Праваабарончы цэнтр «ВЯСНА»

Навіны за Кастрычнік 2017

31.10.2017 Рыгор Грык абскарджвае сваё затрыманне перад акцыяй 21 кастрычніка

У Баранавічах актывіст Рыгор Грык накіраваў у пракуратуру скаргу на дзеянні супрацоўнікаў міліцыі, якія затрымлівалі яго 21 кастрычніка, калі ён збіраўся на “Марш абураных беларусаў” у Мінск.

31.10.2017 Алексіевіч, Бяляцкі, Вячорка, Дынько падпісалі Пражскі заклік да дэмакратычных абнаўленняў

Гэта асноватворны дакумент глабальнай кааліцыі інтэлектуалаў, актывістаў і палітыкаў, занепакоеных пашырэннем уплыву аўтарытарных рэжымаў і адначасовым паслабленнем дэмакратычных сістэмаў знутры. Афіцыйная прэзентацыя Кааліцыі адбылася ў кастрычніку ў Празе падчас штогадовай канферэнцыі “Форум 2000”.

31.10.2017 Магілёў: журналістку затрымалі, абклалі пратаколамі і адпусцілі да суда

Затрыманую каля трох гадзін дня 30 кастрычніка ў цэнтры Магілёва журналістку Аліну Скрэбунову адпусцілі з райаддзела міліцыі. На яе склалі тры адміністрацыйныя пратаколы за ўдзел у стварэнні сюжэтаў для тэлеканала БелСАТ.

31.10.2017 Праваабарончая праграма "Вясна" на Беларускім Радыё Рацыя

“Асоба”: Актывіст Рыгор Грык, які быў брутальна затрыманы на баранавіцкім вакзале, калі збіраўся ехаць у Мінск на “Марш абураных беларусаў”.

31.10.2017 Блогера Рамана Пратасевіча чакае суд за фота з акцыі пратэсту

Суд Маскоўскага раёна разгледзіць адміністратыўную справу Рамана Пратасевіча, якога вінавацяць ва ўдзеле ў несанкцыянаваным масавым мерапрыемстве – “Маршы абураных беларусаў-2.0”.

31.10.2017 Паэта і палітыка Някляева чакае суд за “няўдзел у акцыі”

Уладзіміра Някляева абвінавачваюць у «закліку да правядзення масавага мерапрыемства з парушэннем яго арганізацыі і правядзення» па артыкуле 23.34 КаАП.

31.10.2017 Што адказаў суд на скаргу Ганны Бахціной?

Сёння ў 9 гадзін суд Маскоўскага раёна Мінска прыняў рашэнне па апеляцыйнай скарзе адвакаткі Ганны Бахціной, якую Мінюст нядаўна пазбавіў ліцэнзіі.

31.10.2017 Мікалая Статкевіча затрымалі ў чарговы раз і арыштавалі на 5 сутак

Апазыцыйны палітык, лідэр БНК Мікалай Статкевіч затрыманы супрацоўнікамі міліцыі 30 кастрычніка каля 20:30 у Мінску.

30.10.2017 Польскія адвакаты выказалі глыбокую занепакоенасць сітуацыяй з беларускімі калегамі

Камісія па правах чалавека пры Найвышэйшым адвакацкім савеце Польшчы звярнулася да ўладаў Беларусі, выказаўшы занепакоенасць сітуацыяй з беларускімі адвакатамі, у дачыненні да якіх Міністэрства юстыцыі праводзіць пераатэстацыю.

30.10.2017 Барысаў: За патрабаванне адстаўкі Міністра абароны Мацкевіча і Абрамовіча пакаралі штрафамі

Супрацоўнікі барысаўскай міліцыі затрымалі праваабаронцу Алега Мацкевіча, які выйшаў сёння на пікет, каб патрабаваць адстаўкі Міністра абароны РБ Андрэя Раўкова і актывіст Алесь Абрамовіч.

30.10.2017 Справаздача па маніторынгу масавага мерапрыемства «Ланцуг памяці» 29 кастрычніка ў Мінску

29 кастрычніка 2017 года ў Мінску адбылася жалобная акцыя «Ланцуг памяці», прысвечаная памяці расстраляных дзеячоў культуры і навукі 29-30 кастрычніка 1937 года.

30.10.2017 Дзмітрыя Сільчанку аштрафавалі на 1150 рублёў

Дзесяць хвілін спатрэбілася суддзі для прыняцця рашэння па адміністрацыйнай справе ў адносінах да актывіста Дзмітрыя Сільчанкі.

30.10.2017 Праваабаронца Аляксандр Вайцешык аштрафаваны на 920 рублёў

Баранавіцкі праваабаронца прызнаны вінаватым ў абразе і непадпарадкаванні супрацоўнікам міліцыі. Вайцешык атрымаў 30 б.в. за абразу супрацоўніка міліцыі і 10 б.в. за непадпарадкаванне.

30.10.2017 Чатыры суды над журналістамі “Белсата” ў Мінску

Фрылансераў-журналістаў Ганну Аземшу, Вольгу Чайчыц, Аляксандра Баразенку і Андрэя Козела вінавацяць у працы без акрэдытацыі на замежнае СМІ. Пачатак працэсаў а 14:00.

28.10.2017 У Мінску затрыманая ўдзельніца акцыі 8 верасня Грэта Сабалеўская ды іншыя актывісты

Позна вечарам 27 кастрычніка супрацоўнікі сталічнай міліцыі затрымалі Грэту Сабалеўскую, 22-гадовую дзяўчыну, якая запомнілася тым, што пад час акцыі, прымеркаванай да Дня вайсковай славы 8 верасня трымала на Кастрычніцкай плошчы вялізны бел-чырвона-белы сцяг.