Праваабарончы цэнтр «ВЯСНА»

Навіны за 11 студзеня 2018

11.01.2018 Прысуд па справе Андрэя Бяляўскага за захоўванне патрона будзе абвешчаны заўтра

Суд Ленінскага раёна Мінска пачаў 11 студзеня разгляд крымінальнай справы супраць мінскага мастака-дызайнера Андрэя Бяляўскага. Пракурор запрасіў абмежаванне волі тэрмінам на 1 год без накіравання ў папраўчую ўстанову адкрытага тыпу ("хатняя хімія"), адвакат просіць абмежавацца штрафам.

11.01.2018 Конкурс журналiсцкiх прац “Бежанец XXI стагоддзя”

Прыватная інфармацыйная ўстанова “Цэнтр падтрымкі бежанцаў” у супрацы з праваабарончай ініцыятывай “Журналісты за талерантнасць” абвяшчае прафесійны конкурс на найлепшы журналісцкі матэрыял, прысвечаны бежанцам у Беларусі і за мяжой.

11.01.2018 “Канапляная каляда” не спадабалася міліцыі: на калядоўшчыкаў складаюць пратаколы

За ўдзел у “Канаплянай калядзе”, якую зладзілі 25 снежня актывісты ініцыятывы Legalize Belarus, супрацоўнікі міліцыі распачалі адміністратыўны працэс. Пра гэта ў сацыяльных сетках паведаміў адзін з удзельнікаў каляднага шэсця Пётр Маркелаў.

11.01.2018 Пракуратура зноў указала СК на няпоўнасць праверкі па факце збіцця Сяргея Ткачэнка міліцыяй

Пракуратура Дзяржынскага раёна ў другі раз адмяніла пастанову аб адмове ва ўзбуджэнні крымінальнай справы ў дачыненні да супрацоўнікаў міліцыі, якія нанеслі не менш за 26 цялесных пашкоджанняў пры затрыманні Сяргея Ткачэнка.

11.01.2018 Слуцк: суд заплюшчыў вочы на парушэнні выбарчага заканадаўства пры фарміраванні участковых камісій

Пры вывучэнні ў судзе заяў выбаршчыкаў па вылучэнні прэтэндэнтаў у склад камісій высветлілася, што пры вылучэнні ва ўчастковую выбарчую камісію ўчастку для галасавання №13 (дарэчы, там, куды вылучаўся і прадстаўнік Партыі БНФ) ад грамадзянаў шляхам падачы заявы ў заявах 7 асобаў адсутнічалі неабходныя звесткі: не было пазначанае іх месца працы (занятак) і пасады.