Праваабарончы цэнтр «ВЯСНА»

Навіны на тэму: выбары-2008

25.07.2008 Вілейка: Дзьве ініцыятыўныя групы не былі зарэгістраваныя з-за “парушэньняў заканадаўства”

24 ліпеня у 14.30 адбылося паседжаньне вілейскай акруговай выбарчай камісіі №64. У камісію былі пададзены 4 заявы на рэгістрацыю ініцыятыўных груп кандыдатаў у дэпутаты: Спільнічэнка, Анікеенка, Аўстраленка, Вінаградаў.

25.07.2008 Барысаў: Непамятлівы палкоўнік

У панядзелак, 21 ліпеня, акруговай выбарчай камісіяй па Барысаўскай гарадской акрузе №62 была зарэгістраваная ініцыятыўная група па зборы подпісаў па вылучэньні ў кандыдаты ў дэпутаты Віктара Гумінскага. А у сераду, 23 ліпеня, газета "Адзінства", заснавальнікам якой з'яўляецца Барысаўскі райвыканкам, апублікавала зварот да выбаршчыкаў дзеючага дэпутата Палаты прадстаўнікоў Віктара Гумінскага.

25.07.2008 Барысаў: Пакуль прэтэндэнт адзін

Сябры ініцыятыўнай групы па вылучэньні сябры партыі БНФ Сяргея Салаша кандыдатам у дэпутаты Палаты прадстаўнікоў Нацыянальнага сходу сёньня, 24 ліпеня, падалі дакументы на рэгістрацыю ў акруговую выбарчую камісію па Барысаўскай сельскай выбарчай акрузе №63.

25.07.2008 Берасьцейшчына: Вылучэньне прэтэндэнтаў у дэпутаты працягваецца

На Берасьцейшчыне шляхам збору подпісаў вылучана большасьць кандыдатаў ад кааліцыі АДС. Зарэгістраваныя ініціатыўныя групы (ня меньш, чым па 10 сябраў у кожнай) выконваючага абавязкі старшыні БСДП (Грамада) Анатоля Ляўковіча - ў Берасьцейскай Заходняй выбарчай акрузе № 1, намесьніка старшыні абласной арганізацыі БСДП (Грамада) Валянціна Лазарэнкава - ў Белавежскай выбарчай акрузе № 8, кіраўніка Берасьцейскай раённай арганізацыі ПКБ Анатоля Новіка – ў Мухавецкай выбарчай акрузе №4, Аляксандра Галькевіча - ў Баранавіцкай Усходняй акрузе № 6, Яўгена Перца - ў Пінскай гарадской акрузе № 14, Александра Апанасюка - у Столінскай выбарчай акрузе №16.

25.07.2008 Смаргонь: Ціск на прэтэндэнта ў кандыдаты не спыняецца

Ірына Вештард 21 ліпеня падала ў Смаргонскую акруговую камісію заяву аб рэгістрацыі ініцыятыўнай групы. На наступны дзень - 22 ліпеня між 16.00 і 17.00 дзьверы ў яе кватэру аказаліся размалёванымі чорнаю фарбай. У гэтую ж ноч невядомымі быў папсаваны замок.

24.07.2008 Як асвятляецца тэма выбараў у беларускіх СМІ? Першая справаздача маніторцаў

Беларускія дзяржаўныя медыі надаюць асвятленню будучых выбараў значна большую ўвагу, чым парламенцкім выбарам 2004 г. Хаця дзяржаўныя медыі не прамінулі рэпрэзентаваць беларускую апазіцыю ў надзвычай негатыўным святле, затое агучылі намеры кіраўніцтва краіны правесці выбары больш адкрыта і з шырэйшым удзелам апазіцыйных партый.

24.07.2008 Жлобін і Светлагорск: зборшчыкі подпісаў “выйшлі на паляваньне”

У Жлобінскім і Светлагорскім раёнах зарэгістраваныя ініцыятыўныя групы, якія пачалі збор подпісаў грамадзянаў за вылучэньне кандыдатаў у дэпутаты Палаты прадстаўнікоў. 25 чалавек зьбіраюць подпісы за вылучэньне кандыдатам у дэпутаты Валерыя Рыбчанкі – у Жлобінскай выбарчай акрузе. Ён жыве ў Жлобіне, працуе дырэктарам рэгіянальнай праграмы Фонду садзеяньня інтэграцыі Беларусі і Расіі, з’яўляецца першым сакратаром Жлобінскай арганізацыі Партыі камуністаў Беларускай (ПКБ). Раней В. Рыбчанка быў намесьнікам начальніка пракатнага цеху Беларускага металургічнага завода; звольнены з заводу пасля таго, як адмовіўся зьняць сваю кандыдатуру на выбарах у Палату прадстаўнікоў у 2004 г.

