21.01.2008 Алега Корбана арыштавалі на 10 сутак

Судзьдзя Вольга Гусакова пастанавіла арыштаваць на 10 сутак актывіста “Маладога фронту” і Аб’яднанай грамадзянскай партыі Алега Корбана.

Алег Корбан быў затрыманы ў суботу 19 студзеня каля турым на Акрэсьціна, дзе разам з сябрамі хацеў перадаць перадачы арыштаваным.

Яго зьвінавацілі ў тым, што ён нібыта нецэнзурна лаяўся.

21.01.2008 Зьмены заканадаўства Рэспублікі Беларусь, якія датычаць правоў чалавека

На працягу 2007 году ў Рэспубліцы Беларусь быў прыняты шэраг заканадаўчых актаў, якія закранаюць правы чалавека.

21.01.2008 Пенсіянерка Сьвятлана Данілава аштрафаваная на 5 базавых велічыняў за распаўсюд незалежных выданьняў

Такую пастанову вынесла сёньня судзьдзя Савецкага райсуду Людміла Савасьцян. Пенсіянерка з Барысава была затрыманая 20 студзеня ў пераходзе каля Камароўскага рынку за распаўсюд "Народнай волі". Такую пастанову вынесла сёньня судзьдзя Савецкага райсуду Людміла Савасьцян.

21.01.2008 Сьпіс затрыманых падчас акцыі прадпрымальнікаў 21 студзеня ў Менску і суды над імі

Сьпіс папярэдні, магчымы ўдакладненьні і недакладнасьці. Па папярэдняй інфармацыі затрымана больш за 20 чалавек

21.01.2008 Пачаліся масавыя затрыманьні, на Кастрычніцкую плошчу прыехала "хуткая дапамога" (дадаліся фотаздымкі)

15.00 Частка дэманстрантаў, выціснутая з плошчы Незалежнасьці, зноў вярнулася на Кастрычніцкую плошчу. Каля універсама "Цэнтральны" на прасьпекце ўтварылася вялікая даўка, удзельнікаў акцыі байцы ў камуфляжы спіхваюць па прыступках у паздемны пераход, хапаюць і адводзяць за Палац Рэспублікі, дзе стаяць аўтазакі. Кастрычніцкая плошча ўся ацэпленая супрацоўнікамі сьпецпадразьдзяленьня, прыехала тры машыны "хуткай дапамогі". Моладзь дасылае смс-кі наступнага зьместу: "перадалі па рацыі - праводзіцца поўная зачыстка". Можна з упэўненасьцю сказаць, што чарговая мірная акцыя жорстка задушаная ўладамі і цягам дня будуць прыходзіць зьвесткі пра зьбітых і затрыманых.

21.01.2008 Удзельнікаў мітынгу выцясьняюць з плошчы

14.20 Байцы сьпецпадразьдзяленьняў, якія колькасна ў дзесяткі разоў перавышаюць удзельнікаў акцыі, груба адцясьняюць усіх з плошчы. Як паведамляе наш карэспандэнт, уся плошча проста чорная ад касах і ўніформы, інфармацыі пра затрыманых пакуль няма. 14.30 Толькі што на плошчу прыехалі байцы СОБРу на чале з кіраўніком Паўлючэнкам. Адбываецца сілавы разгон мірнай акцыі!

21.01.2008 Дэманстранты падыходзяць каля Дому ураду, з аўтазакаў выскокваюць байцы ў касках

14.15 Калона, у якой ужо каля трох тысяч удзельнікаў акцыі пратэсту, па ходніках падыходзіць да Дому ураду. З аўтазакаў, якія стаяць за будынкам педуніверсітэту, выскокваюць байцы сьпецпадразьдзяленьня са шчытамі і ў касках. На некаторых шчытах надпісы "Беркут". Мітынгоўцаў пакуль не чапаюць, байцы ацэпліваюць Дом ураду ў два шэрагі.

21.01.2008 Мітынгоўцы выйшлі на праезжую частку, аўтазакі выехалі таксама

Прыкладна ў 13.40 удзельнікі мітынгу прадпрымальнікаў рушылі на Плошчу Незалежнасьці. Спачатку яны ішлі па ходніках, аднак праз некалькі хвілінаў выйшлі на праезжую частку. Адразу за імі на прасьпект выехалі аўтазакі і пачалі цясьніць людзей да тратуараў. У цэнтры гораду каля КДБ поўны вэрхал, частка руху паралізаваная.

21.01.2008 Міжнародныя арганізацыі абураныя прысудам А. Здвіжкову

«Пераслед журналістаў за імкненне інфармаваць грамадскасць па важных пытаннях з’яўляецца злоўжываннем законам аб распальванні нянавісці», — так пракаментаваў вынікі суда па «карыкатурнай справе» прадстаўнік АБСЕ па пытаннях свабоды СМІ Міклаш Харашці ў інтэрвью рускай службе «Бі-Бі-Сі».

21.01.2008 На Кастрычніцкай плошчы - запланаваная акцыя прадпрымальнікаў

На Кастрычніцкай плошчы ў Менску праходзіць запланаваны мітынг прадпрымальнікаў супраць. Удзельнікаў на гэты раз менш, чым было 10 студзеня, зараз каля 1000 чалавек. На плошчу прыйшлі прадстаўнікі замежных амбасадаў, журналісты. Вакол у дварах шмат міліцэйскіх аўтобусаў, поўныя супрацоўнікамі спецпадразьдзяленьняў, за Палацам Рэспублікі знаходзяцца 8 камунальных машын і 2 трактары. Па перыметру езьдзіць машына 1-га нацыянальнага дзяржканалу, якая здымает ўсё, што адбываецца на відэакамеру.

21.01.2008 Аўтобусы з міліцыяй і аўтазакі сканцэнтраваны вакол Кастрычніцкай плошчы

У некалькі месцах на подступах да плошчы стаяць па 3-5 аўтобусаў з міліцыяй. Радыё “Свабода паведамляе пра аўтазакі. На гэты час, супрацоўнікі ДАІ забараняюць прыватным аўтамашынам спыняцца на Кастрычнікай плошчы.

21.01.2008 Затрыманы актывіст-прадпрымальнік са Светлагорску Анатоль Зьмітровіч абвясьціў галадоўку

Ён быў затрыманы міліцыяй 18 студзеня, пасьля таго, як з’явіўся па позве ў Светлагорскі РАУС, каб даць паказаньні пра акцыю прадпрымальнікаў 10 студзеня. Сёньня павінен адбыцца суд над актывістам.

21.01.2008 У Магілёве шэраг актывістаў атрымалі позвы ў міліцыю

Напярэдадні акцыі пратэсту прадпрымальнікаў, што мае 21 студзеня адбыцца ў Магілёве, шэраг магілёўскіх грамадзкіх актывістаў атрымалі позвы, згодна зь якімі яны мусяць уранку 21-га студзеня зьявіцца ў раённыя аддзяленьні міліцыі гораду. Як паведамілі мясцовыя праваабаронцы, позвы атрымалі:

21.01.2008 Напярэдадні мітынгу прадпрымальнікаў улада спрабуе ізаляваць і запалохаць грамадскіх дзеячоў і прадпрымальнікаў

Акцыя пратэсту прадпрымальнікаў пачнецца ў 12-00 на Кастрычніцкай плошчы. Напярэдадні чарговага мітынгу прадпрымальнікаў улада спрабуе ізаляваць і запалохаць грамадскіх дзеячоў і прадпрымальнікаў.