Праваабарончы цэнтр «ВЯСНА»

Навіны за Сьнежань 2020

31.12.2020 Журналісту сайта “Першы Рэгіён” прад’яўлена абвінавачванне па артыкуле “абраза прэзідэнта”

У апошні дзнь 2020 года стала вядома, што карэспандэнту сайта "Першы Рэгіён” Сяргею Гардзіевічу прад'яўлена абвінавачванне па частцы 1 артыкула 368 Крымінальнага кодэкса РБ (“абраза прэзідэнта Рэспублікі Беларусь”).

31.12.2020 20-гадовага мінчука асудзілі за падзеі 14 ліпеня па чатырох артыкулах Крымінальнага кодэкса

Суд Кастрычніцкага раёна Мінска 31 снежня асудзіў 20-гадовага мінчука Глеба Гатоўку за падзеі 14 ліпеня адразу па чатырох артыкулах Крымінальнага кодэкса і прызначыў яму пакаранне ў выглядзе чатырох гадоў пазбаўлення волі ва ўмовах агульнага рэжыму.

31.12.2020 Больш за 100 чалавек сустрэнуць Новы 2021 год на сутках

Акрамя вялікай колькасці палітвязняў і тых, хто пераследуюецца па крымінальных справах за ўдзел у акцыях пратэсту, больш за 100 чалавек будуць “адзначаць” свята пад адміністрацыйным арыштам.

31.12.2020 На гомельскага актывіста Няпомняшчых узбудзілі крымінальную справу за абразу пракурора ў залі суда

Гомельскаму грамадскаму актывісту Уладзіміру Няпомняшчых прад'яўленае абвінавачванне за публічную абразу пракурора (артыкул 369 Крымінальнага кодэкса). 68-гадовага актывіста абвінавачваюць у абразе памочніцы пракурора Гомеля Алесі Жураўскай у зале суда.

31.12.2020 Да Мікалая Дзядка два тыдні не пускаюць адвакатаў. Праваабаронцы звярнуліся да Спецдакладчыкаў ААН

Да палітычнага зняволенага блогера і актывіста анархісцкага руху Мікалая Дзядка, які знаходзіцца ў СІЗА-1 ужо другі месяц паводле абвінавачвання па ч. 1 арт. 342 Крымінальнага кодэкса, не пускаюць адваката з 18 снежня.

30.12.2020 Падкаст "Вясна прыйдзе": Тры гісторыі трох маці — і іх сыноў, рэпрэсаваных з-за прэзідэнцкіх выбараў 2020

Апошні выпуск падкаста "Вясна прыйдзе" адыходзячага 2020 года прысвечаны гісторыям трох маці, чыіх дзяцей закранулі жорсткія рэпрэсіі. Гісторыі запісаныя ў розны час — да, падчас і пасля прэзідэнцкіх выбараў.

30.12.2020 Справа Аляксандра Пыльчанкі: рэплікі ўдзельнікаў працэсу

Юрыдычна зацікаўленыя ў зыходзе справы асобы скарысталіся правам рэплікі.

30.12.2020 Сітуацыя з правамі чалавека ў Беларусі. Снежань 2020

Эксперты ПЦ "Вясна" адзначаюць працяг ўзмацнення рэпрэсій і яшчэ большае пагаршэнне крызісу правоў чалавека ў краіне. Цягам месяца ўлады краіны не прадэманстравалі гатоўнасці да вырашэння крызісу і рэальнага дыялогу з грамадствам.

30.12.2020 Студэнта асудзілі на 2,5 гады калоніі за тое, што адбіваў пратэстоўца ад затрымання 10 жніўня

Суд Ленінскага раёна 30 снежня асудзіў па артыкуле 364 Крымінальнага кодэкса за гвалт у дачыненні да супрацоўніка АМАПу 10 жніўня 20-гадовага студэнта 4 курса Інстытута прадпрымальніцкай дзейнасці Віктара Акцістава.

30.12.2020 Справа Аляксандра Пыльчанкі: прамовы адвакатаў

У матэрыяле – выступленні ўдзельнікаў працэсу ў спрэчках.

30.12.2020 Іллю Туркова асудзілі да чатырох гадоў калоніі за падзеі 14 ліпеня

Раніцай 30 снежня ў судзе Першамайскага раёна г. Мінска працягнуўся разгляд справы ў дачыненні да Іллі Туркова, якого вінавацяць па ч. 1 арт. 342 і арт. 364 Крымінальнага кодэкса за падзеі каля ст. м. Плошча Перамогі 14 ліпеня. Сёння ж агучылі і прысуд па справе - 4 гады пазбаўлення волі.

30.12.2020 Суд адмовіўся задаволіць скаргу Аляксандра Пыльчанкі, якога пазбавілі ліцэнзіі адваката

23-24 снежня ў судзе Маскоўскага раёна Мінска прайшло асноўнае пасяджэнне па разглядзе скаргі абаронцы палітвязняў Марыі Калеснікавай і Віктара Бабарыка Аляксандра Пыльчанкі.

29.12.2020 Затрыманні, вобшукі. Хроніка палітычнага пераследу 29 снежня

29 снежня праваабаронцы "Вясны" працягваюць фіксаваць факты палітычнага пераследу ў Беларусі: затрыманні, вобшукі і іншыя формы ціску на грамадзянаў за іх актыўную грамадзянскую пазіцыю і незадаволеннасць дзеяннямі ўладаў.

29.12.2020 За надпісы ў пад’ездзе дома вілейчуку прысудзілі 3 месяцы арышту

У судзе Вілейскага раёна 29 снежня абвешчаны прысуд мясцоваму жыхару Андрэю Сысуну, якога абвінавацілі ў злачынстве, прадугледжаным артыкулам 341 КК РБ (Апаганьванне збудаванняў і псаванне маёмасці).

29.12.2020 Праваабарончая праграма "Вясна" на Беларускім Радыё Рацыя

Палітзняволеная Ірына Шчасная была рэдактаркай папулярных тэлеграм-каналаў, сярод якіх "Мая краіна Беларусь”. 18 лістапада яе затрымалі — з тых часоў Ірына знаходзіцца пад вартай. А якой жа асобай яна была?