Праваабарончы цэнтр «ВЯСНА»

Навіны за Жнівень 2009

31.08.2009 Суд спыніў справу Андрэя Кашэўскага са Смалявічаў

У судзе Смалявіцкага раёну адбыўся разгляд адміністрацыйнай справы ў дачыненні да жыхара Смалявічаў Андрэя Кашэўскага, якога перасьледвалі за вывешванне на даху ўласнай хаты бел-чырвона-белага сцягу. Па выніках разгляду справы суддзя Алена Міснік вынесла пастанову аб спыненні адміністрацыйнай вытворчасці ў дачыненні да Андрэя Кашэўскага ў сувязі з адсутнасцю складу правапарушэння.

28.08.2009 Мітынгаваць у цэнтры Віцебску, па-ранейшаму, забаронена

Віцебскія ўлады вызначыліся з месцамі для правядзення ў абласным цэнтры масавых мерапрыемстваў. Адпаведнае рашэнне прынятае Віцебскім гарвыканкамам

28.08.2009 Сёньня дзень народзінаў Зьмітра Завадзкага

Сёньня, 28 жніўня Зьмітру Завадзкаму споўнілася б 37 гадоў. Ён зьнік ва ўзросце 27 гадоў не пасьпеўшы адзначыць сваё 28 годдзе. Малады апэратар, ён ужо пасьпеў дасягнуць высокага прафэсійнага ўзоўню і прызнаньня калегаў. Яго чакалі новыя рэпартажы і добрая прафэсійная пэрспэктыва. Але гэта ня ўдалося зьдзейсьніць. Вось ўжо дзевяць гадоў Зьмітра няма побач з намі і мы толькі можам памятаць аб гэтым прыгожым чалавеку, прафэсіянале і патрабаваць рэальнага і справядлівага расследаваньня справы аб зьнікненьні Зьмітра і пакараньня вінаватых.

28.08.2009 Дэпутат ПАСЕ прапаноўвае праверыць інфармацыю пра фальсіфікацыю выбараў у Беларусі

Дэпутат парламента Нідэрландаў ад Хрысціянска-дэмакратычнай партыі (CDA), член Парламенцкай асамблеі Савета Еўропы Пітэр Омтзіхт лічыць, што Савет Еўропы павінен праверыць інфармацыю аб фальсіфікацыі вынікаў апошніх прэзідэнцкіх выбараў у Беларусі.

28.08.2009 Лукашэнка зноў заявіў аб фальсіфікацыі вынікаў прэзідэнцкіх выбараў 2006 года

Аляксандр Лукашэнка заявіў, што вынікі прэзідэнцкіх выбараў у 2006 годзе былі сфальсіфікаваныя.

28.08.2009 Царква “Новае жыцьцё” паскардзіцца ў ААН

Вернікі менскай пратэстанцкай царквы “Новае жыцьцё” кругласутачна моляцца ў сваім храме. У Беларусі не засталося юрыдычных інстанцый, куды б яны маглі зьвярнуцца па абарону сваёй царквы. Суполка “Новае жыцьцё” не прайшла перарэгістрацыі і ў такім статусе знаходзіцца 6 гадоў. Ад 21 жніўня будынак вернікаў лічыцца маёмасьцю Менгарвыканкаму. У любы момант іх могуць выселіць з будынку і ліквідаваць суполку дэ-юрэ.

28.08.2009 Маладафронтавец Цянюта аспрэчвае сваё адлічэнне з расейскай вну

Андрусь Цянюта быў адлічаны з Бранскай сельскагаспадарчай акадэміі. Пра гэта ён даведаўся толькі праз паўтара месяца пасля выключэння, і не ад самога вну, а ад ваенкамата.

27.08.2009 Андрэй Вардамацкі: У Беларусі спад прарасейскіх настрояў у грамадстве

У Беларусі адзначаецца даволі адчувальны спад прарасійскіх настрояў у грамадстве і усё больш жыхароў краіны аддаюць перавагу Еўрапейскаму саюзу – у большай ступені гэта датычыць моладзі і людзей з вышэйшай адукацыяй. Між тым геапалітычныя прыхільнасці беларускага грамадства ў бок Захаду пакуль канчаткова не пераарыентаваліся. Аб гэтым у часе канферэнцыі ў Менску ў чацвер заявіў дырэктар сацыялагічнай лабараторыі "Новак" Андрэй Вардамацкі.

27.08.2009 Пратэстанты ў Беларусі: “падазроная” канфэсія?

Што стаіць за канфліктам вакол царквы “Новае жыцьцё” — інэрцыя бюракратычнай машыны альбо актыўнае непрыняцьце ўладамі пратэстанцкіх вернікаў? Чаму беларускія ўлады фактычна варожа ставіцца да пратэстанцкіх канфэсіяў, у адрозьненьне ад праваслаўнай і каталіцкай? На гэтыя ды іншыя пытаньні ў перадачы “Экспэртыза Свабоды” адказваюць палітоляг, вернік рэфармацкай царквы Ўладзімер Мацкевіч і палітычны аглядальнік газэты “Белорусы і рынок” Паўлюк Быкоўскі.

26.08.2009 Перманентны «Працэс 14-ці»

Лідскі актывіст «Маладога фронту» Вадзім Бароўскі атрымаў позву на паседжанне адміністрацыйнай камісіі, якое адбываецца сёння, па справе распаўсюджвання партрэтаў палітвязня Арцёма Дубскага.

26.08.2009 У Менск едзе міжнародная журналісцкая місія

У другой палове верасня ў Менск мае прыехаць група прадстаўнікоў міжнародных журналісцкіх і праваабарончых арганізацый.

26.08.2009 Партыю свабоды і прагрэсу не зарэгістравалі, суд стаў на бок Мінюста

Вярхоўны суд Беларусі не задаволіў скаргу заснавальнікаў Партыі свабоды і прагрэсу на адмову Міністэрства юстыцыі ў рэгістрацыі партыі. Суддзя Мікалай Бабкоў палічыў, што Мінюст меў законныя падставы для адмовы.

25.08.2009 Адказ Міністэрства абароны праваабаронцам: “Фактаў праяўлення непавагі да беларускай мовы не ўстаноўлена”

Праваабаронцы Алесь Бяляцкі, Валянцін Стэфановіч і Уладзімір Лабковіч атрымалі адказ з Міністэрства абароны на свой зварот, у якім патрабавалі спыніць незаконны пераслед і ціск на ваенаслужачага Ф. Вячорку ды іншых беларускамоўных служачых ў сувязі з выкарыстаннем імі беларускай мовы пры праходжанні вайсковай службы.

25.08.2009 Яўгену Скрабцу гвалтоўна ўручылі позву ў вайсковы камісарыят

Уночы на 25 жніўня ў Берасці быў затрыманы сябра “Маладога Фронту” Яўген Скрабец. Падставаю для затрымання актывіста сталі падазрэнні ў махлярстве, а вынікам - позва ў вайсковы камісарыят на 9 верасня, паведамляе Радыё Рацыя.

25.08.2009 Палітыкі і грамадскія дзеячы прынялі зварот у падтрымку царквы "Новае жыццё"

Беларускія палітыкі і грамадскія дзеячы прынялі адкрыты зварот да Адміністрацыі прэзідэнта, Мінгарвыканкама, Нацыянальнага схода і Савета міністраў, у якім заклікалі спыніць пераслед вернікаў царквы "Новае жыццё". Аўтары звароту нагадваюць кіраўніцтву Беларусі "аб адказнасці і перад Богам, і перад людзьмі за дэстабілізацыю сітуацыі ў краіне".