Праваабарончы цэнтр «ВЯСНА»

Навіны за Чэрвень 2008

30.06.2008 Суткі і “базавыя” Міхаіла Пашкевіча. І ня толькі яго.

Сёньня ў судзе Кастрычніцкага раёну Менску адбыўся разгляд адміністратыўнае справы намесьніка старшыні арганізацыі “Маладыя дэмакраты” (моладзевае крыло Аб’яднанай грамадзянскай партыі) Міхаіла Пашкевіча, затрыманага на сталічным чыгуначным вакзале ўвечары мінулае суботы.

30.06.2008 Кошт пытання выбараў

Які кошт пытання маюць выбары ў Палату прадстаўнікоў? Ці ёсць у іх інтрыга? На што могуць спадзявацца ўлады і апазіцыя? Пашукаць адказы на гэтыя пытанні наш мінскі аўтар Паўлюк Быкоўскі папрасіў беларускіх аналітыкаў.

30.06.2008 Суд спыніў справу Івана Стасюка

Моладзевы актывіст быў затрыманы за распаўсюд улётак, аднак адміністратыўны пратакол міліцыянты склалі за нецэнзурную лаянку.

30.06.2008 Мазыранін, якога прызываюць у частку Паўлічэнкі, адмовіўся ўзяць позву

17-гадовы мазыранін Фёдар Чаранкоў сёння адмовіўся ўзяць позву на прахаджэнне вайсковай службы. Пра гэта ён распавёў у інтэрв’ю Еўрарадыё. Ф. Чаранкоў: "Я адмовіўся ўзяць позву ў войска наогул, бо маю права на адтэрміноўку, а мне яе не хочуць даваць". Зараз Фёдар чакае размовы з ваенным камісарам горада.

30.06.2008 Апазіцыянер? На зборы! Кандыдат? Зьбяры ў радні дэкларацыі!

Улады распачалі пераследваць дэмакратычных актывістаў, якія заяўляюць пра сваё жаданьне вылучацца кандыдатамі ў дэпутаты на маючых адбыцца выбарах у Палату прадстаўнікоў. Часцей за ўсё гэта здараецца ў рэгіёнах. Так, напрыканцы траўня ў Лельчыцкі райваенкамат выклікалі актывіста і члена камітэта Аб’яднанай грамадзянскай партыі, кандыдата ў дэпутаты парламента ад дэмакратычных сіл Беларусі Мікалая Гаўрыленка. Як паведаміў ваенком, для гутаркі і дзеля ўдакладненьня звестак.

30.06.2008 Аляксандр Мех звольнены з працы за тое, што ён у сьпісе 110-ці кандыдатаў ад АДС

Сябра Партыі БНФ, кіраўнік Кобрынскай арганізацыі Партыі БНФ Аляксандр Мех, які зьяўляецца адзіным кандыдатам у сьпісе АДС, звольнены з працы на АТТ "Белтрансгаз".

30.06.2008 У Берасьці затрыманы Іван Стасюк

Сёньня ў Берасьці адбудзецца суд над моладзевым актывістам Іванам Стасюком. Юнака затрымалі супрацоўнікі міліцыі днём, 29 чэрвеня, пад час распаўсюду друкаванай прадукцыі аб Еўрапейскім Звязе. Стасюка змясьцілі ў ізалятар часовага ўтрыманьня Ленінскага РАУСа, дзе ёе правёў ноч.

30.06.2008 Асуджанаму па “справе 14” пагражае турма

28 чэрвеня міліцыя затрымала Міхала Пашкевіча, раней асуджанага да “хатняй хіміі” па “справе 14”. На яго быў складзены пратакол за нібыта адмістрацыйнае правапарушэньне. Калі суд прызнае яго вінаватым у хуліганстве, ён можа патрапіць у турму. Як паведаміў “Свабодзе” лідар Аб’яднанай грамадзянскай партыі Анатоль Лябедзька, сёньня ўвечары быў затрыманы палітвязень Міхал Пашкевіч, які быў пакараны ўвесну па “справе 14”.

30.06.2008 Студэнты-каліноўцы патрапілі ў сьпіс невыязных

Беларускіх хлопцаў, якія вучацца ў замежных унівэрсытэтах, здымаюць на мяжы і паведамляюць, што ім забаронены выезд за межы Беларусі. Прозьвішчы студэнтаў унесеныя ў так званыя “чорныя сьпісы”. Ваенкаматы такім чынам спрабуюць забраць няўгодных апазыцыянэраў у войска. Моладзевага актывіста партыі БНФ Франака Вячорку памежнікі не прапусьцілі празь беларуска-літоўскую мяжу. Гэта здарылася на памежным пераходзе Каменны Лог. Франаку не назвалі прычыну забароны выезду з тэрыторыі Беларусі.

27.06.2008 Улады распачынаюць жорсткія рэпрэсіі супраць тых, хто адкрыта заявіў пра намер праводзіць маніторынг выбараў у Парламент.

Адразу па 2 артыкулах адміністрацыйнага кодэксу 27 чэрвеня быў пакараны сябар БХК, праваабаронца з Маладэчна, адзін з удзеньнікаў маніторынгу за выбарамі ў Палату прадстаўнікоў Нацыянальнага сходу Рэспублікі Беларусь Эдуард Баланчук. Справа разглядалася у судзе Маскоўскага раёну Менска суддзём Харкевічам.

27.06.2008 Франака Вячорку суд не аднавіў

Суд Маскоўскага раёну адмовіў Франаку Вячорку ў аднаўленьні на вучобе на трэцім курсе факультэта журналістыкі БДУ.

26.06.2008 На заходнiм фронце — без перамен

Як паведамiлi карэспандэнту "Народнай волi" ў прэс-службе Пасольства ЗША ў Беларусi, напрыканцы гэтага месяца ў беларускую сталiцу вяртаецца з адпачынку Часовы Павераны ў справах ЗША ў Мiнску Джонатан Мур.

26.06.2008 Дэмакраты здымуць сваіх кандыдатаў, калі ў камісіі не патрапяць іх людзі

Дэмакратычныя партыі Беларусі пакідаюць за сабой права зняцця сваіх кандыдатаў, у выпадку адмовы ўладаў уключыць прадстаўнікоў апазіцыі ў склад акружных і ўчастковых выбарчых камісій па выбарах дэпутатаў Палаты прадстаўнікоў. Пра гэта 25 чэрвеня на прэс-канферэнцыі ў Мінску заявілі партыйныя лідэры.

26.06.2008 Да юрыста Эмануіла Зэльцэра дапусьцілі амэрыканскага ўрача

Незалежны амерыканскі ўрач дапушчаны да арыштаванага амерыканскага юрыста Эмануіла Зельцэра, які ўтрымліваецца ў следчым ізалятары КДБ Беларусі.

26.06.2008 У Баранавічах “правяраюць” патэнцыйнага кандыдата ў парламент

Не пасьпелі яшчэ як сьлед разагрэцца перадвыбарчыя жарсьці, як ўлады пачынаюць вышчэмліваць усіх, хто заяўляе пра сваё жаданьне вылучацца ў кандыдаты. Свежы прыклад – “наезд” на прадпрымальніка з Баранавічаў Мікалая Чарнавуса. Баранавіцкі актывіст мае намер вылучацца кандыдатам у дэпутаты Палаты Прадстаўнікоў ад АГП.