Праваабарончы цэнтр «ВЯСНА»

Навіны за Кастрычнік 2014

31.10.2014 “Міхась Кукабака – прыклад нязломнасці чалавечага духу” (фота)

У Міжнародны дзень салідарнасці палітвязняў, 30 кастрычніка, у Бабруйску Праваабарончы цэнтр “Вясна” прэзентаваў фільм “Дысідэнт”, прысвечаны вядомаму беларусу Міхасю Кукабаку.

31.10.2014 “Танкачова робіць тое, што павінна рабіць Міністэрства юстыцыі”

Кіраўнік арганізацыі “Прававая дапамога насельніцтву” Алег Волчак выказаў сваё меркаванне адносна анулявання віда на жыхарства і разгляду пытання пра высылку з Рэспублікі Беларусь праваабаронцы Алены Танкачовай, лідэра Цэнтра прававой трансфармацыі Lawtrend.

31.10.2014 “Праз выдварэнне Алены Танкачовай з Беларусі ўлады толькі павялічаць узровень недаверу да сябе”

Кіраўнік ПЦ “Вясна” і віцэ-прэзідэнт FIDH Алесь Бяляцкі разглядае рашэнне ўладаў аб пазбаўленні віда на жыхарства і верагоднае выдварэнне з краіны сваёй калегі Алены Танкачовай як расправу з актыўнай праваабаронцай, якая прафесійна працуе на карысць Беларусі.

31.10.2014 Кожная другая справа ў Камітэце ААН з Беларусі – па пераследу за выказванне меркаванняў

У Беларусі найчасцей пераследуюць за выказванне меркаванняў. Да такой высновы прыйшлі ў Гомельскім Цэнтры стратэгічнай цяжбы па выніку аналізу ўсіх рашэнняў Камітэта па правах чалавека ААН па беларускіх справах.

31.10.2014 Гродзенскі абласны суд не задаволіў касацыйную скаргу журналіста Андрэя Мялешкі

Суддзя Святлана Даўгашэй падтрымала рашэнне Гродзенскага раённага суду, згодна з якім Андрэй Мялешка быў прызнаны вінаватым у парушэнні арт. 22.9 ч.2 КаАП (незаконны выраб і распаўсюд інфармацыйнай прадукцыі), а дакладней – у супрацоўніцтве з замежным СМІ без акрэдытацыі.

31.10.2014 За справу Алесі Садоўскай бярэцца БХК

Беларускі Хельсінскі камітэт (РПГА "БХК") плануе звярнуцца ў Генпракуратуру з просьбай даць ацэнку рашэнню суда Маладзечанскага раёна аб прымусовым лячэнні ў псіхіятрычным стацыянары жыхаркі Маладзечна Алесі Садоўскай.

31.10.2014 Арыштаваны заснавальнік «Платформ інавэйшн»

Заснавальнік праваабарончай арганізацыі «Платформ інавэйшн» (раней – “Платформа”, ліквідаваная па рашэнні Гаспадарчага суду Менску ў 2012 годзе) Міхаіл Жамчужны арыштаваны ў Віцебску ў жніўні гэтага году

31.10.2014 Прысуд па справе зборшчыка подпісаў за “Народны Рэферэндум”: 3 сутак арышту (дапоўнена)

Сёння суддзя Паўлоўская абвесціла прысуд зборшчыку подпісаў за “Народны Рэферэндум” Уладзіславу Кошалеву: 3 сутак арышту.

31.10.2014 Праваабаронцу Алену Танкачову пазбавілі віда на жыхарства ў Беларусі

Цяпер магчымае рашэнне аб высылцы за межы Беларусі, мяркуе Танкачова.

30.10.2014 “Дысідэнт” – першы фільм пра Міхася Кукабаку (відэа)

Фільм “Дысідэнт” распавядае пра Міхася Кукабаку – беларуса, які за свае перакананні каля 17 гадоў правёў ў турмах, лагерах і закрытых псіхіятрычных лякарнях.

30.10.2014 Эўразьвяз працягнуў санкцыі супраць Менску яшчэ на год

Рада Эўразьвязу сёньня вырашыла працягнуць абмежавальныя візавыя і фінансавыя санкцыі ў адносінах да Беларусі да 31 кастрычніка 2015 году.

30.10.2014 У Змітра Дашкевіча на мяжы канфіскаваныя 12 кніг «Чарвяк»

Пра гэта экс-палітвязень Зміцер Дашкевіч напісаў у сваім акаўнце ў Facebook. Учора, 29 кастрычніка, Дашкевіч браў удзел у прэзентацыі кнігі «Голас волі з-за кратаў: Анталогія твораў беларускіх палітзняволеных», што прайшла ў ЕГУ (Вільня).

30.10.2014 Пад Віцебскам добраўпарадкавалі месца пахавання ахвяраў сталінізму (фота)

Некалькі гадоў на ўзлеску каля вёскі Паляі ствараецца самаробны мемарыял – у памяць пра мірных жыхароў, якіх расстрэльвалі тут у 1930-50 гады. Тут усталявана некалькі крыжоў, і добраўпарадкаванне гэтага месца стала клопатам віцебскіх актывістаў.

29.10.2014 Гродзенская абласная і Генеральная пракуратуры адрэагавалі на зварот сябраў БАЖ. Фармальна (дакументы)

Два дзесяткі гродзенскіх сябраў БАЖ высылалі лісты ў Генеральную і Гродзенскую абласную пракуратуры, у якіх звярталі ўвагу на недапушчальнасць пераследу журналістаў-фрылансераў за прафесійную дзейнасць.

29.10.2014 Адміністрацыя прэзідэнта выбачылася перад Рыгорам Кастусёвым за адказ на рускай мове

Начальнік упраўлення па працы са зваротамі грамадзян і юрыдычных асоб С. І. Буко на гэты раз ужо на беларускай мове паведаміў Рыгору Кастусёву, што яго зварот, які паступіў у Адміністрацыю прэзідэнта Рэспублікі Беларусь, перанакіраваны ў Магілёўскі аблвыканкам з даручэннем паведаміць пра вынікі разгляду.