Праваабарончы цэнтр «ВЯСНА»

Навіны за 9 ліпеня 2012

09.07.2012 На Магілёўшчыне месцы працы сябраў акруговых камісій у СМІ друкаваць не будуць

Такое рашэнне было прынята сёння, 9 ліпеня, на сумесным пасяджэнні прадстаўнікоў магілёўскага аблвыканкаму і абласнога Савета дэпутатаў падчас фармавання акруговых выбарчых камісій. Паводле праваабаронцы Барыса Бухеля, месцы працы сябраў акруговых камісій могуць сведчыць пра залежнасць сябраў гэтых камісій ад вертыкалі ўлады.

09.07.2012 Брэсцкія ўлады адмовілі актывістам БХД у правядзенні масавых шэсцяў

Сябры ствараемай партыі “Беларуская хрысціянская дэмакратыя” падавалі заяўку на правядзенне двух такіх акцый у Брэсце: 10 ліпеня - ў падтрымку Паўла Севярынца, і 14 ліпеня - пад лозунгам “Свабоду палітвязням!”.

09.07.2012 “Слуцкі край” пра выбары ўсё маўчыць, але абвінавачвае ў невуцтве Меркель і Абаму

У раённай газеце “Слуцкі край” тэма парламенцкіх выбараў ігнаруецца. Затое апублікаваны матэрыял, дзе аўтар выказвае здагадку, што канцлер Германіі паняцця не мела, дзе знаходзіцца Беларусь, але сітуацыя ў нашай краіне чамусьці ўяўляе для яе “меркельтыўны” інтарэс.

09.07.2012 Кіргізскія праваабаронцы нагадалі беларускім дыпламатам пра справу Алеся Бяляцкага

Талекан Ісмаілава, кіраўнік Праваабарончага цэнтра «Грамадзяне супраць карупцыі», распавяла пра ўражанні кіргізскіх праваабаронцаў, якія спрабавалі наведаць у Бішкеку афіцыйны прыём з нагоды дня незалежнасці Беларусі - з патрабаваннем вызвалення кіраўніка "Вясны" і віцэ-прэзідэнта FIDH Алеся Бяляцкага.

09.07.2012 Чаму прадстаўнікі АГП не трапілі ў акруговыя камісіі Віцебшчыны?

Партыйная арганізацыя вылучыла 8 прадстаўнікоў – прэтэндэнтаў у акруговыя выбарчыя камісіі Віцебскай вобласці. Дакументы ў Віцебскі аблвыканкам былі дасланыя поштай 5 ліпеня. Аднак іх не зарэгістравалі.

09.07.2012 Вілейка: рыхтуюцца альтэрнатыўныя кандыдаты

У Вілейцы плануюць вылучацца два альтэрнатыўныя кандыдаты – Уладзімір Малярчук, сябра АГП, і Іосіф Маціюн, сябра партыі “Справядлівы свет”, дэпутат Вілейскага раённага Савета дэпутатаў. Абодва – даволі аўтарытэтныя і вядомыя ў горадзе асобы. І ў кожнага - сваё бачанне стратэгіі ўдзелу ў выбарах.

09.07.2012 На паседжанне па вылучэнні ў акруговыя камісіі ў Віцебскі аблвыканкам пускалі толькі па спісах

Таму на супольнае пасяджэнне аблвыканкаму і аблсавету не ўдалося трапіць ні сябру партыі "Справядлівы сьвет" Анатолю Родзіку, ні ўдзельніку мінулай прэзідэнцкай выбарчай кампаніі Уладзіміру Правальскаму. Абодва былі прэтэндэнтамі ў склад акруговых камісій.

09.07.2012 Слуцк: Дзеючы дэпутат адмовілася размаўляць з карэспандэнтам незалежнага выдання

«Я не буду з вамі размаўляць», - заявіла Інэса Кляшчук у тэлефоннай размове з карэспандэнтам незалежнай рэгіянальнай газеты «Інфа-Кур'ер». Так дэпутат Палаты прадстаўнікоў адрэагавала на пытанне, ці збіраецца яна ўдзельнічаць у выбарах ў другі раз.

09.07.2012 Алесь Бяляцкі ўзнагароджаны прэміяй Петры Келі

Палітычны зняволены кіраўнік праваабарончага цэнтру "Вясна" Алесь Бяляцкі ўзнагароджаны прэміяй Петры Келі, якую прысудзіў беларускаму праваабаронцу нямецкі фонд імя Генрыха Бёля.

09.07.2012 Аналітычная тыднёвая справаздача па выніках назірання: 2-8 ліпеня

Дзяржаўныя тэлеканалы практычна не асвятляюць выбарчую актыўнасць апазіцыйных палітычных партый. Пры гэтым у шэрагу выбарчых акругаў зафіксаваны матэрыялы ў падтрымку патэнцыйных праўладных кандыдатаў. У сталічнай і рэгіянальнай прэсе выходзяць інтэрв'ю з дэпутатамі дзеючага парламента. З’явіліся агітацыйныя друкаваныя матэрыялы з заклікам да байкатавання парламенцкіх выбараў.

09.07.2012 Справу палітневыязнога Лябедзькі разгледзяць 17 ліпеня

Лідэр АГП звярнуўся ў суд Цэнтральнага раёна Мінска больш за тры месяцы таму. Справу не маглі так доўга разгледзець у сувязі з «вялікай загрузкай суддзяў».

09.07.2012 Магілёў: Вылучэнцы “Гавары праўду” збіраюцца шчыльна працаваць з насельніцтвам

На гэтым тыдні патэнцыйныя кандыдаты ад “Гавары праўду” з Магілёўшчыны і Віцебшчыны і кіраўнікі іх перадвыбарчых штабоў павінны скончыць фармаванне канчатковых спісаў ініцыятыўных груп для збору подпісаў на вылучэнне ў дэпутаты.

09.07.2012 Дэмакратычныя партыі і рухі – пра свае стратэгіі на выбарах

«Справядлівы свет» мае намер вылучыць 40 кандыдатаў у дэпутаты, аргкамітэт па стварэнні партыі «Беларуская хрысціянская дэмакратыя» байкатуе выбары, «Гавары праўду!» гатовая падтрымаць 28 сваіх актывістаў, якія маюць намер балатавацца.

09.07.2012 Пінск: інфармацыя пра выбары – толькі ў друкаваных версіях газет

Той мінімум інфармацыі па выбарчай кампаніі, які падаюць гарадскі “Пінскі веснік” і раённая “Полесская правда”, чытачы могуць знайсці толькі ў друкаваных версіях. На на інтэрнэт-старонках выданняў няма і гэтых паведамленняў.

09.07.2012 Салігорск: апазіцыя вызначаецца з кандыдатамі

На дадазены момант вядома пра намеры вылучыць у якасці кандыдата па Салігорскай гарадской выбарчай акрузе №68 аднаго прадстаўніка ад Аб’яднанай грамадзянскай партыі. Мясцовыя актывісты партыі “Справядлівы свет” пакуль не змаглі даць канчатковага адказу пра вылучэнне свайго кандыдата ў Салігорскім рэгіёне. Партыя БНФ выстаўляць свайго кандыдата ў Салігорску не плануе.