Праваабарончы цэнтр «ВЯСНА»

Навіны за Кастрычнік 2016

31.10.2016 “Нас не трэба вучыць, як нам жыць”. Дыялог спецдакладчыка Харасці і беларускай дэлегацыі ў ААН

Значная частка дакладу Міклаша Харасці перад Генасамблеяй ААН была прысвечана правам чалавека ў межах выбарчага працэсу ў Беларусі, асабліва падчас парламенцкіх выбараў 11 верасня 2016 года. “Знешняя гладкасць” правядзення гэтых выбараў не павінна зацямніць фундаментальныя сістэмныя парушэнні, сказаў ён.

31.10.2016 Міхаіл Жамчужны – злосны парушальнік рэжыму ўтрымання

Палітвязень і заснавальнік “Платформ інавэйшн” Міхаіл Жамчужны атрымаў статус злоснага парушальніка рэжыму ўтрымання ў калоніі.

31.10.2016 Справаздача па выніках маніторынгу масавага мерапрыемства “Дзяды – 2016” у Мінску

Арганізатары акцыі атрымалі дазвол на правядзенне масавага мерапрыемства ад дзвюх устаноў: Мінскага гарвыканкама і абласнога выканаўчага камітэта ў сувязі з тым, што збор і шэсце праводзяцца на тэрыторыі горада Мінска, а мітынг ва ўрочышчы “Курапаты”, размешчаным на тэрыторыі Мінскага раёна. Неабходнасць атрымліваць два дазволы і сама працэдура атрымання дазволаў істотна абмяжоўвае права на мірныя сходы.

31.10.2016 Рыгора Грыка хочуць пакараць за перадвыбарчы пікет

Грамадскі актывіст Рыгор Грык, які на днях вярнуўся ад бацькоў з Украіны, здзіўлены заведзенай адміністрацыйнай справай. Як паведамляе Радыё “Рацыя”, у пратаколе, складзеным пасля выбараў баранавіцкімі міліцыянтамі, адзначаецца, што правапарушэння ў дзеяннях Грыка няма.

31.10.2016 Кошт свабоды мірных сходаў: актывіста ў кастрычніку аштрафавалі на суму 2730 рублёў

31 кастрычніка актывісту Сяргею Пальчэўскаму суд Цэнтральнага раёна Мінска вынес пастанову аб пакаранні штрафам у памеры 50 б.в., што складае 1050 рублёў. У судзе разглядаліся адразу шэсць(!) пратаколаў правапарушэнняў па артыкуле 23. 34 КаАП (удзел у несанкцыянаваным масавым мерапрыемстве).

31.10.2016 Дзмітрый Серада абскарджвае адмову ва ўзбуджэнні крымінальнай справы

Урач-педыятр з Мінска Дзмітрый Серада з дапамогай праваабаронцаў "Вясны" накіраваў скаргу начальніку ўпраўлення Следчага камітэта на пастанову аб адмове ва ўзбуджэнні крымінальнай справы. Гэта наступны крок у спробе прыцягнення да крымінальнай адказнасці супрацоўнікаў праваахоўных органаў, якія 4 жніўня 2016 года ўварваліся ў кватэру Дзмітрыя і яго сям'і, збівалі затрыманага дома і пры дастаўленне яго ў РУУС.

31.10.2016 Леанід Судаленка: Ураду не сысці ад правоў чалавека

Праваабаронца адзначыў, што толькі па яго асабістых скаргах ў ААН шэсць разоў прымаліся рашэнні, дзе зафіксаваныя дзесяць парушэнняў розных грамадзянскіх і палітычных правоў.

31.10.2016 Падатак на дармаедства: што рабіць, калі прыйшло паведамленне

1 лістапада ў Мінску адбудзецца сход незалежных прафсаюзаў, на якім будзе вырашацца, як юрысты і праваабаронцы павінны рэагаваць на звароты, якія тычацца падатку на дармаедства.

30.10.2016 Затрыманых каля КДБ удзельнікаў акцыі вызвалілі

Пяцёра затрыманых падчас акцыі «Дзень памяці» каля будынку КДБ у Менску вызваленыя з Цэнтральнага РУУС Менску. Пра гэта паведамляе Радыё “Свабода”.

29.10.2016 Алесь Бяляцкі: Тое, што Эдуард Пальчыс на волі, гэта і наша невялікая перамога

28 кастрычніка Мінскі гарадскі суд прызнаў вінаватым блогера Эдуарда Пальчыса і прысудзіў яго да 1 году і 9 месяцах без накіравання ва ўстанову адкрытага тыпу. Пальчыса вызвалілі ў зале суда. З улікам ужо праведзенага часу ў СІЗА яму засталося правесці пад падпіскай аб нявыездзе ўсяго месяц.

27.10.2016 У Беларусі прыняты план па рэалізацыі рэкамендацый ААН у сферы правоў чалавека

Міжведамасны план па рэалізацыі рэкамендацый Універсальнага перыядычнага агляду (УПА) на 2016-2019 гады прыняты ў Беларусі. Адпаведная пастанова Савета міністраў № 860 ад 24 кастрычніка апублікавана на сайце ўрада, паведамляе БелаПАН.

27.10.2016 Прысуд па справе Эдуарда Пальчыса абвесцяць публічна а 10-й раніцы 28 кастрычніка

Абвяшчэнне прысуду, нават калі справа разглядалася ў закрытым працэсе, адбываецца публічна.

27.10.2016 HUMRA і АБФ запускаюць майстэрню для асветнікаў ў галіне правоў чалавека ў Мінску

Новая асветніцкая праграма стартуе ў Беларусі: 31 кастрычніка адбудзецца адкрыццё «Майстэрні HUMRA».

27.10.2016 Шэсце і мітынг на “Дзяды” – спосаб папаўнення дзяржбюджэту?

Менскі гарвыканкам і абласны выканаўчы камітэт дазволілі правядзенне Кансерватыўна-Хрысціянскай партыі – БНФ (КХП-БНФ) мітынга, прысвечанага Дню памяці продкаў “Дзяды” ў Курапатах 30 кастрычніка. Гэта адно з тых нямногіх масавых мерапрыемстваў, якое ўлады ў апошнія гады дазваляюць правесці, ды і то збольшага толькі ў сталіцы.

27.10.2016 У ААН абмяркоўваюць становішча правоў жанчын у Беларусі

На гэтым тыдні ў ААН у Жэневе прадстаўнікі грамадзянскай супольнасці Беларусі пры падтрымцы міжнародных праваабарончых арганізацый вядуць працу з Камітэтам па ліквідацыі дыскрымінацыі ў адносінах да жанчын (CEDAW), што папярэднічае разгляду Камітэтам афіцыйнага дакладу Беларусі, прызначанага на 28 кастрычніка.