Праваабарончы цэнтр «ВЯСНА»

Навіны за Травень 2012

31.05.2012 “Мэсыдж” швецкага праваабаронцы беларускай амбасадзе ў Стакгольме (фота)

Сёння кіраўнік швецкай праваабарончай арганізацыі Östgruppen Марцін Угла, якому амбасада Рэспублікі Беларусь у Стакгольме адмовіла ў візе, прыйшоў туды, каб забраць свой пашпарт. Перад сустрэчай з супрацоўнікамі амбасады Марцін Угла апрануў майку з выявай зняволенага беларускага праваабаронцы Алеся Бяляцкага і надпісам “Свабоду Алесю Бяляцкаму”.

31.05.2012 Пад Светлагорскам затрыманы грамадскія актывісты і мясцовыя жыхары, якія не згодныя з будаўніцтвам завода

Сярод затрыманых – журналісты Аліна Радачынская, Аляксандр Баразенка, Сяргей Балай, Іна Студзінская, а таксама актывісты кампаніі “Гавары праўду!” Сяргей Вазняк, Аляксандр Уліцёнак і Міхаіл Пашкевіч.

31.05.2012 У Мінску затрыманы яшчэ адзін нацыянал-бальшавік

Як паведамляе прэс-служба аргкамітэта па стварэнні Нацыянал-бальшавіцкай партыі, Дзяніса Сахара затрымалі ў Цэнтры часовай ізаляцыі правапарушальнікаў на вуліцы Акрэсціна, куды ён прыйшоў, каб перадаць перадачу сваім арыштаваным таварышам — Яўгену Контушу, Дзмітрыю Сіняку і Дзмітрыю Паліенку.

31.05.2012 Бярозаўскія актывісты наведалі Паўла Севярынца

Бярозаўскія грамадскія актывісты рэгулярна наведваюць палітвязня Паўла Севярынца, які адбывае трохгадовы тэрмін “хіміі” ў вёсцы Куплін Пружанскага раёну, падтрымліваюць маральна, прывозяць прадукты. Асабліва апекуецца пра вязня сябра Партыі БНФ з Малеча Анатоль Сахаруша, які ездзіць да Паўла 6-7 разоў на месяц.

31.05.2012 Затрымалі за тое, што патрабавалі правесьці «Дажынкі»

Рагачоўская міліцыя затрымала мясцовых актывістаў кампаніі «Гавары праўду» Дзяніса Дашкевіча, Уладзімера Тамковіча і Віталя Александровіча, якія перадалі ў райвыканкам пэтыцыю, каб у горадзе правялі «Дажынкі».

31.05.2012 Тэрміновы заклік да неадкладнага і безумоўнага вызвалення і адмены неабгрунтаванай забароны на перамяшчэнне праваабаронцы Алега Воўчака

Сетка Дамоў правоў чалавека накіравала беларускім уладам сумесны ліст з выказваннем заклапочанасці з нагоды затрымання і працягу пераследу Алега Воўчака.

31.05.2012 У Слоніме затрымалі і збілі нагамі актывістку БХД

У Слоніме мясцовыя міліцыянты затрымалі і збілі актывістку Беларускай Хрысціянскай Дэмакратыі Вольгу Панасевіч.

31.05.2012 Міхаіл Мускі. Суд 1 чэрвеня

15 траўня моладзевага актывіста Міхаіла Мускага адправілі з ЦІП на вул. Акрэсціна ў ваенную частку пад канвоем для праходжання тэрміновай службы. Цяпер ён знаходзіцца ў вайсковай частцы № 22313 (Віцебская вобл., Лепельскі р-н, в Бароўка).

31.05.2012 Аўтара “Мусарка” асудзілі за брыдкаслоўе на 10 сутак арышту

Суд адбываўся ў закрытым рэжыме, Усе спробы сяброў і праваабаронцаў патрапіць у судовую залу - груба спыняліся. Cуддзя Тацяна Мотыль пакарала Івана Амельчанку адміністратыўным арыштам на 10 сутак.

31.05.2012 Пінская “Белая Русь” рыхтуецца да выбараў

Пінская арганізацыя РГА “Белая Русь” правяла справаздачна-выбарчы сход, на якім, акрамя дэлегатаў, прысутнічалі прадстаўнікі пінскага гарвыканкама і Нацыянальнага сходу Беларусі.

31.05.2012 Магілёвец адмаўляецца праходзіцць дактыласкапію да прывядзення ў парадак адпаведнай заканадаўчай базы

Дасланую Уладзіміру Трызунову па пошце позву ён лічыць аформленай неналежным чынам, а само патрабаванне прайсці дакталаскапію – не адпавядаючым заканадаўству.

31.05.2012 Забарону велапрабега маладафронтавец абскардзіць у судзе

Рашэнне старшыні Салігорскага райвыканкаму Аляксандра Рымашэўскага аб забароне правядзення велапрабега мясцовы актывіст зарэгістраванага ў Чэхіі “Маладога Фронту” Андрэй Тычына абскардзіць у судзе.

30.05.2012 Барыс Хамайда - як заўсёды на сваім звычайным месцы (відэа)

Вядомага рэгіянальнага апазіцыянера Барыса Хамайду, які амаль штодня стаіць у цэнтры гораду ля так званага Сіняго дому і распаўсюджвае пад нацыянальным сцягам (ці парасонам) беларускія незалежныя выданні, можна смела назваць жывой легендай Віцебску. Ні бясконцыя затрыманні, ні суды, ні арышты, ні штрафы не далі мясцовым уладам жаданага выніку - спыніць ягоную дзейнасць.

30.05.2012 Чарговыя адміністратыўныя арышты ў Менску (абноўлена)

Адміністратыўнымі арыштамі тэрмінам 5 сутак пакараныя актывісты арганізацыі нацыянал-бальшавікоў Контуш і Сіняк, а таксама прадстаўнік "Еўрапейскай Беларусі" Максім Вінярскі. Івана Амельчанку, які сёння мусіў быць вызвалены пасля адбыцця 15-суткавага арышту, не выпусцілі з ЦІП на Акрэсціна.

30.05.2012 Front Line Defenders зноў патрабуе зняцця абмежаванняў на выезд за мяжу беларускіх праваабаронцаў

Міжнародная праваабарончая арганізацыя Front Line Defenders распаўсюдзіла чарговую заяву з нагоды незаконных забаронаў на выезд за мяжу, уведзеных у дачыненні Алега Гулака, Гары Паганяйлы, Валянціна Стэфановіча і Жанны Літвіной, паўтараючы свой заклік аб неадкладным зняцці ўсіх абмежаванняў.