Праваабарончы цэнтр «ВЯСНА»

Навіны за Сьнежань 2016

30.12.2016 Няхай Новы год будзе добрым і без усялякага страху!

Шаноўныя сябры, калегі і аднадумцы, віншуем усіх з Новым годам і Калядамі!

30.12.2016 Пікет праводзіўся ў рамках выбарчага заканадаўства, а не Закона «Аб масавых мерапрыемствах»

29 снежня ў судзе горада Баранавічы і Баранавіцкага раёна распачаўся паўторны разгляд адміністратыўнай справы грамадскага актывіста Рыгора Грыка. Справу разглядае іншы суддзя, Ліцьвінчык, адпаведна рашэння Брэсцкага абласнога суда.

30.12.2016 Гінуць школьнікі, судзяць настаўніц, сістэма – працуе

Да праваабаронцаў “Вясны” працягваюць паступаць дакументальныя сведчанні арганізацыі чыноўнікамі прымусовай працы ў рэгіёнах. На гэты раз дасланыя дакументы наўпрост раскрываюць механізм прыцягнення школьнікаў, працоўных і служачых у Маладзечанскім раёне, дзе нядаўна пад коламі грузавіка на бульбяным полі загінула 13-гадовая вучаніца.

30.12.2016 Дзмітрый Серада: Выснова пра адсутнасць падстаў для ўзбуджэння крымінальнай справы зроблены незаконна

Яшчэ адну скаргу начальніку ўпраўлення Следчага камітэта на пастанову аб адмове ва ўзбуджэнні крымінальнай справы накіраваў урач-педыятр з Мінска Дзмітрый Серада, якога жорстка затрымалі і збілі ў яго кватэры супрацоўнікі міліцыі 4 жніўня гэтага года.

29.12.2016 Еўразвяз асудзіў чарговы смяротны прысуд у Беларусі

Еўрасаюз зноў заклікаў беларускія ўлады далучыцца да глабальнага мараторыю на прымяненне смяротнай кары ў якасці першага кроку да яе адмены. Пра гэта паведамляе інфармацыйны партал tut.by. Так у Брусэлі адрэагавалі на смяротны прысуд, вынесены ў Гомелі.

29.12.2016 Зміцера Захарэвіча за акцыю спяшаюцца асудзіць сёлета

Свіслацкі РАУС накіраваў адразу 3 супрацоўнікаў міліцыі, каб уручыць позву музыканту і паэту з Мінску Зміцеру Захарэвічу, які 30 кастрычніка браў удзел у Свіслацкім фэсце памяці паўстанцаў 1863 года.

29.12.2016 Юрася Губарэвіча апраўдалі за чытанне вершаў каля помніка Багдановічу

Суд Цэнтральнага раёна Мінска 28 снежня вызваліў старшыню руху "За Свабоду" Юрася Губарэвіча ад адміністратыўнай адказнасці за чытанне вершаў Максіма Багдановіча.

28.12.2016 Уладзімір Кондрусь: Умовы “хатняй хіміі” выконваць не збіраюся

Уладзімір Кондрусь, які 26 снежня быў вызвалены ў зале суда, распавёў сайту palitviazni.info пра падзеі 2010 году, “псіхіятрычную экспертызу” і беларускую апазіцыю.

28.12.2016 Жыхар Мазыра прыгавораны да смяротнага пакарання

Чарговы смяротны прысуд вынесены ў Беларусі. 39-гадовы жыхар Мазыра Кірыл Казачак прызнаны вінаватым у забойстве ўласных дзяцей і прыгавораны да вышэйшай меры пакарання, паведамляе БелаПАН.

27.12.2016 Мінгарсуд пакінуў у сіле прысуд Зміцеру Паліенку

27 снежня Мінскі гарадскі суд разгледзеў справу па апеляцыйнай скарзе ўдзельніка велапрабегу “Крытычная маса” Зміцера Паліенкі, асуджанага на два гады пазбаўлення волі з адтэрміноўкай. Прысуд актывісту ўступіў у законную сілу.

27.12.2016 Праваабарончая праграма “Вясна” на Беларускім Радыё Рацыя

Пра тое, якім быў 2016 год для праваабаронцаў Беларусі, распавядае старшыня Праваабрончага цэнтру “Вясна”, былы віцэ-прэзідэнт Міжнароднай федэрацыі за правы чалавека Алесь Бяляцкі.

26.12.2016 Уладзіміра Кондруся асудзілі да 1,5 года абмежавання волі і прымусовага лячэння

26 снежня ў судзе Маскоўскага раёна працягваецца разгляд крымінальнай справы супраць удзельніка Плошчы-2010 Уладзіміра Кондруся. Пракурор запрасіла пакаранне ў выглядзе трох гадоў абмежавання волі без накіравання ва ўстанову адкрытага тыпу з абавязковым амбулаторным лячэннем па месцы знаходжання.

22.12.2016 “Марафон лістоў” адправіўся па адрасатах

Валанцёрская служба «Вясны» далучылася да кампанii «Amnesty International» у падтрымку герояў «Марафона лістоў», а таксама беларускіх і расейскіх палітвязняў.

22.12.2016 Валянцін Стэфановіч: “Прымусовая праца ў Беларусі носіць сістэмны і сістэматычны характар”

Праваабаронца Валянцін Стэфановіч зноў звярнуўся ў пракуратуру Мінскай вобласці па факце прымусовай працы працоўных.

22.12.2016 Міхаіла Жамчужнага змясцілі ў ПКТ за абскарджванне спагнанняў

Праваабаронцам “Вясны” сталі вядомыя прычыны пераводу палітвязня Міхаіла Жамчужнага, які адбывае пакаранне ў папраўчай калоніі №14 ў Навасадах, у памяшканне камернага тыпу.