Праваабарончы цэнтр «ВЯСНА»

Навіны за 28 жніўня 2016

28.08.2016 Часцей за ўсё адмаўляюцца ад тэлевізійных зваротаў кандыдаты ў дэпутаты ў Брэсцкай вобласці

Калі ў сярэднім па Беларусі не з’явіліся на запіс бясплатных агітацыйных выступаў па тэлебачанні каля 15% прэтэндэнтаў на дэпутацкі мандат, дык у брэсцкім рэгіёне - амаль траціна (23 з 72-х кандыдатаў).

28.08.2016 На якія сродкі зроблена агітпрадукцыя кандыдата Расохі -- Мазырская акруговая камісія не адказала

Як дадзеная сітуацыя – агітацыйная прадукцыя зроблена і распаўсюджваецца, а грашовыя сродкі з выбарчага рахунка кандыдата не патрачаныя – адпавядае патрабаванням Выбарчаму кодэксу -- такія пытанні ставіў у сваіх заявах у акруговую камісію і пракуратуру Уладзімір Целяпун.

28.08.2016 Давераная асоба кандыдата Кавалько на пытанне пра сумленныя выбары: “Богу – Богава, Цэзару – цэзарава”

25 жніўня намеснік старшыні Астравецкага райвыканкаму Віктар Свілла – давераная асоба кандыдата у дэпутаты Палаты прадстаўнікоў Адама Кавалько – правёў у Смаргоні сустрэчу з выбаршчыкамі. Яна адбылася у гімназіі.

28.08.2016 Слонім: стаць кандыдатам – адзіная магчымасць выказацца на старонках дзяржвыдання

Калі на старонках “Слонімскага весніка” заўсёды адводзіцца месца для розных выступленняў Сопікавай ці матэрыялаў пра яе, то за пяць апошніх гадоў для Івана Шэгі, Міхаіла Караткевіча і Алеся Масюка прадвыбарчыя праграмы – гэта першыя выступленні на старонках слонімскай раёнкі.

28.08.2016 Эстафету нападаў пенсіянерак на агітацыйныя пікеты ад Хойнікаў прыняў Лоеў

Не абышоўся без прыгоды агітацыйны пікет у Лоеве – на давераную асобу кандыдата, журналіста-фрылансера Кастуся Жукоўскага напала жанчына, якая спрабавала выхапіць у яго мегафон, а затым нанесла яму некалькі удараў кулакамі ў спіну.

28.08.2016 Бабруйск: тэледэбаты – магчымасць задаць нязручныя пытанні

Найбольш "гарачымі" дэбаты атрымаліся паміж кандыдатамі па Сельскай акрузе, у іх удзельнічалі гендырэктар "Бабушкиной крынки" Ігар Кананчук, старшыня Глушанскага сельсавету Марыя Сушчанка і індывідуальны прадпрымальнік, сябра кампаніі "Гавары праўду" Андрусь Архіпенка.

28.08.2016 Смаргонь: кандыдат Адам Кавалько парушае парадак правядзення сустрэч з выбаршчыкамі

Апошнія дзве сустрэчы з выбаршчыкамі ў Смаргоні кандыдатам у дэпутаты Палаты прадстаўнікоў Адамам Кавалькам арганізаваны з парушэннем дзеючага заканадаўства.