Навіны на тэму: дапамога
27.04.2011 Глыбоцкага актывіста будуць судзіць за пікет салідарнасці з палітвязнямі
Пікет праходзіў у Глыбокім яшчэ 19 сакавіка, прычым з дазволу мясцовых уладаў. Але сёння да арганізатара Яраслава Берніковіча прыйшлі міліцыятны і склалі пратакол за парушэнне заканадаўства пра масавыя акцыі.
27.04.2011 У Жодзіна «маёўка» забаронена
«Адказ - адмоўны, - сказалі жодзінскія ідэолагі. - Заява на правядзенне пікету 1 мая 2011 года не адпавядае артыкулу 5 Закона «Аб правядзенні масавых мерапрыемстваў». Патлумачыць, у чым менавіта праяўляецца «неадпаведнасць», у аддзеле ідэалогіі Жодзінскага гарадскога выканкама адмовіліся.
27.04.2011 Барысаўскіх дэмакратаў пільнуюць людзі ў цывільным
Сёння ў Барысаве павінна адбыцца сустрэча дэмактыва горада, дзе плануецца абмеркаваць паўсядзённыя пытанні. З самай раніцы некаторыя дэмакраты заўважылі, што «нешта не так ». Як паведамляюць арганізатары сустрэчы Сяргей Салаш і Міхаіл Васільеў, яны ўжо адчуваюць на сабе пільную ўвагу нейкіх «людзей у цывільным ».
27.04.2011 Гадзіна смутку ў Бярозе
Гадзіна смутку праводзіцца ў Бярозе з 2000-га году. Мінулыя гады выходзіла шмат людзей, станавіліся ў ланцуг на плошчы з запаленымі свечкамі. Але маўклівы ланцуг людзей раздражняў мясцовае начальства, і актывісты караліся судом, таму ў гэтым годзе быў зменены фармат мерапрыемства.
27.04.2011 Гомельскім «левым» дазволены мітынг на Першамай
Упершыню за апошнія амаль сем гадоў, з восені 2004 года, Гомельскі гарвыканкам дазволіў правядзенне ў горадзе мітынга апазіцыі, запланаванага на 1 мая, у дзень салідарнасці працоўных.
26.04.2011 Ваўкавыск: чарговае затрыманне Віталя Гуляка
26 красавіка ў Ваўкавыску нарадам міліцыі зноў быў затрыманы грамадскі актывіст Віталь Гуляк. Гэта адбылося, калі ён расклейваў на рэкламных месцах гораду партрэты палітычных зняволеных.
26.04.2011 У Віцебску затрыманы журналіст Уладзіслаў Старавераў
Хлопец здымаў на відэакамеру пачатак малебну за ахвяраў Чарнобыльскай аварыі, які праходзіў ля крыжа недалёка ад Успенскага сабору. Начальнік міліцыі грамадзкай бяспекі УУС Віцебскага аблвыканкаму Ігар Скарыновіч выказаў незадавальненне, што міліцыянты таксама трапляюць у кадр.
26.04.2011 У Полацку на двое сутак асуджаны актывісты, якія збіраліся праводзіць акцыю ў памяць Чарнобыля
Суддзя Полацкага суду Наталля Дзеравянка прызнала Калесніка і Калінцава вінаватымі ў дробным хуліганстве - нецэнзурнай лаянцы ў грамадскім месцы і пакарала іх двума суткамі арышту. Сведкамі ў судзе выступалі міліцыянты.
26.04.2011 Віцебскага каардынатара Руху “За свабоду” выклікалі ў міліцыю
Хрыстафор Жаляпаў распавёў, што па тэлефоне яму патлумачылі мэту выкліку: каб ён даў тлумачэнні пра тое, чаму заклікае людзей прыходзіць на несанкцыянаваную “чарнобыльскую” акцыю. Ісці на гутарку без позвы актывіст адмовіўся.
26.04.2011 Кантроль за апазіцыяй у гадавіну аварыі на ЧАЭС
У 25 гадавіну аварыі на Чарнобыльскай АЭС салігорскія ўлады ўсталявалі пільны кантроль за перасоўваннем мясцовых дэмакратычных актывістаў. Раніцай 26 красавіка выканкамаўскія чыноўнікі праз адміністрацыю прадпрыемства, дзе працуе маладафронтавец Аляксей Валабуеў, пачалі аказваць на яго ціск з мэтай не дапусціць яго ўдзел у акцыі ў Мінску.
26.04.2011 Ціск на праваабаронцу працягваецца
У Гродне працягваецца ціск на правабаронцу з БХК Святлану Рудкоўскую, якая актыўна працавала ў назіранні на апошніх выбарчых кампаніях. Нагадаем, што ў лютым АБЭЗ двойчы правяраў яе фінансава-гаспадарчую дзейнасць як старшыні жыллёва-будаўнічага кааператыва. Але далей зачэпкі да праваабаронцы не скончыліся.
26.04.2011 У Гродне на ўгодкі Чарнобылю замест памятных мерапрыемстваў -- канцэрт “ВіаГры”
Замест жалобных і памятных акцый у горадзе над Нёманам у мясцовым Лядовым палацы запланаваны канцэрт поп-гурта “Віа-Гра”. Відавочна, што ні адміністрацыя спартовага комплексу, ні ўлады нават не задумаліся пра недарэчнасць такога канцэрту ў трагічную і сумную для Беларусі дату.
26.04.2011 Да Яўгена Васьковіча не даходзяць лісты
Бабруйскі актывіст ствараемай партыі БХД журналіст Яўген Васьковіч, які зараз знаходзіцца ў СІЗА ў якасці падазраванага па справе падпала будынка КДБ, не атрымлівае ўсіх дасланых яму лістоў. Ён пакуль не ведае, калі будзе суд, але паведаміў, што зараз яго справу разглядае пракурор.
26.04.2011 АМАП перашкодзіў Барысу Хамайду правесці акцыю да ўгодкаў Чарнобыльскай аварыі
Віцебскі апазіцыянер выйшаў на вуліцу Леніна да так званага “сіняга дому” з плакатам, дзе было напісана “Людзі, памятайце пра Чырнобыль і разважайце пра лёс сваіх дзяцей. Будаўніцтва АЭС у Рэспубліцы Беларусь – вар’яцтва”. Але яшчэ да таго, як ён разгарнуў плакат, да яго падышлі два “амапаўцы”.
26.04.2011 Суд не задаволіў іск назіральніц кампаніі “За справядлівыя выбары”
У дзень выбараў 19 снежня назіральніцы абвінавацілі старшыню выбарчай камісіі ў тым, што яна знаходзіцца ў нецвярозым стане. У той дзень Ірына Зямцова святкавала свой дзень нараджэння і была затрымана супрацоўнікамі міліцыі, на яе быў складзены пратакол. Аднак у судзе яна здолела даказаць, што ў той дзень не была ў стане алкагольнага ап’янення.
