Праваабарончы цэнтр «ВЯСНА»

Навіны за Чэрвень 2012

30.06.2012 Андрэй Пачобут вызвалены пад падпіску аб нявыездзе

Журналіста Андрэя Пачобута 30 чэрвеня выпусьцілі з гарадзенскай турмы пад падпіску аб нявыездзе. «Да мяне прыйшлі ў камэру і сказалі зьбіраць рэчы, бо пераводзяць у іншую камэру. Але пасьля мяне проста вывялі за браму турмы», — паведаміў Андрэй Пачобут.

30.06.2012 Прэвентыўныя затрыманьні моладзевых актывістаў у Менску. Нацболы ў аблозе (аднаўляецца, дадаліся фоты)

У Менску 30 чэрвеня ад самага ранку супрацоўнікі міліцыі праводзяць затрыманні найбольш актыўных прадстаўнікоў моладзевых рухаў.

30.06.2012 Гепракуратура: хлусня салігорскіх міліцыянтаў не трапляе пад крымінальную адказнасць

Генеральная пракуратура фактычна прызанала той факт, што супрацоўнікі Салігорскага РАУС схлусілі ў сваіх сведчаннях ў судзе і пракуратуры Салігорскага района. Адбылося гэта падчас разбіральніцтва па справе былога падпалкоўніка міліцыі Віктара Малочкі.

30.06.2012 «Справядлівы свет» у чарговы раз атрымаў адмову на правядзенне пікетаў

Аршанскія ўлады ў чарговы раз на днях адмовілі прадстаўнікам партыі ў дазволе на правядзенне масавых мерапрыемстваў. У чацвёрты раз за апошнія месяцы актывісты гэтай партыі падалі заяўкі на правядзенне пікетаў супраць пагаршэння ўзроўню жыцця грамадзянаў.

30.06.2012 Чыноўнікі Гарадзенскага ўпраўлення юстыцыі не ведаюць беларускую мову?

Гарадзенская структура Партыі БНФ атрымала адказ адносна рэгістрацыі Гарадзенскай абласной арганізацыі партыі. Чыноўнікі за подпісам начальніка галоўнага ўпраўлення абласной юстыцыі Аляксандра Сянькевіча патрабуюць прадставіць дадатковую інфармацыю.

30.06.2012 У Лунінцы група моладзі ініцыюе незалежнае назіранне за выбарамі (відэа)

Прадстаўнікі ініцыятывы плануюць вылучыць сваіх сябраў на усе выбарчыя ўчасткі Лунінецкага раёну. Маладыя людзі сцвярджаюць, што не выступаюць супраць кагосці, а бароняць сваё права і свой голас.

30.06.2012 Наталля Пінчук звярнулася са скаргай у Дэпартамент выканання пакаранняў МУС

Наталля Пінчук, жонка зняволенага праваабаронцы Алеся Бяляцкага, скардзіцца на рашэнне адміністрацыі Бабруйскай калонні, дзе ўтрымліваецца ейны муж.

30.06.2012 Віцебск: Міліцыя затрымала Сяргея і Алену Семянчуковых

29 чэрвеня ў Віцебску пра раздачы мінакам ўлётак за байкот выбараў затрыманая мясцовыя актывісты Сяргей і Алена Семянчуковы.

30.06.2012 Аб праявах дыскрымінацыі з боку супрацоўнікаў міліцыі (відэа)

Гамяльчук Сяргей, нягледзячы на тое, што не мае абедзьвюх ног, не атрымлівае пенсію па інваліднасці. Каб за нешта жыць, даводзіцца жабраваць, прасіць міласціню. Часцяком яго можна бачыць на цэнтральным гарадскім рынку. Хоць інвалід заўжды цвярозы, ахайна апрануты і не чапляецца да мінакоў, міліцыянты ўвесь час спрабуюць яго выпхнуць з рынку, абражаюць і зневажаюць. Чаму Беларусь не хоча далучыцца да Канвенцыі аб правах інвалідаў? Пытанне рытарычнае...

29.06.2012 Пенітэнцыярная сістэма Беларусі – адна з самых закрытых

Пенітэнцыярная сістэма Беларусі – адна з самых закрытых. А адсутнасць грамадскага кантролю можа прывесці да беспакаранасці і, як вынік, да ўседазволенасці і злоўжыванняў у дачыненнi да вязняў. Зразумела, вялікая колькасць з iх – звычайныя ўгалоўнікі, злачынцы, якія, на думку большасці насельніцтва, не заслугоўваюць спачування. Але, так цi iнакш, чалавечыя ўмовы ўтрымання ім гарантаваныя законам.

29.06.2012 Бабруйскі раён: пра пачатак выбараў абвесцілі толькі праз 11 дзён

На сайце раёнкі “Трыбуна працы” нарэшце з’яіўся банер, які абвяшчае пра пачатак выбарчай кампаніі ў Беларусі. Дадалі яго ў пятніцу, 29 чэрвеня, то бок праз 11 дзён пасля абвяшчэння выбараў. Да банера пакуль прамацаваны ўсяго адзін артыкул, які ўжо паспеў абыйсці хіба не ўсе дзяржаўныя СМІ.

29.06.2012 Касацыйная скарга Паўла Свярдлова знікла

Журналіст Еўрарадыё Павел Свярдлоў 25 чэрвеня накіраваў касацыйную скаргу на прысуд Маскоўскага раёна, які 22 чэрвеня прыгаварыў карэспандэнта да 15 сутак арышту. Але дакументы да гарадскога суда так і не дайшлі.

29.06.2012 У Варшаве абмеркавалі лёс беларускіх палітуцекачоў

28 чэрвеня прадстаўнікі міжнароднага Цэнтра "Супрацоўніцтва без межаў", "Звязу на карысць дэмакратыі ў Беларусі" і "Еўрапейскай Беларусі" і сустрэліся з кіраўніком дэпартамента па справах замежнікаў Міністэрства ўнутраных спраў Польшчы Рафалам Рагалай.

29.06.2012 Магілёўская прэса абыходзіць поўным маўчаннем парламенцкія выбары

Прааналізаваўшы мясцовыя дзяржаўныя выданні “Веснік Магілёва”, “Магілёўскія ведамасці”, “Днепровская неделя” і “Могилёвская правда”, можна прыйсці да высновы, што выбараў у краіне проста няма -- уласныя матэрыялы, прысвечаныя выбарчай тэматыцы, там адсутнічаюць.

29.06.2012 У Беларусі будуць штрафаваць за незаконнае правядзенне апытанняў грамадскай думкі

Кодэкс аб адміністрацыйных правапарушэннях будзе дапоўнены артыкулам, які прадугледжвае адказнасць за незаконнае правядзенне апытанняў грамадскай думкі. Адпаведныя папраўкі ў КоАП 29 чэрвеня прынялі дэпутаты палаты прадстаўнікоў у першым чытанні.