Праваабарончы цэнтр «ВЯСНА»

Навіны за 29 лістапада 2017

29.11.2017 Віцебск: скарга грамадзян на неўключэнне іх прадстаўніка ў гарвыбаркам судом не задаволена

Грамадзяне абскардзілі ў суд рашэнне, якім прэзідыум гарсавета дэпутатаў і гарвыканкама адмовіў ім ва ўключэнні ў Віцебскую гарадскую тэрытарыяльную выбарчую камісію іх прадстаўніка Паўла Левінава. Прычыны такога рашэння ім не патлумачылі.

29.11.2017 Створаны “Мемарыял праваабаронцаў”, каб спыніць забойствы за абарону правоў чалавека

Упершыню ў гісторыі створаны асобны рэсурс, які адлюстроўвае праўдзівы размах забойстваў праваабаронцаў у свеце. Па ацэначных звестках, з 1998 года за сваю мірную працы ў абарону правоў іншых людзей загінулі каля 3 500 праваабаронцаў. “Мемарыял праваабаронцаў” стане не проста хронікай, але і помнікам іх жыцця, працы і дасягненняў.

29.11.2017 Бярозаўскі раённы суд не задаволіў скаргу на неўключэнне Тамары Шчапёткінай у ТВК

28 лістапада ў судзе Бярозаўскага раёна адбыўся разгляд скаргі дзесяці выбаршчыкаў, якія шляхам падачы заявы вылучылі Тамару Шчапёткіну ў склад Бярозаўскай раённай выбарчай камісіі.

29.11.2017 Міністэрства інфармацыі вынесла папярэджанне газеце “Борисовские новости”, будзе суд

Міністэрства інфармацыі вынесла пісьмовае папярэджанне юрыдычнай асобе, на якую ўскладзеныя функцыі рэдакцыі газеты “Борисовские новости”, палічыўшы што рэакцыя газеты парушыла палажэнні арт. 8 закона "Аб масавых мерапрыемствах".

29.11.2017 Кнігі Аліневіча і Дразда паклалі пачатак серыі “Беларуская турэмная літаратура”

Прэзентацыя кніг былых палітвязняў Ігара Аліневіча «Еду ў Магадан» і Змітра Дразда «Бунт батанікаў» адбылася ў Мінску 28 лістапада. Розныя па характары і ўмовах напісання творы аб’яднала серыя “Беларуская турэмная літаратура”.

29.11.2017 Упершыню ў Камітэт ААН па ліквідацыі расавай дыскрымінацыі прадстаўлены альтэрнатыўныя даклады па Беларусі

30 лістапада ў Жэневе на пасяджэнні 94-й сесіі Камітэта ААН па ліквідацыі расавай дыскрымінацыі пачнецца разгляд дакладу Беларусі аб выкананні Канвенцыі аб ліквідацыі ўсіх формаў расавай дыскрымінацыі. Праваабаронцы прадставяць Камітэту альтэрнатыўныя даклады.