Праваабарончы цэнтр «ВЯСНА»

Навіны за Сакавік 2015

31.03.2015 Яўген Васьковіч сустрэнецца з маці ў красавіку

Маці Яўгена Васьковіча расказала, што збіраецца 17 красавіка сустрэцца з сынам. Нагадаем, што ў пачатку лютага Яўген ужо меў магчымасць сустрэцца з маці. Тады Рушанія Васьковіч атрымала суткавае спатканне з сынам.

31.03.2015 Бабруйск: Як знайсці дэпутата?

Насупраць прозвічша дэпутата Заходняй выбарчай акругі №9 Андрэя Ісайчанкі пазначана, што ён прымае выбаршчыкаў у кабінеце дырэктара мясакамбіната, кожны панядзелак. Але Ісайчанка не працуе на гэтым прадпрыемстве з верасня мінулага года.

31.03.2015 Праваабарончая праграма “Вясна” на Беларускім Радыё Рацыя

Госць рубрыкі “Асоба”: юрыст праваабарончага цэнтра Вясна – Павал Сапелка. Праваабаронцы неаднаразова звярталі ўвагу на неабходнасць выключэння з Крымінальнага кодэкса Беларусі артыкула 411, які прадугледжвае для зняволеных, якія ўтрымліваюцца ў папраўчых установах, пакаранне за злоснае непадпарадкаванне патрабаванням адміністрацыі.

31.03.2015 Як дзяржава зарабляе на незалежных СМІ (інфаграфіка)

Кожны год незалежныя журналісты прыцягваюцца да адказнасці па ч. 2 арт. 22.9 КаАП “Незаконны выраб і распаўсюд прадукцыі СМІ”.

31.03.2015 Магілёўскі журналіст абскарджвае штраф у Вярхоўным судзе

Магілёўскі журналіст-фрылансер Алесь Буракоў накіраваў старшыні Вярхоўнага суда наглядную скаргу, ў якой аспрэчвае штраф, атрыманы ў кастрычніку 2014 г. за працу на замежны СМІ.

31.03.2015 Хацелі свабоды? Атрымайце блакаду (відэа)

Уладзімір Лабковіч у белсатаўскім "Аб'ектыве" выказвае меркаванне пра незаконную блакіроўку інтэрнэт-рэсурсаў у Беларусі.

31.03.2015 Магілёўскі гарвыканкам забараніў пікет у падтрымку Лукашэнкі

Пра гэта паведаміў актывіст незалежнага прафсаюза Радыёэлектроннай прамысловасці Аляксей Паўлоўскі, які разам з 44 грамадзянамі выступіў ініцыятарам правядзення масавага мерапрыемства ў цэнтры горада.

31.03.2015 У Магілёве не дазволілі правесці пікет у падтрымку Лукашэнкі

Група грамадзян збіраліся падтрымаць кіраўніка дзяржавы ў прыняцці закона аб дармаедах ды вылучыць яго на Нобелеўскую прэмію міру.

31.03.2015 Скаргу Тамары Сялюн разгледзіць Гродзенскі абласны суд у касацыйным парадку

Касацыйная скарга Тамары Сялюн будзе разгледжана Гарадзенскім абласным судом 15 красавіка ў 9.30.

31.03.2015 Мікалай Статкевіч адмовіўся ад так званай працы па самаабслугоўванню

Палітзняволены, былы кандыдат у прэзідэнты Мікалай Статкевіч, які зараз адбывае пакаранне ў калоніі №17 у Шклове, напісаў заяву ў адміністрацыю калоніі з адмовай ад так званай працы па самаабслугоўванню, паколькі лічыць яе незаконнай.

31.03.2015 Чарговага сябра БХД пазбаўляюць працы за палітыку

Услед за Сяргеем і Мікалаем Верамеенкамі з Гародні ўлады вырашылі пазбавіць працы яшчэ аднаго сябра аргкамітэту па стварэнні партыі "Беларуская Хрысціянская Дэмакратыя” – Сержука Васільева з Мёраў.

30.03.2015 Кухня TV: У Беларусі створаны розныя ўмовы для дзвюх дзяржаўных моў

Новы выпуск праваабарончага відэапраекту “Кухня TV” прысвечаны праблематыцы роўнасці дзвюх дзяржаўных моў. У абмеркаванні прымаюць ўдзел намеснік старшыні ПЦ “Вясна” Валянцін Стэфановіч, старшыня юрыдычнай камісіі БХК Гары Паганяйла, а таксама мовазнаўца Зміцер Саўка.

30.03.2015 Павал Левінаў: «Чаму за бел-чырвона-белыя сьцягі караюць, а за савецкія — не?»

Віцебскі праваабаронца патрабуе знайсьці і пакараць гандляроў сьцяжкамі СССР.

30.03.2015 Палітвязень Ігар Аліневіч трапіў у атрад да былых пракурораў і судзьдзяў

Палітвязень Ігар Аліневіч, якога трымаюць ў віцебскай калёіі «Віцьба-3», нядаўна быў пераведзены ў іншы атрад, у які раней трапілі некаторыя былыя начальнікі, міліцыянты, пракуроры і судзьдзі.