Праваабарончы цэнтр «ВЯСНА»

Навіны за 22 лютага 2015

22.02.2015 НЕсвабода сходаў: у Полацку і Віцебску не адбыліся 4 пікеты

Усе гэтыя мерапрыемствы былі забаронены мясцовымі уладамі па прычыне таго, што арганізатары не прадставілі дамоваў з медыкамі, міліцыяй і работнікамі службаў ЖКГ. У Віцебску заключыць дамовы не атрымалася ні з кім, апроч камунальнікаў.

22.02.2015 “Таямнічае” рашэнне салігорскіх ідэолагаў: масавым мерапрыемствам - месца толькі за плотам стадыёна

Салігорскія прадстаўнікі Беларускага Хельсінскага Камітэту здабылі тэкст таямнічага рашэння Салігорскага райвыканкаму, на падставе якога ў беларускай сталіцы шахцёраў перыядычна забараняюцца масавыя мерапрыемствы.

22.02.2015 Бабруйск: Незаўважны Дзень "родного языка"

У Бабруйску асноўная ўвага чыноўнікаў аддзела культуры прыцягнута да святкавання Масленіцы і 23 лютага. Пра гэта пішуць усе мясцовыя СМІ, плануецца правесці шэраг тэматычных мерапрыемстваў на гарадскім узроўні. А вось для Міжнароднага дня роднай мовы месца традыцыйна знайшлося толькі ў бібліятэках і школах.

22.02.2015 Гомель: Кастусь Жукоўскі абвясціў сухую галадоўку ў ІЧУ

Грамадскі актывіст Кастусь Жукоўскі, затрыманы 20 лютага міліцыяй і асуджаны да арышту на 10 сутак, абвясціў сухую галадоўку. Аб гэтым паведаміў адвакат, які 21 лютага наведаў затрыманага ў ІЧУ.

22.02.2015 Жыхары Брэста дамагаюцца ад уладаў галоснасці ў справе новабудоўлі на тэрыторыі Брэсцкай крэпасці

Вялікі розгалас сярод неабыякавых грамадзян атрымала паведамленне пра намер расійскага дабрачыннага фонда “Абаронцаў Неўскага плацдарму” пабудаваць на тэрыторыі мемарыялу гатэль і стварыць “моладзевы ваенна-патрыятычны цэнтр”.

22.02.2015 За рэдактара “Вольнага горада” ўзяліся падаткавікі

Рэдактар крычаўскай маланакладнай газеты “Вольны горад” Сяргей Няроўны атрымаў патрабаванне ад інспекцыі Міністэрства па падатках і зборах па Крычаўскаму раёну прадставіць дэкларацыю аб даходах і маёмасці за 2011, 2012, 2013, 2014 гады ў тэрмін не пазней за 24.02.2015 г.