Праваабарончы цэнтр «ВЯСНА»

Навіны за Сакавік 2009

31.03.2009 Праваабаронцу Леаніда Свеціка абвінавацілі адразу па двух артыкулах Крымінальнага Кодэкса

Віцебскаму праваабаронцу Леаніду Свеціку 31 сакавіка было прад’яўленае абвінавачваньне адразу па двух артыкулах Крымінальнага Кодэкса: яго падазраюць у распальваньні міжнацыянальнай і расавай варажнечы (арт.130 КК) і паклёпе на Прэзідэнта краіны (ч. 2 арт. 367 КК). Папярэдняе следства праводзіў следчы УКДБ па Віцебскай вобласці.

31.03.2009 Алесь Бяляцкі: "На сёньняшні дзень беларускае грамадства спавітае рэпрэсіўнымі законамі па руках і нагах"

Як вядома, ў нядзелю адбыўся ўстаноўчы сход грамадскага праваабарончага аб’яднаньня “Наша Вясна”. Але літаральна два дні таму, 27 сакавіка, заснавальнікам ГПА “Наша Вясна” з Вярхоўнага Суда быў дасланы ліст аб тым, што справа па адмове ў рэгістрацыі аб’яднаньня прынятая да разгляду. Ці сапраўды існавала неабходнасьць у трэці раз праводзіць устаноўчы сход, альбо рашэньне Вярхоўнага Суда для Вас прагназуемае?

31.03.2009 Чарговае слуханне справы аб «экстрэмізме» ў «ARCHE» - у наступны панядзелак

Разгляд касацыйнай скаргі на рашэнне суда Маскоўскага раёна Брэста аб прызнанні шэрагу публікацый у № 7–8 недзяржаўнага культуралагічнага часопіса «ARCHE-Пачатак» «экстрэмісцкімі матэрыяламі, якія падлягаюць знішчэнню» прызначаны на 6 красавіка.

31.03.2009 Маладафронтаўцы Наста Палажанка і Дзяніс Карноў падалі скаргу ў пракуратуру

Наста Палажанка і Дзяніс Карноў падалі скаргу ў пракуратуру Фрунзенскага раёну з нагоды іх выкраданьня 25 сакавіка.

31.03.2009 У актывісткі БХД абяцалі забраць дзяцей, калі не выйдзе з партыі

Актывісты Беларускай хрысціянскай дэмакратыі з Мёраў на Віцебшчыне Таццяна Кліменцьева і Казімір Варонька, былі вымушаныя напісаць заяву на выхад з партыі. Мясцовыя чыноўнікі папярэдзілі іх – калі не пакінеце шэрагі апазіцыйнай арганізацыі, то страціце працу. Пры гэтым спадарыні Кліменцьевай яшчэ і прыгразілі, што ў яе забяруць прыёмных дзяцей.

31.03.2009 У выніковай дыскусіі Еўрапарламента па Беларусі абмяркуюць праблему палітвязняў

У Еўрапейскім парламенце ў Брусэлі 31 сакавіка адбудзецца канферэнцыя «Дарожная мапа для Беларусі».

31.03.2009 Івану Шылу не даюць атрымаць атэстат

Івану Шылу адмовілі ў магчымасьці даздаць школьны іспыт. Пра гэта паведамілі бацьку маладафронтаўца Ўладзімеру Шылу у Генэральным штабе узброеных сілаў Беларусі і вайсковай часткі, дзе сын праходзіць службу.

30.03.2009 Прызначаная дата касацыйнага разгляду скаргі на прысуд Яне Паляковай

Разгляд касацыйнай скаргі на прысуд правабаронцы Яне Паляковай з Салігорска прызначаны на 17 красавіка ў 10.00 у Менскім абласным судзе (Менск, вул. Сьвярдлова, 3). Пра гэта паведаміла адвакат Мар’яна Сямешка.

30.03.2009 ТБМ запрашае на курсы беларускай мовы

ГА “Таварыства беларускай мовы імя Францішка Скарыны” абвяшчае набор вучняў 7—9 класаў г. Мінска і Мінскага раёна на курсы беларускай мовы, гісторыі і літаратуры, спалучаныя з экскурсіямі па Беларусі і іншых краінах.

30.03.2009 Шылу вінавацяць у дыскрэдытацыі войска

Франак Вячорка, Зьміцер Хведарук і Іван Шыла, якіх гвалтоўна без адпаведнага мэдычнага абсьледаваньня забралі ў войска, маюць праблемы са здароўем. Франак і Іван сталі героямі абразьлівых фэльетонаў адразу ў двух выданьнях — “Советская Белоруссія” і “Белорусская военная газета”. Тым часам камандаваньне вайсковай часткі пагражае Івану Шылу крымінальнай справай за абразу войска. Падставай сталі публікацыі ў інтэрнэце пра вайсковыя будні.

30.03.2009 Саюз палякаў звярнуўся ў Генпракуратуру

Заява датычыць сюжэту ў «Панараме тыдня» на Першым нацыянальным тэлеканале, прысвечаным VII з’езду Саюза палякаў на Беларусі 15 сакавіка ў Гродне.

30.03.2009 Кампанія супраць расізму спынена

Напрыканцы Еўрапейскага тыдня барацьбы з расізмам валанцёры БХК і спачуваючыя жадалі нагадаць менчукам аб роўнасці ўсіх людзей, якая не залежыць ад колеру скуры. З гэтай мэтай яны сабраліся на Нямізе і пачалі надзімаць рознакаляровыя паветраныя шары, раздаваць улёткі з інфармацыяй па тэме.

30.03.2009 Вялікабрытанія пра правы чалавека ў Беларусі

Міністэрства замежных справаў Вялікабрытаніі абнародавала сваю чарговую гадавую справаздачу пра сытуацыю з правамі чалавека ў сьвеце. Асобнымі разьдзеламі ў справаpдачы выдзеленыя 20 краінаў, у якіх, паводле брытанскага ўраду, выступаюць сур’ёзныя парушэньні правоў чалавека. Сярод гэтых краінаў і Беларусь.

29.03.2009 Адбыўся ўстаноўчы сход "Нашай Вясны"

У нядзелю, 29 сакавіка, на сядзібе Партыі БНФ у Менску адбыўся устаноўчы сход заснавальнікаў грамадскага праваабарончага аб’яднаньня "Наша Вясна". На сходзе "Нашай Вясны" прысутнічалі праваабаронцы, юрысты, грамадскія актывісты: усяго 82 прадстаўнікі з ўсіх рэгіёнаў Беларусі, якія вырашылі стаць сузаснавальнікамі праваабарончай арганізацыі.

27.03.2009 Вярхоўны Суд прыняў да разгляду скаргу заснавальнікаў “Нашай Вясны”

Сёння, 27 сакавіка, заснавальнікам ГПА “Наша Вясна” з Вярхоўнага Суда быў дасланы ліст аб тым, што справа па адмове ў рэгістрацыі аб’яднання прынятая да разгляду. Праваабаронцам паведамілі, што 7 красавіка адбудзецца распарадчае паседжанне, падчас якога будзе прынятае рашэнне аб дакладнай даце разгляду справы ў судзе па сутнасці.