Праваабарончы цэнтр «ВЯСНА»

Навіны за Красавік 2011

30.04.2011 Зьмітра Дашкевіча адправяць ў калёнію ў Горках

Вызначана калёнія, дзе будзе адбываць пакараньне старшыня "Маладога фронту" Зьміцер Дашкевіч. Актывіст "Эўрапейскай Беларусі" Зьміцер Бандарэнка зьмяніў адваката і рыхтуецца да падачы касацыйнай скаргі на прысуд. Лісты ад вязьня Аляксандра Класкоўскага зноў даходзяць зрэдку.

30.04.2011 Свабоднаму прафсаюзу металістаў Магілёва адмоўлена ў правядзенні пікета 1 траўня

Члены прафсаюза хацелі правесці гэты пікет у цэнтры горада – на Савецкай плошчы, аднак гарвыканкам гэтага не дазволіў, і ў адказе падкрэсліў, што гэтая плошча не з’яўляецца вызначаным месцам для правядзення такіх мерапрыемстваў.

29.04.2011 Менгарсуд пакінуў бяз зьмены прысуд актывісту руху "За свабоду" Мікіту Ліхавіду.

Менгарсуд пакінуў бяз зьмены прысуд актывісту руху "За свабоду" Мікіту Ліхавіду.

29.04.2011 Уладзімір Целяпун узнагароджаны Чарнобыльскім Крыжом за мужнасць, годнасць і гуманнасць

Праваабарончы цэнтр “Вясна” віншуе свайго сябра, які атрымаў гэтую ўзнагароду як ліквідатар аварыі на Чарнобыльскай АЭС. Узнагарода Уладзіміру Целепуну была перададзена з Кіева, дзе 27 красавіка адбылася ўрачыстая цырымонія.

29.04.2011 У Гомелі першы за сем гадоў дазволены мітынг... адменены

“Мяне выклікалі ў гарвыканкам і паведамілі, што прынята іншае рашэнне – аб адмене дазволу мерапрыемства, – кажа старшыня абласной арганізацыі партыі левых “Справядлівы свет” Уладзімір Сякерка. Ён быў заяўнікам мітынгу і выканаў усе патрабаванні гарвыканкаму, прапісаныя ў рашэнні.

29.04.2011 Рэдактара "раёнкі” зрабілі Чалавекам

Прэміяй "Чалавек года Міншчыны" сярод яшчэ 19 пераможцаў узнагародзілі і рэдактара Барысаўскай "раёнкі" Веру Пратасевіч. Па ўсёй бачнасці, аблвыканкам ацаніў "рэалізацыю на практыцы эфектыўных ідэй і садзейнічанне ажыццяўленню дзяржаўных задач" рэдактара, чыё выданне ў перыяд прэзідэнцкай кампаніі 2010 года дамаглося азначэнні: "газета не з'яўляецца сродкам масавай інфармацыі, застаючыся сродкам агітацыі і прапаганды існуючага пакуль рэжыму".

29.04.2011 Суды за Плошчу: Дрозд, Вінаградаў, Кіркевіч, Пратасеня, Хамічэнка (працяг)

29 красавіка ў Кастрычніцкім судзе Менска працягваецца працэс над актывістам кампаніі «Гавары праўду!» Паўлам Вінаградавым, маладафронтаўцам Алесем Кіркевічам, сябрам ініцыятыўнай групы Андрэя Саньнікава Дзьмітрыем Драздом, так званым «навушнікам» Уладзімерам Хамічэнкам і Андрэем Пратасенем, які ня быў ні ў якай партыі ці руху.

29.04.2011 Праваабаронца не здаўся - пойдзе ў суд супраць ЦІП

29 красавіка з Цэнтра ізаляцыі правапарушальнікаў пасля адбыцця арышту выйшаў на свабоду Павел Левінаў. Усе 10 сутак праваабаронца трымаў галадоўку, пратэстуючы супраць неабгрунтаванай і незаконнай пастановы па справе аб адміністратыўным правапарушэнні, якую вынесла суддзя суда Фрунзенскага раёна Вольга Комар.

29.04.2011 Людміла Мірзаянава: Гэтага працэсу ў прынцыпе не мусіла быць

Маці Фёдара Мірзаянава, аднаго з фігурантаў справы аб масавых беспарадках, упэўненая, што крымінальная справа сфабрыкаваная.

29.04.2011 Асуджаны ў Гомелі на 10 сутак Алесь Каліта нечакана "аб'явіўся" на Акрэсьціна

Актывіст Партыі БНФ, былы старшыня «Моладзі БНФ» Алесь Каліта, які 24 красавіка ў Гомелі быў пакараны арыштам на 10 сутак, зараз знаходзіцца ў Цэнтры ізаляцыі правапарушальнікаў на Акрэсціна.

29.04.2011 Зміцеру Дашкевічу на развітанне з маці далі паўгадзіны

28 красавіка Зміцера Дашкевіча прывезлі ў слуцкі морг у кайданках і пад канвоем. На развітанне з маці яму адвялі паўгадзіны. Каля слуцкага моргу працавала каля пятнаццаці прадстаўнікоў сілавых ведамстваў. Фотаздымка падчас знаходжання зняволенага была забароненая. Дворык морга і яго памяшканне былі зачыненыя для доступу.

29.04.2011 Суды ідуць, а допыты працягваюцца

Сёньня ў 14-00 на допыт у КДБ выклікаюць падазраваныага па крымінальнай справе аб масавых беспарадках 19 сьнежня ў Менску Сяргея Клюева.

29.04.2011 Палітыка – небяспечная тэма для рэгіянальных СМІ

Складаецца ўражанне, што некаторыя матэрыялы ў “Светлым шляху” друкуюць вымушана, па загадзе зверху. Напрыклад, у апошнім нумары ў рубрыцы “Ёсць меркаванне” з’явіліся вядомыя артыкулы пра “лайдака і алкаша” Аляксандра Класкоўскага і пра “безадказнага балбатуна” Паўла Шарамета. Але неяк не ўпісваюцца гэтыя матэрыялы ў агульны настрой і канцэпцыю выдання. Побач з імі – непараўнальна больш якасныя і відавочна больш цікавыя смаргонцам матэрыялы мясцовых журналістаў.

29.04.2011 У Барысаве «Стоп-Бензін»-2 праваліўся

Учорашняя акцыя «Стоп-Бензін» -2, запланаваная як масавы пратэст кіроўцаў супраць неабгрунтаванага падаражэння бензіну, не сабрала ў Барысаве і пяцёркі ўдзельнікаў. Аўтааматарка Алена, якая на запраўцы не ўбачыла масавасці пратэстуючых кіроўцаў, толькі ўздыхнула: «Шкада, што не здолелі арганізавацца. Няўжо так ужо гэта страшна?»