Праваабарончы цэнтр «ВЯСНА»

Навіны за 18 лютага 2008

18.02.2008 Аляксандра Мілінкевіча адпусцілі

Лідэр Руху “За Свабоду” Аляксандр Мілінкевіч разам з паплечнікамі Аляксеем Кавальцом і Алесем Лагвінцом вызваленыя з ГУУС Мінгарвыканкама.

18.02.2008 "Голад, холад, пацукі" - Франак Вячорка пра ўмовы свайго ўтрымання ў следчым ізалятары на Акрэсціна

Старшыня культурніцкай камісіі Партыі БНФ адлічаны з журфаку БДУ за “акадэмічную непаспяховасць”. Ён не паспеў здаць экзамены па прычыне таго, што адбываў 15 сутак арышту за “нецэнзурную лаянку ў грамадскім месцы”.

18.02.2008 16 лютага ў Магілёве адбыўся ўстаноўчы сход дабрачыннага грамадзкага аб’яднаньня “Кропля жыцьця”.

На сходзе дзесяць донараў-заснавальнікаў зацьвердзілі статут аб’яднаньня й пастанавілі падаць ва ўправу юстыцыі Магілёўскага аблвыканкаму дакумэнты на рэгістрацыю.

18.02.2008 Куды чыноўнікі трацяць адсуджаныя ў журналістаў грошы?

Мікалай Чаргінец паабяцаў пералічыць сродкі, адсуджаныя ў выдаўца «Новага часу» і журналіста Аляксандра Тамковіча, на лячэнне псіхічна хворых людзей. «Я ў «Народнай волі» прачытаў, што яны заклапочаны, што ў нас усё больш людзей хварэюць на псіхічныя захворванні», — не аднойчы заяўляў сп. Чаргінец прадстаўнікам СМІ. А які лёс грашовых кампенсацый, раней адсуджаных высокімі чыноўнікамі ў недзяржаўных выданняў?

18.02.2008 Крымінальная справа Аляксея Сарнова за графіці перададзеная ў суд

Супрацоўнікі гродзенскай міліцыі перадалі ў суд справу Аляксея Сарнова – жыхара горада, які ноччу 17 снежня нанёс на сценах 2 дамоў графіці з заклікам да ўладаў вярнуць ільготы.

18.02.2008 Зьдзьвіжкоў трапіў у турэмны шпіталь

Пра гэта стала вядома пасьля таго, як маці журналіста Ганна Зьдзьвіжкова наведала менскі сьледчы ізалятар.

18.02.2008 Пінск: суд выкрыў памылкі міліцыянтаў

“Пастанова судзьдзі Лешчанкі займае дзьве старонкі тэксту. Ён выкрыў шматлікія памылкі пратаколу, які 10 лютага склаў маёр пінскай міліцыі Аляксандар Сыраежка”, — паведаміў “Свабодзе” Аляксандар Васільеў.

18.02.2008 За Еўрапейскі марш ўлады выставілі рахунак - звыш 2 мільёнаў рублёў

25 лютага ў судзе Савецкага раёну сталіцы прызначана судовае паседжаньне па зыску Гаррэмаўтадор (прадпрыемства “Горремавтодор” Мінгарвыканкама) да заяўнікаў шэсьця Еўрапейскі марш: спадарам Вячорку, Лябедзьку, Івашкевічу, Федаруку, Афнагелю. Дзяржпрадпрыемства ацаніла суму, патрачаную на прыборку вуліц сталіцы пасьля правядзеньня дэмакратычнай акцыі ў 2 мільёны 135 тысяч 974 рублі, і вырашыла спагнаць яе з арганізатараў Еўрапейскага маршу.

18.02.2008 Міліцыянты канфіскавалі “Навіны Сухарава”

17 лютага міліцыянты затрымалі актывіста Руху “За Свабоду”Алеся Гнятулю, які раскідваў па паштовых скрынях у адным з дамоў у Мінску газету “Навіны Сухарава”.

18.02.2008 У Беларусі прэзентаваны новы фільм «Вязьні сумленьня»

15 лютага ў Беларускім ПЭН-Цэнтры адбыўся прэм’ерны паказ дакументальнага фільма рэжысёра і прадусара Вольгі Мікалайчык "Вязні сумлення", прысвечанага вядомым дэмакратычным дзеячам, зняволеным па палітычных матывах.