Праваабарончы цэнтр «ВЯСНА»

Навіны за Сакавік 2011

31.03.2011 International Herald Tribune: "Савецкае водгульле" ў Беларусі

Такую мэтафару – "савецкае водгульле" – выкарыстоўвае сёньняшняе выданьне International Herald Tribune адносна таго, што адбываецца ў Беларусі пасьля 19 сьнежня 2010.

31.03.2011 Гродна: новыя праблемы ў правабаронцы Святланы Рудкоўскай

Праваабаронца лічыць, што яе пераследуюць за актыўны ўдзел у апошніх выбарчых кампаніях, калі яна была незалежнай назіральніцай і склала шэраг скаргаў на парушэнні выбарчага заканадаўства.

31.03.2011 На дактыласкапію - праз адмінрэсурс

Апошнім часам многія працаўнікі салігорскіх прадпрыемстваў пачалі атрымліваць накіраванні Салігорскага РАУС на праходжанне абавязковай дзяржаўнай дактыласкапічнай рэгістрацыі. Накіраванні выдаюць на працоўным месцы адказныя за ідэалагічную працу.

31.03.2011 За пародыю ў сацыяльнай сетцы – крымінальная справа?

Жыхар горада Ліда Яўген Куцко з блогера і пачынаючага пісьменніка раптоўна ператварыўся ў падазраванага па крымінальнай справе.

31.03.2011 КДБ супраць сустрэчы ліквідатараў-чарнобыльцаў у Калінкавічах

Ліквідатар-чарнобылец, інвалід другой групы Васіль Сіліверст намагаўся правесці ў Калінкавічах сход ліквідатараў, прымеркаваны да 25-годдзя аварыі на ЧАЭС. Супрацоўнікі Мазырскага аддзелу КДБ пачалі аказваць ціск на аднаго з заяўнікоў мерапрыемства - інваліда-ліквідатара з Калінкавічаў Васіля Гайчука.

31.03.2011 КДБ спрабуе вэрбаваць ЛГБТ-актывістаў

КДБ чыніць ціск на актывістаў міжнароднага грамадзкага аб’яднаньня IDAHO Belarus Варвару Красуцкую і Рамана Навоева.

31.03.2011 Беларускія ўлады раскрытыкавалі рашэнне ЗША аб увядзенні санкцый у дачыненні да ВА "Беларуснафта"

"Беларускі бок лічыць дадзенае рашэнне дзярждэпартамента ЗША неправамерным. Аднабаковыя санкцыйныя дзеянні з'яўляюцца контрпрадуктыўнымі і наносяць шкоду развіццю двухбаковых адносін", - заявіў начальнік упраўлення інфармацыі - прэс-сакратар МЗС Беларусі Андрэй Савіных.

31.03.2011 Чаргінец прапанаваў забараніць апазіцыянерам выезд з Беларусі

Чаргінец накіраваў зварот да прадстаўнікоў еўрапейскай садружнасці і еўрапейскай грамадскасці з пратэстам супраць прыняцця спісаў, якія забараняюць уезд у ЕС асобным грамадзянам Беларусі.

31.03.2011 Як палююць на “Вясну” (відэа)

Сябрам праваабарончага цэнтру не ўпершыню даводзіцца чуць ад грамадскіх актывістаў, што праваахоўныя органы і спецслужбы цікавяцца дзейнасцю “Вясны”. Пра чарговы такі выпадак праваабаронцы даведаліся з відэа, размешчанага на рэсурсе YouTube.

31.03.2011 Філарэт не прыняў Т.Севярынец, але паведаміў, да каго звярнуцца

Філарэт праз свайго сакратара параіў Таццяне Севярынец звярнуцца да епіскапа Веніяміна ў манастыры ў Мінскім раёне. Як вядома, жанчына ўжо больш месяца вядзе барацьбу за тое, каб яе сына ў следчым ізалятары КДБ наведаў святар.

31.03.2011 Мікіта Ліхавід абвясціў галадоўку пратэсту супраць прысуду

Пра галадоўку Мікіта Ліхавід паведаміў сваёй маці Алене Ліхавід падчас спаткання, якое адбылося раніцай 31 сакавіка ў менскім ізалятары на вуліцы Валадарскага.

31.03.2011 Зміцер Салаўёў працягвае дамагацца зняцця з уліку КДБ

Лідэр Магілёўскай абласной арганізацыі БНФ “Адраджэньне” Зміцер Салаўёў падаў касацыйную скаргу на рашэнне суда Ленінскага раёна г.Магілёва па скарзе на дзеянні УКДБ па Магілёўскай вобласці.

31.03.2011 Новы абвінавачваны ў масавых беспарадках – Яўген Сакрэт

У справе абвінавачваных па крымінальнай справе аб масавых беспарадках кропку ставіць рана. Сёньня праваабаронцам стала вядома пра новага фігуранта “Плошчы-2010”. Гэта Сакрэт Яўген.

31.03.2011 Раман Кісляк паскардзіўся на ўжыванне супраць яго сілы

Брэсцкі праваабаронца Раман Кісляк накіраваў скаргу пракурору Ленінскага раёна Брэста на прымяненне супраць яго фізічнай сілы ў дзяжурнай часці Ленінскага РАУС 28 сакавіка.

30.03.2011 Шэрагу ўдзельнікаў акцыі пратэсту ў Менску перапрад’яўленыя абвінавачваньні

Сьледчае упраўленьне папярэдняга расследаваньня ГУУС Мінгарвыканкама сёньня перапрад’явіла абвінавачваньні фігурантам крымінальнай справы аб масавых беспарадках Уладзіміру Някляеву, Аляксандру Фядуту, Сяргею Вазняку, Андрэю Дзмітрыеву, Віталю Рымашэўскаму і Насце Палажанцы.