Праваабарончы цэнтр «ВЯСНА»

Навіны за 18 красавіка 2015

18.04.2015 Віцебскі аблвыканкам адмаўляецца ад абяцання ўвекавечыць памяць Рыгора Барадуліна ў Вушачах?

З афіцыйнага сайту знікла паведамленне, размешчанае на старонцы ў ліпені мінулага году - што ў адказ на звароты грамадзян у Вушачах будзе ўвекавечана памяць Рыгора Барадуліна. Таемнае знікненне раскрылася, калі днямі стала вядома, што ў Віцебску будзе вуліца імя Барадуліна.

18.04.2015 На праваабаронцу была заведзена справа за зварот у міліцыю (дакумент)

Гэта вынікае з адказа, атрыманага Паўлам Левінавым з Кастрычніцкага РАУС Віцебска. Праваабаронца напісаў заяву з просьбай разабрацца па фактах распаўсюду ў абласным цэнтры савецкіх сцяжкоў. Вынікі праверкі аказаліся, мяцца кажучы, дзіўнымі, гаворыць Левінаў.

18.04.2015 У родных Яўгена Васьковіча не ўзялі мастацкую літаратуру ў калоніі

17 красавіка маці, бацька і бабуля Яўгена Васьковіча пабачыліся з хлопцам на кароткатэрміновым спатканні. Перадалі прадукты і сродкі гігіены, а таксама Біблію ў перакладзе ксяндза Ўладзіслава Чарняўскага. Гэта ўжо другая беларускамоўная Біблія, якая патрапіла да Яўгена за краты.

18.04.2015 Мікола Статкевіч дзякуе бабруйчанам за падтрымку

"Перадавайце маю ўдзячнасць усім сваім калегам з вашага горада, якія даслалі мне віншаванні. Волі ўсім нам!" - напісаў Стакевіч бабруйскаму рэжысёру Максіму Буйніцкаму. У паштоўках Мікола Статкевіч выказвае падзяку і за віншаванні іншым палітвязням, "пра якія ведае з газеты".

18.04.2015 Гомельскага журналіста-фрылансера Кастуся Жукоўскага будуць судзіць у Нароўлі за прафесійную дзейнасць

17 красавіка гомельскі журналіст-фрылансер Кастусь Жукоўскі па пошце атрымаў адміністрацыйны пратакол, складзены ў дачыненні яго супрацоўнікамі Нараўлянскага РАУС.

18.04.2015 Старшыня Магілёўскага абласнога суда не задаволіў наглядную скаргу Рыгора Кастусёва

Рыгор Кастусёў атрымаў адказ на наглядную скаргу з нагоды вынесенага яму штрафу ў памеры 25 базавых велічынь за ўдзел у "несанкцыяваных" масавых мерапрыемствах у Свіслачы каля помнікаў Каліноўскаму і Траўгуту і памятнага крыжа ў в.Якушоўка Свіславіцкага раёна.

18.04.2015 УУС Магілёўскага аблвыканкама фальсіфікацыю дакументаў участковым лічыць “няўважлівасцю”

Згодна тлумачэнняў участковага інспектара Краўцова, недакладныя запісы ў тлумачэнні сп. Федарэнкі ён зрабіў з яго ўласных словаў, па сваёй няўважлівасці. За праяўленую “няўважлівасць” участковы Краўцоў быў прыцягнуты да матэрыяльнай адказнасці.

18.04.2015 Крызіс правоў чалавека ў Беларусі абмеркавалі ў АБСЕ

Пра беларускую сітуацыі 17 красавіка ў Вене гаварылі на паралельным мерапрыемстве ў рамках Дадатковага паседжання па пытаннях чалавечага вымярэння, прысвечанага свабодзе мірных сходаў і асацыяцый.