24.07.2008 Вілейка: Ініцыятыўных групаў няма, а подпісы ўжо зьбіраюць

Актывіст партыі БНФ Аляксандар Сыракваш 22 ліпеня стаў відавочцам парушэньня выбарчага заканадаўства. У краме ў вёсцы Асіпавічы Вілейскага раёна маладая супрацоўніца сельсавета зьбірала подпісы за вылучэньне некага ў дэпутаты. А. Сыракваш зрабіў жанчыне заўвагу, што яна парушае заканадаўства, бо зьбірае подпісы ў працоўны час. За каго менавіта зьбіраліся тыя подпісы, А. Сыракваш даведацца не змог, бо пасьля таго, як ён зрабіў заўвагу, жанчына хуценька схавала бланкі са словамі "мне проста так загадалі".

24.07.2008 Барысаў: Сябры ініцыятыўных групаў атрымалі пасведчаньні

Па Барысаўскай сельскай выбарчай акрузе №63 не зарэгістравана ні адной ініцыятыўнай групы па зборы подпісаў для вылучэньня ў кандыдаты ў Палату прадстаўнікоў Нацыянальнага сходу Рэспублікі Беларусь.

24.07.2008 У Жлобінскай камісіі – два дэмакратычныя назіральнікі

Два назіральнікі, якія прадстаўляюць Аб’яднаныя дэмакратычныя сілы Беларусі, накіраваныя ў Жлобінскую акруговую камісію па выбарах. У суседнім Светлагорскім раёне ў акруговай камісіі назіральнікаў ад дэмакратычных партый пакуль няма.

24.07.2008 Магілёў: Праваабаронца быў вымушаны тлумачыць членам акруговай камісіі “літару закону”

Незалежнаму кандыдату ў дэпутаты Наталлі Зайцавай адмовіліся прадастаўляць інфармацыю аб іньшых зарэгістраваных кандыдатах у дэпутаты. “У сваю акруговую выбарчую камісію №86 я хадзіла неаднаразва – падавала дакументы на рэгістрацыю ініцыятыўнай групы і забірала пасведчаньні аб рэгістрацыі сваёй ініцыятыўнай групы і кожны раз пыталася, хто яшчэ акрамя мяне зарэгістраваны кандыдатам у дэпутаты”, – гаворыць Наталля Зайцава.

23.07.2008 Магілёўскія праваабаронцы падалі скаргі ў Пракуратуру і Цэнтральную выбарчую камісію ў сувязі з парушэньнямі падчас фармаваньня акруговых выбарчых камісій

ГА «Магілёўскі праваабарончы цэнтр» накіравала скаргі ў пракуратуру і Цэнтральную выбарчую камісю па выбарах і правядзеньні рэспубліканскіх рэферэндумаў аб парушэньнях заканадаўства Рэспублікі Беларусь пры фармаваньні акруговых выбарчых камісій у Магілёўскай вобласьці.

23.07.2008 Гарадзенскага праваабаронцу Віктара Сазонава дапытвалі ў КДБ

Спецслужбоўцы паведамілі гарадзенскаму актывісту, што выклікалі яго ў сувязі з выбухам, які адбыўся пад час святкаваньня Дня Незалежнасьці ў Менску. Сілавікі патлумачылі, што іх цікавиць вайсковая падрыхтоўка, якую Віктар Сазонаў атрымаў падчас службы ў савецкім войску ў паветрана-дзесантных войсках спецыяльнага прызначэньня. Пасля допыту быў складзены пратакол і ў праваабаронцы ўзялі адбіткі пальцаў.

23.07.2008 Магілёў: Прадстаўнікоў БНФ і ПКБ – меньш за ўсіх ў складзе акруговых камісій

93 чалавекі патрапілі ў склад акруговых выбарчых камісій ад выбаршчыкаў шляхам збору подпісаў, 27 чалавек было вылучана ад працоўных калектываў, 12 чалавек ад ГА “БРСМ”, 9 чалавек ад Беларускага грамадскага аб’яднаньня ветэранаў, 7 чалавек ад ГА “Беларускі саюз жанчын”, 7 чалавек ад рэспубліканскага грамадскага аб’яднаньня “Белая Русь”, 3 чалавекі ад Камуністычнай партыі Беларусі, 3 чалавекі ад Беларускага прафсаюза работнікаў аграпрамысловага комплексу, 2 чалавекі ад ГА “Беларускі саюз ветэранаў вайны ў Афганістане”, 2 чалавекі ад Рэспубліканскай партыі працы і справядлівасьці, 1 чалавек ад Беларускай аграрнай партыі, 1 чалавек ад Партыі камуністаў Беларускай, 1 чалавек ад Ліберальна-дэмакратычнай партыі і 1 чалавек ад ГА Беларускі Народны Фронт “Адраджэньне”.