Праваабарончы цэнтр «ВЯСНА»

Навіны за Сакавік 2012

30.03.2012 Сумесная заява FIDH і Праваабарончага цэнтра “Вясна” па сітуацыі з Сяргеем Каваленкам

Міжнародная Федэрацыя за правы чалавека (FIDH) і яе сяброўская арганізацыя ў Беларусі Праваабарончы цэнтр "Вясна" заклікаюць улады Беларусі неадкладна спыніць палітычны пераслед Сяргея Каваленкі і забяспечыць яму належную медыцынскую дапамогу.

30.03.2012 У адказ на патрабаванне вызвалення палітвязняў парламентары толькі “ківаюць” на ЕС

Адказ старшыні камісіі па міжнародных справах і сувязях з СНД спадара Бусько на зварот 600 магілёўцаў, якія патрабавалі спыніць канфрантацыю з Еўрасаюзам праз вызваленне палітвязняў, - усяго толькі адпіска.

30.03.2012 Быхаўчаніну адмовілі ва ўзбуджэнні крымінальнай справы супраць участковага

Следчы следчага камітэта па Быхаўскім раёне адмовіўся караць міліцыянта Віталя Вашчылу за падробку запісу “З маіх словаў запісана дакладна, зачытана ўслых” і подпісу пад пратаколам ад імя жыхара вёскі Дабужа Быхаўскага раёна Магілёўскай вобласці Аляксандра Шачанка.

30.03.2012 Санэпідэмстанцыя прызнала парушэнні санітарна-бытавых умоваў працы з боку “Прамжылбуду”

ААТ “Прамжылбуд” атрымала прадпісанне Магілёўскай санэпідэмстанцыі за шматлікія парушэнні санітарна-бытавых умоваў працы на аб’ектах. Ці дапаможа гэта Аляксею Паўлоўскаму, які судзіцца з кіраўніцтвам арганізацыі, якое за актыўную абарону правоў працоўных не працягнула з ім працоўны кантракт?

30.03.2012 Валерыя Шчукіна аштрафавалі на 34 базавыя велічыні

Па артыкуле 17.1 КаАП РБ (“Дробнае хуліганства”) Валерый Шчукін аштрафаваны на 4 базавыя велічыні (140 тысячаў рублёў), а па вртыкуле 23.4 (“Непадпарадкаваньне законным патрабаваньням службовай асобы пры выкананьні ім службовых паўнамоцтваў”) – на 30 базавых велічыняў (1 мільён 50 тысячаў рублёў).

30.03.2012 У Бялыніцкім раёне ўлады на звароты грамадзян папросту не рэагуюць

Вось ужо паўтары гады, як былая гаспадарка Нацыянальнага банка Рэспублікі Беларусь ААТ “Новая Друць” не аддае кампенсацыю за забраны зямельны надзел жыхару аграгарадка Вялікая Машчаніца Барысу Вырвічу. Мясцовыя органы выканаўчай улады прызнаюць, што вясковец мае рацыю, аднак пытанне вырашыць не могуць. Ці не жадаюць?

30.03.2012 Затрыманыя палітыкі будуць дамагацца кампенсацыі

Анатоль Лябедзька, Сяргей Калякін і Аляксандр Атрошчанкаў будуць дамагацца ад міліцыянтаў кампенсацыі за незаконнае зняццё з цягніка ў Оршы. Страты палітыкаў у сувязі з затрыманнем склалі каля 21 мільёнаў беларускіх рублёў.

30.03.2012 Умовы ўтрыманьня на Акрэсціна па-ранейшаму кепскія

Алена Дубовік, затрыманая 24 сакавіка падчас канцэрту ў ДК МТЗ і асуджаная да 3 сутак арышту, напісала скаргу ў пракуратуру на незаконныя дзеянні супрацоўнікаў міліцыі пры затрыманні і кепскія ўмовы ўтрыманьня ў Цэнтры ізаляцыі правапарушальнікаў на Акрэсціна.

30.03.2012 Салігорскія ідэолагі будуць умацоўваць дысцыпліну

На адмысловым паседжанні райвыканкама салігорскія ідэолагі абмеркавалі выкананне патрабаванняў Дырэктывы Прэзідэнта №1 “Аб мерах па ўмацаванні грамадскай бяспекі і дысцыпліны". Вырашаць дысцыплінарныя праблемы на прадпрыемствах будуць савецкім шляхам - караць невінаватых.

30.03.2012 Хлопца босым адвезлі ў міліцыю, каб зняць адбіткі пальцаў

Пратакола затрымання на хлопца чамусьці не складалі. Адразу ж адпусцілі, як ён напісаў тлумачэнні. Пасля Мазанік звярнуўся з заявай і паехаў здымаць пабоі. Тое ж пасля бальнічнага зробіць і супрацоўнік міліцыі. Так што справа, хутчэй за ўсё, будзе мець працяг.

30.03.2012 “ПАЛІТЫЧНЫЯ”: кропкі над “і”

Актывісты каардынацыйнай групы “За волю” цягам апошніх месяцаў выказваюць прэтэнзіі да праваабарончых арганізацый наконт адзінага спісу палітвязняў і абвінавачваюць праваабаронцаў у тым, што яны адмовіліся ад трох “спрэчных кандыдатаў на палітвязняў” - Аляксандра Крутога, Юрыя Чыгілейчыка і Аляксандра Малчанава. Каб артыкуляваць усе важныя акцэнты ў справе прызнання-непрызнання “палітычных”, намеснік кіраўніка “Вясны” Валянцін СТЭФАНОВІЧ прадстаўляе праваабарончы ракурс праблемы.

29.03.2012 Таемны суд над Лябедзькам, Калякіным, Атрошчанкавым - штрафы па 10 б.в.

Лябедзька, Калякін і Атрошчанкаў аштрафаваныя на 10 базавых велічыняў (350 тысяч рублёў) кожны і вызваленыя. Іх прызналі вінаватымі ў парушэньні артыкулу 17.1 КаАП "Дробнае хуліганства". Пашпарты ім не вярнулі

29.03.2012 Магілёўскія суды не прызнаюць дыскрымінацыі па ўзросту пры працаўладкаванні

Падчас падрыхтоўкі да судовага разбіральніцтва стала вядома, што яшчэ ў 2009 годзе Канстытуцыйны суд Беларусі ўнёс папраўкі, якія забараняюць дыскрымінацыю па ўзросту, полу і месцу жыхарству. У закон “Аб занятасці” гэтыя папраўкі былі ўнесены, а вось у Працоўны кодэкс іх не ўнеслі дагэтуль.

29.03.2012 Дыскрымінацыя па моўным прынцыпе ў дзеянні (фота)

У Бялыніцкім раёне пры правядзенні раённых алімпіяд па сусветнай гісторыі вучні школ з беларускай мовай навучання вымушаны былі выконваць заданні і даваць адказы на рускай мове. Беларускамоўных варыянтаў заданняў па гісторыі “сеяльнікі разумнага, добрага, вечнага” з Бялыніцкага РАНА нават не падрыхтавалі.

29.03.2012 Дырэктар гандлёвага цэнтру западозрыў прадпрымальніцу ў арганізацыі палітычнага страйку

Магілёўская прадпрымальніца Людміла Крыловіч прасіла прыцягнуць да адказнасці дырэктара ГЦ “Прэстан” спадара Пашурына, які паведаміў у КДБ што яна рыхтуе палітычны страйк. Пасля гэтага выпадку да Людмілы патэлефанаваў чэкіст, які назваўся Андрэем Іванавічам і прапанаваў сустрэцца.