Праваабарончы цэнтр «ВЯСНА»

Навіны за Люты 2012

29.02.2012 Псіхіятрычная экспертыза як сродак уздзеяння (відэа)

За спробу абараніць свае правы на прадпрыемстве адміністрацыя звярнулася ў "псіхдыспансар" з просьбай правесці рабочаму псіхалагічную экспертызу...

29.02.2012 Агульнанацыянальная дыктоўка працягваецца (відэа)

Першы этап агульнанацыянальнай дыктоўкі быў прымеркаваны да 21 лютага - Міжнароднага дня роднай мовы. Наступныя этапы напісання адбудуцца 15 сакавіка ў 17.30 (2-і этап) і 23 сакавіка ў 19.30 (3-і этап, прысвечаны ўгодкам БНР) ў сядзібе Таварыства Беларускай Мовы ў Менску па адрасе вул. Румянцава. Кожны можа напісаць яе сам ці са сваімі блізкімі ды сябрамі нават дыстанцыйна праз інтэрнэт.

29.02.2012 Міліцыя пераследуе з-за фотаздымкаў у Інтэрнэце

Як стала вядома праваабаронцам, салігорскага актывіста Маладога Фронту Андрэя Тычыну выклікаюць у міліцыю ў сувязі са з’яўленнем у горадзе ўлётак супраць смяротнага пакарання. Варта адзначыць, што пра распаўсюд друкаваных матэрыялаў самі міліцыянты даведаліся праз сеціва.

29.02.2012 У Змітра Бандарэнкі пагоршыўся стан здароўя

Жонка палітзняволенага каардынатара “Еўрапейскай Беларусі” Змітра Бандарэнкі атрымала ад мужа ліст, з якога вынікае, што ў палітыка зноў абвастрыліся хваробы.

29.02.2012 Міліцэйскі чыноўнік з Магілёва лічыць, што закон у Беларусі гуманізуецца

У інтэрвью газеце “Веснік Магілёва” за 29 лютага ў артыкуле “Правосознание нужно воспитывать” намеснік начальніка УУС і адначасова начальнік міліцыі грамадскай бяспекі Сяргей Іваноў адзначыў, што змены заканадаўства ў Беларусі накіраваны ў бок гуманізацыі.

29.02.2012 Судовае рашэньне ў дачыненьні Валянціна Стэфановіча прыводзяць у выкананьне

Намесьнік старшыні Праваабарончага цэнтру “Вясна” Валянцін Стэфановіч атрымаў дзьве пастановы аб узбуджэньні выканаўчай вытворчасьці на падставе рашэньня суду Партызанскага раёну аб спагнаньні з праваабаронцы падаходнага падатку, пені і дзяржаўнай мыты.

29.02.2012 Барысаў: Пракуратура аднавіла крымінальную справу аб знявазе дзяржаўнага сцяга

Крымінальная справа ў дачыненні да Аляксандра Малчанава і Андрэя Мікалаеўскага, якія падазраюцца ў абразе дзяржаўнага сцягу, што мела месца ў кастрычніку 2011 года ў цэнтры Барысава, была спынена ў пачатку лютага гэтага года з-за недахопу доказаў.

29.02.2012 Сяргея Каваленку перавезлі ў турэмны шпіталь пры мінскай калоніі №1

Пра гэта стала вядома 29 лютага, калі Сяргея Каваленку паспрабаваў наведаць у віцебскім СІЗА бацька, Аляксандр Каваленка.

29.02.2012 Стэфановіч: гэта сур’ёзная параза беларускай дыпляматыі

Намесьнік старшыні праваабарончага цэнтру «Вясна» Валянцін Стэфановіч заявіў, што ўсю адказнасьць за дыпляматычны крызіс і за ізаляцыю Беларусі нясе афіцыйны Менск і непасрэдна Аляксандар Лукашэнка.

29.02.2012 Раёнкі Магілёўшчыны змясцілі артыкулы з нападкамі на пратэстантаў

Адразу некалькі раённых газет Магілёўскай вобласці ў сваіх апошніх нумарах змясцілі артыкулы, накіраваныя супраць неназваных “антыхрысціянскіх сектаў”. Артыкулы ўтрымліваюць прыкладна аднолькавы тэкст, але ідуць ў розных раённых газетах пад рознымі назвамі, кожны раз падпісаныя іншымі людзьмі.

29.02.2012 У Слоніме -- акцыя ў падтрымку палітвязняў (фота)

Дзесяткі ўлётак з партрэтамі зняволеных і з заклікам “Свабоду палітвязням!” былі расклеены ў цэнтры Слоніма на дамах, інфармацыйных дошках, уваходах у крамы і на будынках дзяржаўных устаноў. Інфармацыйная кампанія з патрабаваннем свабоды палітвязням будзе працягвацца да таго часу, пакуль іх усіх не выпусцяць на волю.

29.02.2012 Кіраўнік прадстаўніцтва ЕС пакінула Беларусь

Кіраўнік прадстаўніцтва Еўрасаюза Майра Мора пакінула Беларусь, паведамілі БелаПАН у прадстаўніцтве ЕС. Раней Мінск пакінуў пасол Польшчы Лешак Шарэпка. Нагадаем, менавіта гэтым двум дыпламатам беларускія ўлады 28 лютага рэкамендавалі "выехаць у свае сталіцы для кансультацый, каб давесці свайму кіраўніцтву цвёрдую пазіцыю беларускага боку аб непрымальнасці націску і санкцый".

29.02.2012 Да салігорскіх дэпутатаў звернуцца па праблеме забароны пікетаў

Дэпутаты павінны заняцца праблемай забароны масавых мерапрыемстваў у горадзе. Так лічыць мясцовы актывіст Уладзімір Шыла, чарговых пяць заяваў на правядзенне масавых мерапрыемстваў якога зноў не ўхваліў Салігорскі выканкам.

29.02.2012 Муляр Аляксей Паўлоўскі не можа працаўладкавацца

У той час, як будаўнічая галіна краіны адчувае недахоп кваліфікаваных спецыялістаў, прафсаюзны актывіст не можа ўладкавацца на працу. Пры гэтым Аляксей мае пяты разрад муляра. “Пасля свайго звальнення я адразу стаў на ўлік у Магілёўскі градаскі цэнтр занятасці насельніцтва. Мне была прызначана дапамога па беспрацоўю ў памеры 35 тысяч рублёў у месяц".