Праваабарончы цэнтр «ВЯСНА»

Навіны за Кастрычнік 2011

31.10.2011 Рок за правы чалавека: “Канцэрт для Бангладэш”

Выпуск пра першы дабрачынны канцэрту ў гісторыі рок-музыкі - “Канцэрт для Бангладэш”, арганізаваны ў 1971-ым годзе сола-гітарыстам The Beatles Джорджам Харысанам і яго сябрам, вядомейшым індыйскім музыкам Раві Шанкарам. Яны збіралі сродкі на дапамогу пацярпелым ад разбуральнага цыклону “Бхола” і Вайны за незалежнасць Бангладэш.

31.10.2011 “Рок за правы чалавека”: праваабаронцы – пра музыкаў

Праграма пра вядомых рок-актывістаў, якія верылі і вераць ў human rights, скіроўваючы сваё грамадзянскае эга на абарону людзей, якія маюць у гэтым вялікую патрэбу. Праграма пра тое, як з дапамогай музыкаў і іх творчасці вырашаюцца набалелыя праблемы грамадства.

31.10.2011 Бабруйчанам нагадалі пра палітзняволеных (фота)

На выходных у Бабруйску, у розных частках горада з’явіліся ўлёткі з партрэтамі палітзняволеных. Такім чынам неабыякавыя жыхары горада вырашылі нагадаць людзям пра існуючую праблему.

31.10.2011 Аршанцы патрабуюць захавання прыродаахоўных законаў

Жыхары мікрараёна «Задняпроўе-2» пачалі збор подпісаў супраць будаўніцтва аўтастаянкі насупраць дома № 3 па вуліцы Флёрава. Яно было пачата бягучым летам на абрывістым беразе рэчкі Куцеенка.

31.10.2011 Участковыя наведваюць бабруйчан позна вечарам

У бабруйскіх участковых з’явілася новая “мода”, - прыходзіць ці тэлефанаваць асобам, якія іх цікавяць, позна вечарам. Асуджанаму ўлетку за маўклівую акцыю Алесю Сушчэўскаму, напрыклад, супрацоўнік міліцыі патэлефанаваў у пятніцу, каля 23.00 вечара.

31.10.2011 На Малчанава і Нікалаеўскага заведзена крымінальная справа

Былога палітвязня і яго сябра абвінавачваюць у абразе дзяржаўных сімвалаў паводле артыкула 370 Крымінальнага кодэкса РБ. Пад пераслед міліцыі маладыя людзі патрапілі пасля таго, як 26 кастрычніка ў цэнтры Барысава былі залітыя фарбай дзяржаўныя сцягі.

31.10.2011 У Свіслачы ўшанавалі паўстанцаў

Дзень памяці паўстанцаў 1863 году сабраў каля 90 грамадска-палітычных актывістаў з розных рэгіёнаў Беларусі. Увесь час супрацоўнікі сілавых структураў у цывільным здымалі акцыю на відэа, удзельнікаў суправаджаў таксама картэж з некалькіх міліцэйскіх аўтамабіляў.

31.10.2011 Журналіст «Гомельскай праўды» сустрэўся з жорсткай рэальнасцю

Журналіст газеты «Гомельская праўда» трапіў у непрыемную сітуацыю — бойку з хуліганам і на сабе адчуў, як «аператыўна» рэагуе на выклікі мясцовая міліцыя. Разам з тым, на маўклівых акцыях пратэсту міліцыянерам хапала некалькі секунд, каб «пачуць» у натоўпе некалькіх соцень чалавек брудную лаянку, вылічыць яе «аўтара» і затрымаць.

31.10.2011 Панядзелак пачынаецца з судоў (аднаўляецца)

Адміністратыўная справа затрыманага 30 кастрычніка актывіста “Правага Альянсу” Юрася Карэтнікава разгледжаная ў судзе не Першамайскага, а Савецкага раёну Менска. Яго звінавацілі у дробным хуліганстве (арт. 17.1 КаАП РБ) і пакаралі арыштам на 10 сутак. Высветлілася, што разам з Карэтнікавым быў затрыманы і Сяргей Савін. Савіну - 7 сутак. Іх судзіў суддзя Дзмітрый Паўлючэнка.

31.10.2011 Салігорск: Улады пачалі звяртаць увагу на правы людзей з абмежаваным фізічнымі мігчымасцямі

Мясцовыя улады пачалі праяўляць большую актыўнасць у справе забеспячэння правоў асоўбаў з абмежаванымі фізічнымі магчымасцямі. Змены ў стаўленні дзяржавы салігорскія праваабаронцы наўпрост звязваюць з праведзеным імі у 2009 годзе маніторныгам даступнасці аб’ектаў у горадзе.

31.10.2011 Затрыманы Юрась Карэтнікаў

30 кастрычніка праз гадзіну пасьля шэсьця ў Курапаты быў затрыманы Юрась Карэтнікаў, адзін зь лідэраў Правага Альянсу, паведаміла прэс-служба гэтай незарэгістраванай арганізацыі.

31.10.2011 Затрымалі актывіста "Эўрапейскай Беларусі" Міхаіла Ермалюка

29 кастрычніка каля 15 гадзін быў затрыманы за акцыю салідарнасьці ў мэтро актывіст "Эўрапейскай Беларусі" Міхаіл Ермалюк, паведамляе сайт грамадзянскай кампаніі.

30.10.2011 ДАІ і сацыяльныя сеткі абвяргаюць адзін аднаго

Не цішэюць спрэчкі адносна гібелі ў аўтааварыі вядомага аршанскага музыкі Сяргея Голікава. У пачатку кастрычніка 32-гадовы Сяргей патрапіў пад колы аўтамабіля на пешаходным пераходзе па праспекце Фрунзэ ў Віцебску. Ад атрыманых траўмаў ён праз тыдзень памёр у бальніцы.

29.10.2011 Праваабаронцы і палітыкі абмеркавалі рэпрэсіўныя папраўкі ў заканадаўства

27 кастрычніка лідэры арганізацыяў дэмакратычнай апазыцыі абмеркавалі з прадстаўнікамі праваабарончай супольнасьці зьмест апошніх рэпрэсыўных паправак да заканадаўства. Прадметам размовы сталі зьмены ў заканадаўства пра масавыя акцыі, у заканадаўства аб замежнай дапамозе, адказнасьць за яго парушэньне, а таксама зьмены, што былі прапанаваныя ў заканадаўства аб органах дзяржаўнай бясьпекі.

29.10.2011 Адвакат сустрэлася з Аляксандрам Малчанавым

Як распавяла адвакат Альвіна Дрыга, Аляксандр знаходзіцца ў добрай фізічнай форме, з яго слоў, ніякага ціску на яго не аказваецца. Асуджаны на дзесяць сутак, Малчанаў з дапамогай адваката мае намер абскардзіць пастанову суда аб адміністрацыйным арышце.