Праваабарончы цэнтр «ВЯСНА»

Навіны за Чэрвень 2020

05.06.2020 Эксперты ААН: Беларусь павінна спыніць рэпрэсіі, якія душаць альтэрнатыўнае меркаванне

Сёння група экспертаў ААН выказала сур'ёзную занепакоенасць у сувязі з узмацненнем рэпрэсій супраць грамадзянскай супольнасці ў Беларусі, заявіўшы, што ўрад краіны павінен абараняць права на свабоду выказвання меркавання і перастаць душыць крытыку.

05.06.2020 Суды і затрыманні па ўсёй Беларусі працягваюцца ў пятніцу

У Магілёве раніцай 5 чэрвеня судзяць яшчэ адну ўдзельніцу сустрэчы 5 траўня з камандай блогера Сяргея Ціханоўскага – Вольгу Лобан.

05.06.2020 Мішэль Форст аб перамогах і паразах на пасадзе спецдакладчыка ААН

Спецыяльны дакладчык ААН па пытанні пра становішчы праваабаронцаў Мішэль Форст падрыхтаваў свой апошні даклад перад заканчэннем мандата 1 мая 2020 года. Ён назваў яго больш асабістым, чым папярэднія.

05.06.2020 Супольны пікет каля сталічнага ГУМа: як развіваюцца падзеі?

Супольны пікет альтэрнатыўных кандыдатаў па зборы подпісаў анансаваўся на 18 гадзін 5 чэрвеня каля сталічнага ГУМа. Задоўга да яго пачатку, як паведамляе Еўрарадыё, у раёне заўважаецца прыкметнае ажыўленне сілавікоў.

05.06.2020 "Чарга ў 16.20 прыйдзе?" Першы пікет Лукашэнкі ў Мінску

У Мінску на праспекце Незалежнасці, каля Dana Mall, з'явіўся першы пікет за вылучэнне кандыдатам у прэзідэнты Аляксандра Лукашэнкі, піша TUT.BY.

05.06.2020 Крымінальная справа за гвалт да міліцыянтаў: вобшукі, затрыманні і новы фігурант справы

Увечары 1 чэрвеня скончыўся трохдзённы тэрмін з моманту затрымання блогера Сяргея Ціханоўскага і сямі яго паплечнікаў у Гродне 29 траўня. Усе яны затрыманы ў межах крымінальнай справы за гвалт у дачыненні да супрацоўнікаў міліцыі (арт. 364 КК РБ) і знаходзяцца ў мінскім ізалятары на вул. Акрэсціна. Пасля сканчэння трох сутак на волю ніхто з затрыманых не выйшаў, бо тэрмін утрымання пад вартай падоўжаны да 10 сутак з моманту затрымання. Цягам гэтага часу (да вечара 8 чэрвеня) затрыманым мусяць прад'яўвіць абвінавачванні альбо вызваліць.

05.06.2020 Як выглядаюць пікеты на Камароўцы ў будні дзень?

"Наша Ніва" апублікавала фотаздымкі чаргі паставіць подпіс за патэнцыйнай кандыдаткі ў прэзідэнты Святлану Ціханоўскую ў звычайны будні дзень. Па словах жадаючых пакінуць подпіс, яны стаяць гадзіну.

05.06.2020 Фотафакт: Знойдзены пікет за Лукашэнку

Адзіны пікет па зборы подпісаў за вылучэнне кандыдатам у прэзідэнты А. Лукашэнкі заўважаны ў Петрыкаве, паведамляецца ў телеграм-канале NEXTA.

05.06.2020 Найбольшы ўдар сілавікі нанеслі ініцыятыўнай групе Святланы Ціханоўскай

Па інфармацыі, якой валодаюць праваабаронцы “Вясны” па стане на 5 чэрвеня, 12 сябраў ініцыятыўнай групы вылучэнкі ў кандыдаты ў прэзідэнты Святланы Ціханоўскай падвергліся пераследу, затрыманням і адміністрацыйнаму пакаранню.

05.06.2020 Вылучэнка ў кандыдаткі патрабуе прыцягнуць Лукашэнку да крымінальнай адказнасці за дыскрымінацыю жанчын

Сустаршыня аргкамітэту па стварэнні партыі БХД Вольга Кавалькова 4 чэрвеня звярнулася ў Следчы камітэт з заявай аб прыцягненні Аляксандра Лукашэнкі да крымінальнай адказнасці паводле артыкулу 190 Крымінальнага кодэксу («Парушэнне раўнапраўя грамадзян»).

05.06.2020 Удзельнікаў пікетаў у Віцебску будуць судзіць

Удзельнікаў пікетаў па збору подпісаў у Віцебску 31 траўня, на якім прысутнічаў сузаснавальнік БХД Павел Севярынец, пачалі запрашаць у аддзяленні міліцыі для складання пратаколаў.

05.06.2020 Перадвыбарчыя пікеты ў Бабруйску: доўгія чэргі і затрыманне журналістаў

4 чэрвеня ў Бабруйску прайшоў другі пікет у падтрымку Святланы Ціханоўскай, гэтым разам абышлося без дажджу, паведамляе Бабруйскі інтэрнэт-партал.

05.06.2020 У ААН зарэгістраваная скарга праваабаронцаў. Улады забаранялі ім пратэставаць

Як паведамляе "Гомельская вясна", 5 чэрвеня група па петыцыях Упраўлення Вярхоўнага камісара ААН па правах чалавека зарэгістравала (№3760/2020) і накіравала беларускаму ўраду сумесную скаргу праваабаронцаў Андрэя Стрыжака і Леаніда Судаленкі.

05.06.2020 Мужчына, адклікаўшы свой подпіс за Лукашэнку, перадумаў

4 чэрвеня грамадзянін Н. звязаўся з рэдакцыяй сайта ПЦ "Вясна", а таксама з іншымі рэсурсамі, дзе была апублікаваная інфармацыя аб ім. Рэдакцыі TUT.BY ён распавёў, што на момант напісання заявы знаходзіўся ў стрэсавым стане.

04.06.2020 Затрыманні і ператрус пад Мазыром. Там жа знік мадэратар сацсетак "Краіны для жыцця"

Як паведаміў раніцай праваабаронцам ПЦ «Вясна» фермер Аляксандр Вянгура, да яго ў дом уначы ўварваліся шмат супрацоўнікаў праваахоўных органаў і пачалі рабіць ператрус.