Праваабарончы цэнтр «ВЯСНА»

Навіны за 26 ліпеня 2010

26.07.2010 Затрыманьні ў Гомелі

У Гомелі міліцыя затрымала Васіля Палякова – кіраўніка гомельскай абласной арганізацыі Аб’яднанай грамадзянскай партыі, Юрыя Глушакова – першага намесніка старшыні партыі "Зялёныя” і грамадскую актывістку Ларысу Шчыракову.

26.07.2010 Прафсаюзных актывістаў западозрылі ў перавозе «антыдзяржаўнай літаратуры»

Старшыню Брэсцкай рэгіянальнай арганізацыі Свабоднага прафсаюза Беларускага (СПБ) Валянціна Лазарэнкава і актывіста СПБ Віктара Чайкоўскага затрымалі супрацоўнікі міліцыі па падазрэнні ў перавозе літаратуры антыдзяржаўнай скіраванасці.

26.07.2010 Сьмяротнае пакараньне: лёд крануўся ў Кітаі

Кітай мае намер скараціць спіс злачынстваў, за якія прадугледжана смяротнае пакаранне, і адмовіцца ад яго ўжывання ў дачыненні да асобаў, узрост якіх перавышае 70 гадоў, паведаміла газета China Daily.

26.07.2010 Скарга Алеся Меха не задаволеная

У Берасцейскім абласным судзе адбыўся разгляд касацыйнай скаргі палітычнага і грамадскага актывіста з Кобрына Алеся Меха. Судовы працэс вяла Святлана Крымянецкая ў прысутнасці пракурора Віктара Надзорава. Абласны суд пакінуў рашэнне суда Кобрынскага без змянення, а скаргу Меха без задавальнення.

26.07.2010 Тэкст Дэклярацыі аб незалежнасьці будуць раздаваць на вуліцы

27 ліпеня актывісты партыі БНФ будуць раздаваць мінакам тэкст Дэклярацыі аб незалежнасьці і сувэрэнітэце Беларусі, які быў прыняты роўна 20 гадоў таму.

26.07.2010 Міліцыя спыніла акцыю пратэсту ў Магілёве

24 ліпеня ў Магілёве меў адбыцца мітынг "За свабоднае разьвіцьцё інтэрнэту". Група жыхароў зьбіралася пратэставаць супраць указу прэзыдэнта № 60 "Аб выкарыстаньні інтэрнэту", які набыў моц 1 ліпеня.