Навіны на тэму: выбары прэзідэнта-2010
07.11.2010 Гродна: Назіральнікаў не дапусцілі да праверкі сапраўднасці подпісаў
"Ніводнага з назіральнікаў па Гродзеншчыне не дапусцілі да праверкі сапраўднасці і падліку подпісаў. Гэта яскрава сведчыць пра тое, што празрыстасці выбарчага працэсу няма,” – каментуе сітуацыю Віктар Сазонаў.
07.11.2010 Бяроза: Назіральнікам адведзена роля «вясельных генералаў»
Камісія пайшла насустрач просьбе назіральнікаў, але не ва ўсім: ім пісьмова паведамілі пра паседжанне, дзе будуць разглядацца матэрыялы праверкі дакладанасці подпісаў, але сама праверка ўжо праведзена "ў рабочым парадку".
07.11.2010 У Свіслачы працягваецца выбарчая “эквілібрыстыка”
На паседжанні раённай адміністрацыі было заяўлена, што ніхто з 5 чалавек, вылучаных абласной арганізацыяй БСДГ, ва ўчастковыя камісіі не патрапіў. Якое ж было здзіўленне, калі праз дзень прадстаўніцы партыі Зінаідзе Мухінай патэлефанавалі і паведамілі, што яна ўключана ў склад камісіі.
07.11.2010 Гомельская вобласць: Дзяржслужачыя “замаскіраваліся” пад грамадскасць
Варта паглядзець, хто насамрэч хаваецца за “прадстаўнікамі грамадскіх аб'яднанняў”. Цяжкасць у тым, што часам немагчыма знайсці звесткі, дзе працуе той ці іншы чалавек. Хоць і цяжка гэта выявіць, але магчыма.
07.11.2010 Бярозаўскі раён: Партыйцаў не ўключылі – дэфіцыт стварылі
У Бярозаўскім раёне ў склад 40 % участковых выбарчых камісій (20 з 50) уключана меней за 1/3 прадстаўнікоў партый і грамадскіх арганізацый. Разам з тым, у дзве з гэтых камісій не былі ўключаны прадстаўнікі Партыі БНФ.
07.11.2010 Баранавічы: ЦВК рэкамендавала камісіям інфармаваць пра правядзенне паседжанняў
Лідзія Ярмошына паведаміла, што ЦВК рэкамендуе тэрытарыяльным выбарчым камісіям інфармацыю пра дату і час правядзення паседжанняў размяшчаць папярэдне на сайтах выканкамаў ці вывешваць спецыяльныя аб’явы.
07.11.2010 Брэст: “Справядлівы свет” абскарджвае неўключэнне сваіх прадстаўнікоў ва УВК
Усё тыя, каму адмовілі, падалі ў суд скаргі, каб аспрэчыць рашэнні адміністрацый Ленінскага і Маскоўскага раёнаў г.Брэста, датычныя фармавання ўчастковых выбарчых камісій.
07.11.2010 Барысаў. Пярвічка прафсаюза РЭП падала ў суд на Барысаўскі райвыканкам
У складзе 112 участковых камісій няма ніводнага апазіцыянера. Незалежны прафсаюз РЭП, які дэлегаваў у камісіі дзевяць прадстаўнікоў, аспрэчвае гэтае рашэнне ў Барысаўскім раённым судзе.
07.11.2010 Гомельская вобласць: Асвятленне выбараў – тэма неістотная для мясцовых СМІ?
Для газеты “Жыццё Палесся” тэмай тыдня быў 4 Усебеларускі народны сход. Прычым асвятленне рабілася ў горшых савецкіх традыцыях – у выглядзе рапартавання аб дасягненнях.
07.11.2010 Пінскія СМІ па-ранейшаму абмінаюць тэму выбараў
Вось ужо скончыўся чарговы этап прэзідэнцкай выбарчай кампаніі – здача і праверка падпісных лістоў з подпісамі аб вылучэнні кандыдатаў у прэзідэнты. Аднак пінскія СМІ па-ранейшаму намагаюцца абмінаць тэму выбараў.
07.11.2010 Бяроза: Улёткі пра байкот аказаліся ў ідэолагаў
Амаль 5 тысяч улётак з заклікам да байкоту прэзідэнцкіх выбараў былі канфіскаваны супрацоўнікамі Бярозаўскага РАУС у Андрэя Кавалевіча, сына кіраўніцы раённай суполкай КХП БНФ Галіны Кавалевіч.
07.11.2010 Крычаў: Дэмакраты абскарджваюць неўключэнне ва ўчастковыя камісіі
Крычаўскія актывісты АГП і ГА БНФ “Адраджэнне” абскарджваюць неўключэнне іх прадстаўнікоў у склад участковых выбарчых камісій. Адпаведныя дакументы ўжо накіраваны ў Крычаўскі раённы суд.
07.11.2010 Магілёўшчына: З мінулых выбараў склад участковых камісій не змяніўся
Раённыя газеты Бялыніцкага, Круглянскага і Шклоўскага раёнаў пачалі публікацыю спісаў сяброў участковых камісій. Пры ўважлівым разглядзе высветлілася, што склад гэтых камісій амаль не змяніўся з мясцовых выбараў, якія прайшлі ў красавіку.
05.11.2010 Участковыя камісіі: “Каэфіцыент дыскрымінацыі” апазіцыі не змяніўся
Вылучаным ва ўчастковыя камісіі прадстаўнікам апазіцыйных структур адмаўлялі ў пяць разоў часцей, чым прадстаўнікам лаяльных да ўлады арганізацый. “Каэфіцыент праходнасці” апазіцыі ў выбарчыя камісіі, альбо, як выказаўся А.Гулак, “каэфіцыент дыскрымінацыі”, у параўнанні з мінулымі выбарамі не змяніўся.
05.11.2010 Цэнтрвыбаркам пагадзіўся зняць абмежаванні ў працы назіральнікаў
5 лістапада адбылося паседжанне Цэнтральнай камісіі, дзе разглядалася прапанова праваабаронцаў аб унясенні паправак у пастанову ЦВК № 49 ад 15 верасня 2010 г. Беларускі Хельсінкскі камітэт прапанаваў адмяніць новаўвядзенні ў накіраванні назіральнікаў на ўчасткі і ў камісіі. Як паведаміў старшыня БХК Алег Гулак, які прысутнічаў на паседжанні, Цэнтрвыбаркам заслухаў яго аргументацыю па звароце і прыняў прапанову праваабаронцаў практычна без абмеркаванняў.
