Навіны на тэму: правы працоўных
03.01.2012 Звольнілі з працы нібыта за адзін прагул
Гарадзенскі актывіст Раман Юргель пазбавіўся працы ў прыватнай фірме “АВС”.
29.12.2011 Пасля пратэстаў рабочым змянілі ўмовы аплаты працы
Пасля разбіральніцтваў, выкліканых пратэстам рабочых вагоннага дэпо Брэст-Усходні ў сярэдзіне снежня наконт недаплачаных грошай у кастрычніку-лістападзе, 28 снежня работнікам далі для азнаямлення і подпісу папярэджанне аб змяненні ўмоваў аплаты працы.
22.12.2011 Наваполацкія ідэолагі зацікавіліся праблемамі палітвязняў?
У Наваполацку людзей, якія наведалі прагляды праваабарончых фільмаў, выклікаюць да ідэолагаў прадпрыемстваў і ў КДБ. Па словах праваабаронцы Зміцера Салаўёва, займаецца гэтым Брыкун Сяргей Канстанцінавіч, намеснік дырэктара завода "Палімір" па ідэалагічнай працы і агульных пытаннях аб'яднання "Нафтан".
20.12.2011 Баранавіцкаму актывісту Віктару Цяпіну не працягнулі працоўны кантракт
20 снежня адміністрацыя Баранавіцкага завода аўтаматычных ліній не працягнула працоўны кантракт з Віктарам Цяпіным. Нягледзячы на тое, што на прадпрыемстве не хапае інжынераў-канструктараў, кіраўніцтва завода адмовілася ад працоўных паслугаў кваліфікаванага спецыяліста.
14.12.2011 Рабочыя Магілёўскага домабудаўнічага камбіната дамагліся саступак адміністрацыі
Нагадаем, што ў кастрычніку гэтага года быў створаны страйкам, у склад якога ўвайшло шэсць чалавек. Ачоліў страйкам сябра Свабоднага прафсаюза металістаў. Рабочыя высунулі кіраўніцтву шэраг патрабаванняў, накіраваных на падвышэнне заробку, паляпшэнне бытавых умоваў і ўмоваў тэхнікі бяспекі, арганізацыі ўмоваў працы.
02.12.2011 Прымусовая падпіска на дзяржпрапаганду працягваецца
Праблема прымусовай падпіскі на дзяржаўныя выданні ў Салігорску назіраецца ўжо доўгія гады. “Брудную” працу звычайна выконваюць ідэалагічныя аддзелы прадпрыемстваў па разнарадцы з выканкаму. На ААТ “Беларуськалій” гэткая практыка мае перманентны масавы характар.
01.12.2011 Наваполацк: Чатыры адмовы на правядзенне аднаго пікету
Сябрам Беларускага незалежнага прафсаюза, рабочым ААТ «Нафтан», у чацвёрты раз адмовілі ў правядзенні пікету. Мэтай пікету было інфармаванне жыхароў Наваполацка пра адмову кіраўніцтва прадпрыемства заключыць калектыўны дагавор з Незалежным прафсаюзам.
29.11.2011 Актывіста апазіцыі прымусілі звольніцца з Аршанскага педкаледжа
Уладзіміра Юржыца, кандыдата ў дэпутаты Палаты прадстаўнікоў Беларусі на выбарах 2008 года, прымусілі звольніцца з Аршанскага педагагічнага каледжа, у якім ён выкладаў інфарматыку.
18.11.2011 Дзяржаўнае выданне пра хваляванні на Гомельскім ВРЗ: «многа шуму з нічога»
Нагадаем, у кастрычніку каля 30 працаўнікоў транспартнага цэху ВРЗ падпісаліся пад зваротам да адміністрацыі з патрабаваннем падвышэння заробкаў. Ініцыятарам звароту быў Зміцер Карашкоў, якому негалосна прапанавалі добраахвотна звольніцца з прадпрыемства.
10.11.2011 Прафсаюзны актывіст патрабуе павышэння зарплаты праз суд
У Полацкім гарадскім судзе 10 лістапада адбылося паседжанне з нагоды грашовай кампенсацыі за дадатковую працу па пазове, пададзенай актывістам свабоднага прафсаюза Міколам Шарахом супраць адміністрацыі ААТ "Шкловалакно".
08.11.2011 У лепшых савецкіх традыцыях - праца задарма
З 7 па 17 лістапада ў Полацку пройдзе дэкаднік па санітарнай ачыстцы і добраўпарадкаванні горада. Практычнае адбіранне ў людзей выходнай суботы ніяк не кампенсуецца, а вось няяўка можа паслужыць падставай для пазбаўлення прэміі.
27.10.2011 Грамадскі актывіст з Кіраўска здолеў знайсці працу толькі ў Расіі
Грамадскі актывіст з Кіраўска Аляксандр Баран, які быў звольнены з працы пасля прэзідэнцкіх выбараў 2010 года, так і не здолеў уладкавацца на працу ў сваім раёне. Для таго, каб неяк забяспечыць сабе існаванне, ён паехаў працаваць на будоўлі ў Расійскую Федэрацыю. Гэта пры тым, што некалькі год таму Аляксандр перанёс інсульт.
27.10.2011 Барысаў: Выканкамаўская газета ўтойвае факт забастоўкі
Нумар выканкамаўскай газеты "Адзiнства" (№ 67 (13822), які выйшаў 26 кастрычніка, расчараваў жыхароў горада і раёна: у ім ні словам не згадваецца пра страйк работнікаў спецаўтагаспадаркі і "Зелянбуда" УП "Жыллё". Па ўсёй бачнасці, інфармацыя стала "сакрэтнай" па адной прычыне.
26.10.2011 Фядыніч аштрафаваны за Народны сход
Старшыня Прафсаюзу радыёэлектроннай прамысловасьці (РЭП) Генадзь Фядыніч быў сёньня ў Нацыянальным аэрапорце Менску зьняты з авіярэйсу і дастаўлены ў суд Савецкага раёну сталіцы. Прафсаюзны лідэр накіроўваўся ў Прагу на пасяджэньне цэнтральнага камітэту Міжнароднай фэдэрацыі мэталургаў.
25.10.2011 Затрыманні ў Барысаве
25 кастрычніка ад 8-й гадзіны раніцы ў Барысаве працягваюць свой страйк працаўнікі спэцаўтагаспадаркі – транспартнай арганізацыі, якая адказвае за вываз сьмецьця, а таксама "Зелянбуда". Працаўнікі абодвух падразьдзяленьняў УП "Жыльлё" патрабуюць падвышэньня заробку.
