Праваабарончы цэнтр «ВЯСНА»

Навіны за 9 кастрычніка 2009

09.10.2009 Цэнтральны райсуд сталіцы перагледзіць справу Алеся Стральцова

Пасьля вынясеньня пратэсту намесьнікам Старшыні ВС РБ Менскі гарсуд прыняў рашэньне аб адмене пастановы Цэнтральнага райсуду сталіцы ад 15.06.09, згодна якой фігуранту "працэсу 14-ці" Алесю Стральцову было заменена пакараньне ў выглядзе абмежаваньня волі на папраўчыя працы. Матэрыялы справы накіраваныя на перагляд. Палітвязень чакае амністыю.

09.10.2009 У Камітэт ААН па правах чалавека накіраваная скарга на парушэнне правоў Васіля Юзэпчука, асуджанага да смяротнага пакарання

Сёння, 9 кастрычніка, напярэдадні Сусветнага дня барацьбы супраць смяротнага пакарання, Камітэт ААН па правах чалавека пацвердзіў атрыманне індывідуальнага звароту Васіля Юзэпчука, асуджанага 29 чэрвеня 2009 года Брэсцкім абласным судом да смяротнай пакарання з канфіскацыяй маёмасці.

09.10.2009 У Астраўцы міліцыянты затрымалі фізіка-атамшчыка з Масквы

Фізіка-атамшчыка, каардынатара маскоўскай групы "Экаабарона" Андрэя Ажароўскага затрымалі міліцыянты ў Астраўцы, дзе сёння праходзяць грамадскія слуханні, прысвечаныя папярэняй справаздачы аб ацэнцы ўздзеяння на навакольнае асяроддзе беларускай АЭС.

09.10.2009 Прадпрымальніца заплаціць за гігіену сотні мільёнаў

Вышэйшы гаспадарчы суд сёньня пацьвердзіў рашэньне Віцебскага абласнога суду аб ускладаньні штрафу на аршанскую прадпрымальніцу Жану Бохан.

09.10.2009 Вакуленка даводзіць у судзе, што яго падманулі

Грамадскі актывіст Сяргей Вакуленка намагаецца вярнуць свае грошы, ахвяраваныя на помнік 1000-годдзя Берасця, але пакуль беспаспяхова.

09.10.2009 Эколагаў і актывістаў не пусцілі ў залю грамадскіх слуханняў па АЭС

У Астраўцы пачаліся грамадскія слуханні папярэдняй справаздачы аб ацэнцы ўздзеяння на навакольнае асяроддзе беларускай АЭС. У горадзе, ля якога зараз ужо актыўна рыхтуецца пляцоўка для станцыі і ствараецца інфраструктура будаўніцтва, сабраліся эколагі, навукоўцы, грамадскія актывісты, журналісты з Беларусі і Расіі. Але месца ў кінаканцэртнай залі “Астравец”, дзе праходзяць слуханні, знайшлося не ўсім.

09.10.2009 Андрэю Бандарэнку – 7 год калоніі строгага рэжыму

У судзе Першамайскага раёну Менску вынесены прысуд бізнэсоўцу Андрэю Бандарэнку. Пасьля таго як Андрэй Бандарэнка выступіў з апошнім словам, cудзьдзя Леанід Ярмоленкаў абвесьціў перапынак на 30 хвілін. Затым быў агучаны прысуд: 7 гадоў калоніі строгага рэжыму з канфіскацыяй маёмасьці

09.10.2009 Ці адменяць Артыкул 193-1 да паседжаньня Рады Эўразьвязу?

Міністар юстыцыі Беларусі Віктар Галаванаў заявіў 8 кастрычніка ў Менску, што Мінюст абмяркоўвае магчымасьць адмены артыкула 193-1 Крымінальнага Кодэксу з актывістамі палітычных партый і прадстаўнікамі грамадзянскай супольнасьці.

09.10.2009 Асамблея НДА заяўляе пра адсутнасьць у краіне прагрэсу ў сфэры свабоды аб’яднаньняў і правоў чалавека

Напярэдадні прыняцьця рашэньня адносна візавых санкцыяў Эўразьвязу ў дачыненьні да афіцыйнага Менску Асамблея дэмакратычных НДА заявіла пра адсутнасьць у краіне прагрэсу ў сфэры свабоды аб’яднаньняў і правоў чалавека.

09.10.2009 “Бацькаўшчына” заклікае парламент прыняць закон аб беларусах замежжа

На падставе рашэнняў нядаўняга Пятага з’езда беларусаў свету МГА “ЗБС “Бацькаўшчына” звярнулася да Палаты Прадстаўнікоў з тым, каб была ўзноўленая праца па распрацоўцы праекта закона, які б рэгуляваў стасункі Рэспублікі Беларусь з беларусамі замежжа.

09.10.2009 Расследаванне справы ваўкавыскіх прадпрымальнікаў працягнулі на месяц

Яшчэ на месяц працягнута расследаванне справы ваўкавыскіх прадпрымальнікаў Мікалая Аўтуховіча і Ўладзіміра Асіпенкі. У следчым ізалятары яны знаходзяцца ўжо 8 месяцаў. Прадстаўнік сям’і Аўтуховіча праваабаронца і былы следчы Алег Воўчак лічыць, што ў міліцыі па просту не хапае доказаў, каб накіраваць справу ў суд.