Праваабарончы цэнтр «ВЯСНА»

Навіны за 19 лістапада 2014

19.11.2014 Камітэт па правах чалавека ААН прызнаў парушэнне правоў Сяргея Лазенкі

Сяргей Лазенка быў затрыманы ў жніўні 2007 года і прыцягнуты да адміністрацыйнай адказнасці за несанкцыянаванае масавае мерапрыемства – сход гарадской арганізацыі Партыі БНФ у офісе партыі ў Брэсце.

19.11.2014 У Слаўгарадскім раёне – праблемы з выплатай заработнай платы

На пасяджэнні Слаўгарадскага райвыканкама яго старшыня П. І. Найдзен агучыў інфармацыю пра тое, што у сельгаскааператыве “Жалезінскі” за верасень заробак не выплачаны своечасова.

19.11.2014 Кобрын: Антон Мех таксама праходзіць па справе “несанкцыянаванага мітынгу” ў Свіслачы

18 лістапада 17-гадоваму Антону Меху, сыну грамадскага актывіста Алеся Меха з Кобрына, на дом супрацоўнік міліцыі прынёс позву, дзе было сказана, што ён выклікаецца па справе аб несанкцыянаваным мітынгу ў Свіслачы.

19.11.2014 У Асіповічах шукаюць “дармаедаў”

У Асіповіцкім раёне створана працоўная група для актывізацыі працы па правядзенні маніторынгу па выяўленні незанятага насельніцтва са складаннем адпаведнага спіса. Першае пасяджэнне групы, якую ўзначаліў наменік старшыні Асіповіцкага райвыканкама Аляксандр Шаўлюга, адбылося 11 лістапада.

19.11.2014 Прызначана дата разгляду касацыйнай скаргі Мікалая Чарнавуса

Падпалкоўнік Эльдар Вільчкоўскі ў афіцыйных дакументах распаўсюдзіў зневажальныя звесткі, што падчас затрымання ў выніку несанкцыянаванага страйку баранавіцкіх прадпрымальнікаў 2 ліпеня Мікалай Чарнавус сімуляваў пагаршэнне свайго стану здароўя.

19.11.2014 На віцебскіх журналістаў і актывістаў заводзяць адміністрацыйныя справы за фотаздымкі на фоне графіці

Журналісты сфатаграфаваліся на фоне малюнка на сцяне будынка – выявы трох жалезных клетак, з якіх вырываецца зробленая з газеты птушка. Цяпер удзельнікаў фотасесіі выклікаюць у Чыгуначны РАУС і складаюць адміністрацыйныя пратаколы.

19.11.2014 Брэст: міліцыя шукае актывістаў, якія заняліся добраўпарадкаваннем могілак паўстанцаў Булак-Балаховіча (дакумент)

На імя старшыні Партыі БНФ дасланы запыт з упраўлення ўнутраных спраў Брэсцкага аблвыканкама, у якім гаворка ідзе пра акцыю, праведзеную сёлета ў гэтым абласным цэнтры ў Дзень памінання продкаў - «Дзяды».