Праваабарончы цэнтр «ВЯСНА»

Навіны за Чэрвень 2015

30.06.2015 У Гомельскай вобласці каля 350 чалавек плануюць увайсці ў ініцыятыўную групу Сяргея Калякіна

У Гомельскай вобласці сябры партыі левых «Справядлівы свет» маюць намер увайсці ў склад ініцыятыўнай групы па вылучэнні кандыдатам у прэзідэнты Сяргея Калякіна і збіраць у яго падтрымку подпісы.

30.06.2015 Толькі праз чатыры гады Гомельскі хімзавод прызнаў, што былы рабочы атрымаў вытворчую траўму

Больш за чатыры гады спатрэбілася былому рабочаму ААТ «Гомельскі хімзавод» Аляксандру Клімаву, каб дабіцца ад прадпрыемства складання акта формы Н-1 -- «Акта аб няшчасным выпадку на вытворчасці».

30.06.2015 Брэст: адзіны ў горадзе беларускамоўны клас можа знікнуць

У гэтым класе, створаным у 2011 годзе намаганнямі неабыякавых бацькоў, навучаліся пяць дзетак, якія сёлета скончылі пачатковую школу ў мікрараёне Усход, дзе ўсе прадметы па-беларуску выкладала адна настаўніца. Аднак з пятага класа вучні пачынаюць вывучаць профільныя прадметы.

30.06.2015 Меркаванне Паўла Сапелкі: “Юрыдычныя механізмы для вызвалення Статкевіча ёсць”

Палітвязень Мікалай Статкевіч не можа быць вызвалены па амністыі, аднак і сцвержанне аб тым, што Статкевіч павінен напісаць прашэнне, каб Лукашэнка мог яго вызваліць – неправільнае.

30.06.2015 Мікалай Аўтуховіч выйграў адміністрацыйную справу

Сьледчыя Ўпраўленьня фінансавых расьсьледаваньняў па Ваўкавыскім раёне склалі на Аўтуховіча пратакол, паводле якога ён незаконна набыў валюту ў пасажыра таксі. У пратаколе былі запісаныя паказаньні двух сьведак.

30.06.2015 Пераслед незалежных журналістаў – 108 180 000 у бюджэт краіны

Ад пачатку 2015 года на незалежных журналістаў быў складзены 21 пратакол аб адміністрацыйным правапарушэнні па ч. 2 арт. 22.9 КаАП – “Незаконны выраб і (або) распаўсюд прадукцыі сродкаў масавай інфармацыі”.

30.06.2015 Палата прадстаўнікоў Беларусі назначыла прэзідэнцкія выбары на 11 кастрычніка 2015 года

Выбары Прэзідэнта Беларусі пройдуць 11 кастрычніка 2015 года. Такое рашэнне 30 чэрвеня прынята на пасяджэнні Палаты прадстаўнікоў Нацыянальнага сходу Беларусі.

30.06.2015 У Бабруйску чыноўнікі занепакоіліся праблемай безбар'ернага асяроддзя

На апошняй сесіі гарсавету бабруйскія дэпутаты і чыноўнікі абмеркавалі праблему безбар'ернага асяроддзя. Яны вымушаны былі прызнаць, што сітуацыя далёкая ад ідэальнай.

30.06.2015 Праваабарончая праграма “Вясна” на Беларускім Радыё Рацыя

"Каментар эксперта": Прадстаўніца групы грамадзянаў, якія напісалі "пасланне беларускага народа прэзідэнту і парламенту", Людміла Кучура патлумачыла чаму ўлады ідуць у ігнор; "Асоба": валанцёр Алег Жлутка, удзельнік Праваабарончай гуманітарнай місіі ва Украіне, распавёў пра працу беларусаў у арганізацыі "Станцыя Харкаў".

30.06.2015 Салігорск: выканкамаўскае рашэнне, якое абмяжоўвае свабоду мірных сходаў, не адменена

Прэзідыум Салігорскага раённага Савета дэпутатаў не задаволіў патрабаванне мясцовага прадстаўніка Беларускага Хельсінскага Камітэту Леаніда Мархоткі аб адмене неправавога выканкамаўскага рашэння “Аб вызначэнні месцаў правядзення масавых мерапрыемстваў”.

30.06.2015 Крычаў: чарговая карупцыйная справа

На судовым працэсе па разгляду крымінальнай справы былога генеральнага дырэктара “Крычаўцэменташыфера” Леаніда Скоцкага пракурор Крычаўскага раёна Уладзімір Трывайла запатрабаваў яго пакарання 12 гадамі пазбаўлення волі з канфіскацыяй маёмасці.

30.06.2015 Магілёўская валанцёрка на “Станцыі Харкаў": "Альбо рабі, альбо маўчы"

Валанцёрка з Магілёва, якая брала ўдзел у “Праваабарончай гуманітарнай місіі ва Украіне”, падзялілася сваімі ўражаннямі ад убачанага на ўласныя вочы ў Харкаве.

30.06.2015 “Кухня TV”: Сэксуальная арыентацыя як прыкмета дыскрымінацыі

Наколькі вострая і актуальная праблема гамафобіі ў нашым асяроддзі? Пра гэта разважаюць намеснік старшыні ПЦ "Вясна" Валянцін Стэфановіч і лідэркі праваабарончага цэнтра "Ідэнтычнасць" Наталля Манькоўская і Кацярына Барсук у новым выпуску праваабарончага відэапраекта “Кухня TV”.

29.06.2015 Бабруйск: заўзятары паспрыялі вяртанню беларускай мовы на стадыён

На хатнім матчы ФК "Белшына"- ФК "Дынама-Мінск" зноў загучалі беларускамоўныя песні. У гэтым маглі запэўніцца наведнікі стадыёну "Спартак" і аматары спорту, якія сачылі за гульнёй па тэлеканале "Беларусь-5".

29.06.2015 Мінскі абласны суд звярнуў увагу суддзяў на неабходнасць выканання моўнага заканадаўства

Пракуратура Мінскай вобласці накіравала ў Мінскі абласны суд даклад салігорскіх праваабаронцаў аб выкананні правоў беларускамоўных грамадзян у рэгіёне. Мінскі абласны суд звярнуў увагу суддзяў на неабходнасць выканання патрабаванняў моўнага заканадаўства ў судаводстве і падчас судовых працэсаў.