Праваабарончы цэнтр «ВЯСНА»

Навіны за Сьнежань 2010

31.12.2010 Узбуджана яшчэ адна крымінальная справа

Па звестках праваабаронцаў, па падзеях 19 снежня ўзбуджана яшчэ адна крымінальная справа - за знявагу дзяржаўных сімвалаў. Зараз актыўна шукаюцца фота і відэдоказы, на якіх зафіксаваны тыя, хто падчас шэсця па праспекце Незалежнасці замяніў на будынку КДБ дзяржаўны сцяг на бел-чырвона-белы.

31.12.2010 Грамадзянін Расіі звярнуўся ў пракуратуру

Бурмістраў Аляксандр, які быў арыштаваны на 15 сутак адміністрацыйнага арышту за ўдзел у несанкцыянаваным масавым мерапрыемстве 19 снежня, быў вызвалены датэрмінова па патрабаванню Расійскай федэрацыі. Пры атрыманні рэчаў у Жодзінскім ІЧУ высветлілася, што ў яго не хапае 3.000 расійскіх рублёў, што эквівалентна 100 $.

31.12.2010 Праведзены ператрус у Юлі Дарашкевіч. Яе мужа забралі ў КДБ

Сёння а 8 раніцы супрацоўнікі КДБ прыйшлі да фотажурналісткі Юлі Дарашкевіч і правялі на кватэры ператрус у межах узбуджанай па падзях 19 снежня крымінальнай справы. Канфіскаваныя носьбіты інфармацыі. Яе мужа Паўла Юхневіча, актывіста "Еўрапейскай Беларусі" супрацоўнікі па папярэдняй інфармацыі даставілі ў КДБ г. Мінска па вул. Казлова на допыт.

30.12.2010 На кватэры Андрэя Кіма прайшоў ператрус

Праведзены ператрус на кватэры моладзевага актывіста Андрэя Кіма. Супрацоўнікі КДБ і міліцыі цягам гадзіны канфіскоўвалі ў яго цвёрды дыск кампутара, а таксама шэраг носьбітаў інфармацыі – флэшкі, кампакт-дыскі.

30.12.2010 У журналісткі «Белсата» Кацярыны Ткачэнкі правялі ператрус

Невядомыя асобы ў 20.30 сталі ламіцца ў кватэру журналісткі Кацярыны Ткачэнкі. Пра гэта ГА "БАЖ" паведаміў прадстаўнік тэлеканала "Белсат" у Беларусі Міхась Янчук.

30.12.2010 У Дзмітрыева трэці вобшук. Цяпер на дачы бацькоў

Як стала вядома «Нашай Ніве», супрацоўнікі КДБ правялі сёння чарговы вобшук у сваякоў Андрэя Дзмітрыева. Першы быў на кватэры палітыка, другі — на кватэры ягонай мамы. Цяпер прыйшла чарга дачы.

30.12.2010 Антона Давыдзенку знайшлі на Акрэсціна

Сёння стала вядома месцазнаходжанне Антона Давыдзенкі - пасля адбыцця 10-суткавага арышту ён змешчаны ў ІЧУ на Акрэсціна на трое сутак як падазраваны па арт. 293 КК РБ.

30.12.2010 Генпракуратура адказала пісьменьнікам

Ліст з пракуратуры на запыт адносна Ўладзімера Някляева, які быў накіраваны 27 снежня, атрымаў Сяргей Законьнікаў.

30.12.2010 Пасольства Расіі высвятляе акалічнасці паўторнага затрымання расіян

Двое грамадзян Расіі затрыманыя паводле падазрэньні ў рамках расьсьледаваньня крымінальнай справы аб масавых беспарадках у Менску 19-20 сьнежня, паведаміла агенцтву "Інтэрфакс" начальнік упраўленьня інфармацыі і грамадзкіх сувязяў МУС Беларусі Сьвятлана Бароўская.

30.12.2010 Выбары ў Слуцку: Рэгіянальны зрэз

Большасць праўрадавых назіральнікаў, акрэдытаваных Слуцкай раённай выбарчай камісіяй, ігнаравалі сустрэчы з кандыдатамі, таксама, як і паседжанні раённай выбарчай камісіі.

30.12.2010 Выбары на Гарадзеншчыне: Рэгіянальны зрэз

Прэзідэнцкую кампанію можна падзяліць на дзве часткі: ліберальны рэжым і перыяд рэпрэсій і жорсткай “зачысткі” ўдзельнікаў выбарчага працэсу з дэмакратычнага боку (пачаўся ў апошні тыдзень кампаніі і працягваецца пасля дня выбараў 19 снежня).

30.12.2010 Таццяна Шамбалава 10 дзён трымала галадоўку

Давераная асоба Віталя Рымашэўская Таццяна Шамбалава 10 дзён трымала галадоўку пратэсту ў ізалятары часовага утрымання Мінскага раёна.

30.12.2010 Родныя вязьняў "амэрыканкі" аб'ядналіся

Сваякі арыштаваных пра крымінальнай справе аб падзеях 19 сьнежня ў Менску стварылі грамадзкі камітэт "Вызваленьне".

30.12.2010 КДБ працягвае ператрусы

У падпалкоўніка КДБ у адстаўцы Валерыя Косткі, які жыве ў Смалявічах, супрацоўнікі КДБ пачалі ператрус. Яны паказалі паперу, што ператрус праводзіцца па справе аб масавых беспарадках. Пра гэта паведаміла «Свабодзе» жонка спадара Косткі. Яна сказала, што Костка ня ўдзельнічаў у акцыі 19 сьнежня і быў дома.