візіту, Хасе Хаўер Помес Руіс (Іспанія) і Яцэк Пратасевіч (Польшча), кіраўнік дэлегацыі Еўрапарламента па сувязях з Беларуссю.
18.02.2009 ЗША не здымуць санкцыі, калі сітуацыя ў Беларусі не зменіцца
Часовы павераны ў справах ЗША у Беларусі пракаментаваў сітуацыю з санкцыямі, уведзенымі ў дачыненні да рэжыму Лукашэнкі.
16.02.2009 Стварэнне грамадзка-кансультатыўнай Рады ў Мастах не плануецца
Каардынатар Руху "За Свабоду" па Гарадзенскай вобласці Алесь Зарэмбюк атрымаў адказ ад старшыні Мастоўскага райвыканкаму Аляксея Шафарэвіча, што стварэнне Грамадзка-кансультатыўнай Рады пры райвыканкаме не плануецца.
11.02.2009 Новыя выбары — паводле правілаў 1994 году?
Сёньня ў Менску завяршыліся двухдзённыя перамовы экспэртаў Бюро дэмакратычных інстытутаў і правоў чалавека АБСЭ і экспэртаў Нацыянальнага цэнтру заканадаўчай дзейнасьці пры прэзыдэнту Беларусі. Яны абмеркавалі магчымыя зьмены беларускага выбарчага заканадаўства.
11.02.2009 Лявон Баршчэўскі: “Любы чалавек па Канстытуцыі мае тыя ж правы, што і тая рада пры Адмінстрацыі”
На прэс-канферэнцыі, прысвечанай святкаванню 25 сакавіка Дня Волі, лідэры Партыі БНФ агучылі патрабаванні, якія будуць выказаныя ўладам падчас шэсця. Адначасова, старшыня Партыі Лявон Баршчэўскі вельмі катэгарычна выказашўся наконт грамадска-кансультатыўнай ды іншых рад, створаных у апошні час пры розных дзяржструктурах, назваўшы іх “бутафорскімі”.
10.02.2009 Выбарчае заканадаўства наблізяць да эўрапейскага?
10 лютага ў Менску экспэрты Бюро дэмакратычных інстытутаў і правоў чалавека АБСЭ і экспэрты Нацыянальнага цэнтру заканадаўчай дзейнасьці пачынаюць абмеркаваньне магчымых зьмяненьняў Выбарчага кодэксу краіны.
02.02.2009 «Нацыянальны Альянс» узгадвае Івана Шылу, Зміцера Хведарука, Франака Вячорку
Рада усеўкраінскай моладзевай арганізацыі «Нацыянальны Альянс» распаўсюдзіла адмысловую заяву наконт сітуацыі ў Беларусі.
30.01.2009 Выбарчае заканадаўства пакуль не меняюць
На мінулым тыдні Беларусь наведаў дырэктар Бюро па дэмакратычных інстытутах і правах чалавека (БДІПЧ) АБСЕ Янэз Лянарчыч. Галоўнай тэмай яго сустрэч з высокапастаўленымі чыноўнікамі, прадстаўнікамі палітычных партый і грамадзянскай супольнасці стала абмеркаванне рэкамендацый па паляпшэнні беларускага выбарчага заканадаўства, выкладзеных у дакладзе БДІПЧ АБСЕ. Аднак пакуль засталося загадкай, на якія менавіта змены гатовы пайсці афіцыйны Мінск — ніводзін з бакоў па выніках візіту пра гэта паведамляць не стаў.
15.01.2009 Еўрапарламент прыняў рэзалюцыю па Беларусі
559 еўрапарламентарыяў падтрымалі рэзалюцыю па Беларусі, 15 прагаласавалі супраць. У рэзалюцыі гаворыцца, што дзеля значнага паляпшэння стасункаў з Еўрасаюзам Беларусь павінна заставацца краінай без палітвязняў, урад павінен гарантаваць свабоду СМІ, працягваць супрацоўніцтва з АБСЕ ў рэформе выбарчага заканадаўства, паляпшаць умовы для дзейнасці няўрадавых арганізацый, гарантаваць свабоду сходаў і палітычных асацыяцый.
09.01.2009 Лукашэнка падпісаў закон аб прадстаўніцтве Еўракамісіі ў Беларусі
Аляксандр Лукашэнка падпісаў закон аб прадстаўніцтве Еўракамісіі ў Беларусі, прыняты парламентам у снежні 2008 года.
05.01.2009 У 2009 годзе АДС будзе вызначаць стратэгію ўдзелу ў прэзідэнцкіх выбарах
"У 2009 годзе Аб`яднаныя дэмакратычныя сілы (АДС) будуць вызначаць стратэгію ўдзелу ў прэзідэнцкіх выбарах 2011 года" — такое меркаванне палітолаг Юрый Чавусаў выказаў у інтэрв`ю БелаПАН.
12.12.2008 Жанна Літвіна атрымае прэмію ў галіне правоў чалавека
У Берліне сёння пройдзе цырымонія ўручэння прэміі Фонда імя Фрыдрыха Эберта ў галіне правоў чалавека. Як паведамлялася раней, сёлета гэтую ўзнагароду спецыяльная камісія Фонда вырашыла ўручыць старшыні ГА «Беларуская асацыяцыя журналістаў» Жанне Літвіной.
